గూగుల్ ప్లస్ షట్‌డౌన్, డేటాను కాపాడుకోండి

యూజర్ల డేటా ఇతరుల చేతికి

సాఫ్ట్‌వేర్‌ పరమైన సాంకేతిక లోపాలతో యూజర్ల డేటా ఇతరుల చేతికి చేరే అవకాశాలుండటమే ఇందుకు కారణమని గూగుల్ తెలిపింది.

5,00,000 మంది యూజర్ల ప్రైవేట్‌ డేటా

ఒక బగ్‌ మూలంగా 5,00,000 మంది యూజర్ల ప్రైవేట్‌ డేటా బయటి డెవలపర్లకు అందుబాటులోకి వచ్చిన విషయాన్ని గుర్తించిన గూగుల్‌ ఈ మేరకు నిర్ణయం తీసుకుంది.

తగిన ఆధారాలేమీ..

అయితే, ఏ డెవలపర్‌కు కూడా ఈ బగ్‌ గురించి గానీ, అప్లికేషన్‌ ప్రోగ్రామింగ్‌ ఇంటర్‌ఫేస్‌ (ఏపీఐ) దుర్వినియోగం గురించి గానీ తెలుసనడానికి తగిన ఆధారాలేమీ కనిపించలేదని గూగుల్‌ తెలిపింది.

ప్రొఫైల్‌ డేటా

అలాగే ఎవరి ప్రొఫైల్‌ డేటా కూడా దుర్వినియోగం అయిన దాఖలాలు కూడా కనిపించలేదని గూగుల్‌ వైస్‌ ప్రెసిడెంట్‌ (ఇంజినీరింగ్‌ విభాగం) బెన్‌ స్మిత్‌... ఒక బ్లాగ్‌లో పేర్కొన్నారు.బగ్‌ను సరిదిద్దేందుకు జరిగిన ప్రయత్నాల్లో భాగంగా అంతర్గతంగా నిర్వహించిన పరిశీలనలో ఈ అంశాలు వెల్లడైనట్లు ఆయన వివరించారు.