ఇంజినీరింగ్ విద్యార్థులకు గూగుల్ శిక్షణా తరగతులు

యువ విద్యార్థుల భవిష్యత్‌ను లేటెస్ట్ మొబైల్ టెక్నాలజీస్ వైపుగా నడిపించే క్రమంలో సాఫ్ట్‌వేర్ దిగ్గజం గూగుల్ డే-లాంగ్ మొబైల్ డెవలపర్ ఫెస్ట్‌ను శుక్రవారం బెంగుళూరులో నిర్వహించింది.

దేశవ్యాప్తంగా 20 లక్షల మొబైల్ డెవలపర్స్‌కు శిక్షణనిచ్చే ఉద్దేశ్యంతో ప్రారంభించబడిన ఈ కార్యక్రమాన్ని సీఎమ్ఆర్ ఇన్‌స్టిట్యూట్ ఆఫ్ టెక్నాలజీ క్యాంపస్‌లో గూగల్ నిర్వహించింది. ఈ శిక్షణా కార్యక్రమాలను 12 రాష్ట్రాల్లోని లీడింగ్ ఇంజినీరింగ్ కళాశాలల్లో గూగుల్ నిర్వహించబోతోంది.

టెక్నాలజీ నైపుణ్యాల విభాగంలో ఇండియా ప్రపంచ దేశాలను ఆకట్టుకుంటోందని, ఇక్కడి యువ విద్యార్థులు కొత్త టెక్నాలజీలను నేర్చుకునేందుకు ఉత్సాహంతో ఉన్నారని గూగుల్ యూనివర్శిటీ రిలేషన్స్ - ప్రొడక్ట్స్ గ్రూప్ డెవలపర్ విలియం ఫ్లోరెన్స్ ఒక ప్రకటనలో తెలిపారు.

ఈ డే-లాంగ్ ఫెస్ట్‌లో పాల్గొనే కంప్యూటర్ సైన్స్ అండ్ ఇంజినీరింగ్ విద్యార్థులకు మెచీన్ లెర్నింగ్, ఫైర్ బేస్, ఆండ్రాయిడ్ అండ్ ప్రోగ్రెస్సివ్ వెబ్ యాప్స్ పై గూగుల్ అవగాహన కల్పిస్తోంది. ఈ ఫెస్ట్‌లో పాల్గొనే విద్యార్థులకు హ్యాండ్స్-ఆన్ ల్యాబ్స్ సెషన్స్‌లో పార్టిసిపేట్ చేసే అవకాశాన్ని కూడా గూగుల్ కల్పిస్తోంది.

ఇటీవల బెంగళూరులో నిర్వహించిన యాప్ ఎక్స్‌లెన్స్ సమ్మిట్‌లో భాగంగా సాఫ్ట్‌వేర్ దిగ్గజం గూగుల్ 'Made for India' పేరుతో సరికొత్త ప్రోగ్రామ్‌ను లాంచ్ చేసింది. భారతీయులకు అవసరమైన యాప్స్‌ను తయారు చేయటమే లక్ష్యంగా లాంచ్ కాబడిన ఈ ప్రోగ్రామ్ ద్వారా డెవలపర్స్‌కు తమ టాలెంట్‌ను నిరూపించుకునే అవకాశాన్ని గూగుల్ కల్పించింది.

ఇండియన్ డెవలపర్స్ కోసం రూపొందించబడిన ఈ ఇనీషియేటివ్‌లో భాగంగా ప్రత్యేకంగా కేటాయించబడిన సెక్షన్‌లో ఇండియన్ యాప్స్‌ను ప్రదర్శిస్తారు. ఇండియన్ డెవలపర్స్ డిజైన్ చేసిన హై-క్వాలిటీ యాప్స్‌కు ఈ సెక్షన్‌లో చోటు లభిస్తుంది. తమ యాప్‌ను మేడ్ ఫర్ ఇండియా సెక్షన్‌లో చూడాలనుకునే డెవలపర్స్ g.co/play/madeforindiaలోకి వెళ్లి సెల్ఫ్ నామినేషన్ ఫారమ్‌ను పూర్తి చేయవల్సి ఉంటుంది.