ఇంటికి దారి చూపించే బూట్లు!

ఇంటికి దారిచూపే కొత్త రకం బూట్‌లను బ్రిటన్‌కు చెందిన డిజైనర్ డొమినిక్ విల్‌కాక్స్ రూపొందించారు. జీపీఎస్ ఆధారితంగా స్పందించే ఈ బూట్లలలో ఇంటి చిరునామాను పొందిపరిస్తే చాలట. అవే క్షేమంగా ఇంటికి చేరుస్తాయని ఈ ఔత్సాహిక పరిశోధకుడు వాపోతున్నాడు. 1939లో వచ్చిన ‘ద విజార్డ్ ఆఫ్ ఓజెడ్’ స్ఫూర్తితో డొమినక్ ఈ ప్రయోగానికి శ్రీకారం చుట్టునిట్లు డెయిలీ మెయిల్ పేర్కొంది.

ఎక్కడికి వెళ్లినా ఇంటికి దారిచూపించే జత బూట్లను రూపొందించలనుకున్నా. ద విజార్డ్ ఆఫ్ ఓజెడ్ సినిమాలో డోర్తి తన పాదరక్షలు నొక్కగానే ఇంటికి చేరడాన్ని స్పూర్తిగా తీసుకుని ఈ ప్రయోగానికి కృషిచేసినట్లు విల్ కాక్స్ వెల్లడించారు. బయటలకు వెళ్లే ముందు ఈ బూట్లలో ఇంటి చిరునామాను అప్‌లోడ్ చేస్తే చాలు.. తిరిగి ఇంటికి ఏలా వెళ్లాలో ఆ బూట్లే చెబుతాయి. జీపీఎస్ యాంటెనాను ఎడమ బూటులో బిగిస్తారు. దీంట్లో రింగ్ పరిణామంలో ఉండే ఎల్ఈడి పరికరం గైడ్‌లా వ్యవహరిస్తుంది. వైర్‌లెస్ సహాయంతో కుడి, ఎడమ బూట్ల మధ్య కమ్యూనికేషన్ ఉంటుందని డొమినక్ వివరించారు.