140 ఎకరాలలో ఆసియాలోనే అతి పెద్ద ఫ్లిప్‌కార్ట్‌ కొత్త ఫ్యాక్టరీకి ప్లాన్!! ఎక్కడో తెలుసా?

హర్యానా రాష్ట్ర ముఖ్యమంత్రి మనోహర్ లాల్ ఖత్తర్ అధ్యక్షతన ఇటీవల సమావేశమైన హర్యానా ఎంటర్‌ప్రైజ్ ప్రమోషన్ బోర్డు (HEPB) సమావేశంలో ఈ అనుమతి లభించింది. ఈ సమావేశంలో ఉప ముఖ్యమంత్రి దుష్యంత్ చౌతాలా, విద్యాశాఖ మంత్రి కన్వర్ పాల్ కూడా పాల్గొన్నారు. సాంప్రదాయిక గిడ్డంగుల మాదిరిగా కాకుండా ఈ ఫుల్ ఫిల్మింట్ కేంద్రాలు అధిక ఆటోమేటెడ్ పిక్, ప్యాక్ మరియు షిప్పింగ్ ప్రక్రియలతో అమర్చబడి ఉంటాయి.

రాష్ట్ర ప్రభుత్వ విడుదల చేసిన వివరాల ప్రకారం "సమావేశంలో ఇన్‌స్టాకార్ట్ సర్వీసెస్ ప్రైవేట్ లిమిటెడ్ (ఫ్లిప్‌కార్ట్ అనుబంధ సంస్థ) కు ఒక ఎకరాన్ని రూ.3.22 కోట్ల చొప్పున కేటాయించిన భూమికి మాత్రమే ప్రోత్సాహాన్ని ఇవ్వదని అధికారులు తెలియజేశారు. ఈ ప్రాంతంలో మరిన్ని పెట్టుబడులు పెట్టడంతో లక్షలాది మందికి ఉపాధి దొరికే అవకాశం ఉంది. అలాగే హర్యానా మరియు ఉత్తర భారతదేశంలోని ఇతర ప్రాంతాల అమ్మకందారులకు మార్కెట్ యాక్సెస్ అవకాశాలను మరింత పెరిగే అవకాశాలు ఉన్నాయి.

ఈ సమావేశంలో పాల్గొన్న ఫ్లిప్‌కార్ట్ ప్రతినిధులు తెలిపిన వివరాల ప్రకారం ఉత్తర భారతదేశంలో డిమాండ్‌ను తీర్చడానికి 140 ఎకరాల విస్తీర్ణంలో క్యాంపస్‌ను నిర్మించాలని భావిస్తోంది. సుమారు 6,000 ప్రత్యక్ష మరియు 12,000 పరోక్ష ఉద్యోగాలు సృష్టించబడతాయి. అలాగే తమ మార్కెట్ వృద్ధిని సాధించడానికి భారతదేశం అంతటా అనేక ఫుల్ ఫిల్మింట్ కేంద్రాలు మరియు అనుబంధ లాజిస్టిక్స్ మౌలిక సదుపాయాలను ఏర్పాటు చేయాలని ఇన్‌స్టాకార్ట్ యోచిస్తున్నట్లు సమాచారం. ఈ లక్ష్యాన్ని సాధించడానికి వినియోగదారులకు అత్యుత్తమ తరగతి సేవలను అందించాలని కంపెనీ లక్ష్యంగా పెట్టుకుంది. తద్వారా దాని నెట్‌వర్క్ సామర్థ్యాన్ని బలోపేతం చేయడానికి దేశవ్యాప్తంగా ప్రాంతీయ పంపిణీ కేంద్రాలను (RDC) నిర్మించాలని యోచిస్తోంది. అయితే గురుగ్రామ్‌కు సమీపంలో నేషనల్ క్యాపిటల్ రీజియన్‌లో లాజిస్టిక్స్ క్యాంపస్‌ను నిర్మించాలని కంపెనీ యోచిస్తోంది.