గూగుల్ ప్లే మ్యూజిక్ కనడపడటం లేదు, ఎందుకో తెలుసా ?

ఆండ్రాయిడ్ 9, 10 ఓఎస్ ఉన్న ఫోన్లలో

రానున్న ఆండ్రాయిడ్ 9, 10 ఓఎస్ ఉన్న ఫోన్లలో గూగుల్ ప్లే మ్యూజిక్‌కు బదులుగా యూట్యూబ్ మ్యూజిక్ యాప్‌ను అందివ్వనున్నట్లు గూగుల్ తెలిపింది. అయితే గూగుల్ ప్లే మ్యూజిక్ యాప్ కూడా వినియోగదారులకు అందుబాటులో ఉంటుందని గూగుల్ తెలిపింది.

యూట్యూబ్ మ్యూజిక్ యాప్‌

ఆ ఫోన్ వాడే యూజర్లు యూట్యూబ్ మ్యూజిక్ యాప్‌ ద్వారా పాటలు వినాల్సి ఉంటుంది. అయితే ఇక్కడ మీకు విసుగు కలిగించే అంశం కూడా ఉంది. పాటల మధ్యలో యాడ్స్ వస్తాయి. అలా రాకుండా ఉండాలంటే ఈ యాప్‌కుగాను నెలకు రూ.99 చెల్లించాలి. అదే ఫ్యామిలీ ప్లాన్ అయితే రూ.149 చెల్లిస్తే 5 మంది ఉపయోగించుకోవచ్చు. దీంతో యాడ్స్ రాకుండా పాటలను బ్యాక్ గ్రౌండ్‌లోనూ వినవచ్చు.

పిక్సల్ ఫోన్లకు అవుట్

ఇప్పటికే కొంతమందికి గూగుల్ ప్లే స్టోర్ లో గూగుల్ మ్యూజిక్ కనపడటం లేదని కంప్లయింట్లు ఇస్తున్నారు. పిక్సల్ 2, 3 ఫోన్ వినియోగదారులు తమ ఫోన్లలో గూగుల్ ప్లే మ్యూజిక్ కనపడటం లేదని, లింక్ డౌన్లోడ్ చేస్తుంటే ఎర్రర్ వస్తుందని చెబుతున్నారు. 

పూర్తిగా కనుమరుగవుతుందా ?

రానున్న కాలంలో గూగుల్ ప్లే మ్యూజిక్ పూర్తిగా కనుమరుగైపోయినా ఆశ్చర్యపోనవసరం లేదని పలువురు చర్చించుకుంటున్నారు. గూగుల్ ప్లే కన్నా యూట్యూబ్ ద్వారానే గూగుల్ కు ఆదాయం వస్తుందని, ఇందులో భాగంగానే గూగుల్ ప్లే మ్యూజిక్ యాప్ ని బ్యాన్ చేసే దిశగా అడుగులు వేస్తోందని తెలుస్తోంది.