సోషల్ మీడియాలో ఈ గేమ్ వీడియోలు పోస్ట్ చేయకండి

టిక్ టాక్ లో ఈ గేమ్ వైరల్

ఇప్పుడు ప్రమాదకర గేమ్ సోషల్ మీడియాలో (Social Media) చక్కర్లు కొడుతోంది. ముఖ్యంగా వీడియో షేరింగ్ యాప్ టిక్ టాక్ లో ఈ గేమ్ వైరల్ అవుతోంది. అయితే ఈ గేమ్ తీవ్రమైన ఆందోళనను రేకెత్తిస్తోంది. స్కల్‌ బ్రేకర్‌ ఛాలెంజ్‌ (Skull Breaker Challenge) పేరిట సోషల్‌ మీడియాలో వైరల్ అవుతున్న ఈ గేమ్ ను ఎట్టి పరిస్థితుల్లోనూ ఆడకండని నిపుణులు చెబుతున్నారు.

Skull Breaker Challenge

ఈ గేమ్ ఏంటంటే.. ఇద్దరు వ్యక్తులు గాలిలో ఎగురుతుండగా, మూడో వ్యక్తి వారి మధ్యలో నిల్చుని అలాగే చేస్తుంటాడు. అయితే మధ్యలో వ్యక్తి పైకి ఎగురుతుండగా అతడి కాళ్లపై మిగిలిన ఇద్దరూ తన్నడం ఈ గేమ్ ప్రత్యేకత. మధ్యలో వ్యక్తి కింద పడేలా తన్నడం చూసిన చిన్నారులు, యువత ఈ ఛాలెంజ్‌ మత్తులో కూరుకుపోయారు. యాప్‌లో చూపిన విధంగా చిన్నారులు చేస్తుండటంతో వెన్నెముక, తలకు తీవ్ర గాయాలయ్యే ప్రమాదం ఉందని వైద్య నిపుణులు హెచ్చరిస్తున్నారు. ఇప్పటికే చాలామంది దీని భారీన పడ్డారు.

గాయాలయ్యే ప్రమాదం

చిన్నారులు, యువతలో ఈ ఛాలెంజ్‌కు ఆదరణ పెరిగితే వారికి గాయాలయ్యే ప్రమాదం ఉందని తల్లితండ్రులు ఆందోళన వ్యక్తం చేస్తున్నారు. టీనేజ్‌ యువత ఎక్కువగా ఈ ట్రెండ్‌ను ఫాలోఅవడంతో ఇప్పటికే పలువురికి గాయలయ్యాయని ఎవరూ ఇలాంటి వాటి జోలికి పోరాదని సోషల్‌ మీడియా నిపుణులు సూచిస్తున్నారు. అలాంటి పిచ్చి గేమ్స్ వెంటనే బ్యాన్ చేయాలని పలువురు పిలుపునిస్తున్నారు.