ఈ వీడియో చూస్తే..గోల్డ్ కాయిన్?

లండన్ ఒలంపిక్స్ 2012లో భాగంగా మంగళవారం హర్డిల్స్ ఇంటరాక్టివ్ డూడుల్‌లో ముందుకొచ్చిన గుగూల్, బుధవారం ఇంటరాక్టివ్ బాస్కెట్ బాల్ డూడుల్‌తో నెటిజనులను అలరిస్తుంది. ఒలంపిక్స్‌లో భాగంగా గూగుల్ పోస్ట్ చేసిన ఈ 13వ డూడుల్ బాస్కెట్ బాల్ క్రీడా ప్రాధాన్యతను సూచిస్తుంది.

ఈ ఇంటరాక్టివ్ బాస్కెట్ బాల్ డూడుల్ ద్వారా యూజర్ తన క్రీడాపాఠవాన్ని ప్రదర్శించి పాయింట్‌లను స్కోర్ చేసుకోవచ్చు. ఇందకు కీబోర్ట్‌లోని స్పేస్ బార్, మౌస్ ఎడుమ చేతి బటన్‌లను ఉపయోగించాల్సి ఉంటుంది. 24సెకన్ల వ్యవధిలో మీరు గోల్ చేసిన బంతులను గూగుల్ లెక్కకడుతుంది. అత్యధిక స్కోర్ మీదే అయితే బంగారు నాణెం మీ సొంతం.