సినిమా టికెట్లు క్యాన్సిల్ చేసినందుకు రూ. 40 వేలు ఊడ్చేశారు

కష్టమర్ కేర్ కి కాల్

టికెట్లు క్యాన్సిల్ చేయడం కోసం కస్టమర్ కి కేర్ కాల్ చేసిన ఓ మహిళ క్యాన్సిల్ చేసిన డబ్బులు రీఫండ్ చేయాలని కోరింది. అయితే టికెట్ బుక్ చేసిన సైటు నుంచి ఏజెంట్ అంటూ ఒకతను ఆమెకు కాల్ చేశారు.

డెబిట్ కార్డు వివరాలు

ఆ మహిళకు సాయం చేస్తానంటూ ఏజెంటు నమ్మబలికాడు. ఇందులో భాగంగా డబ్బుల రీఫండ్ కోసం ఆమె డెబిట్ కార్డు వివరాలను అడిగాడు. అయితే ఆమె ఆ వివరాలను గుడ్డిగా చెప్పేసింది.

రూ. 40 వేలు స్వాహా

కాల్ పూర్తయ్యేలోపే ఆమె అకౌంట్ నుండి ఈ ఏజెంటు రూ.40 వేలు స్వాహా చేశాడు. ఇలా కార్డు వివరాలు అడిగి అందులో ఉన్న మొత్తాన్ని ఊడ్చేయడంతో ఆమె ఒక్కసారిగా షాక్ తిని సైబర్ పోలీసులను ఆశ్రయించింది.

కాల్ చేసిన వ్యక్తి ఏం చేస్తాడు

కాల్ చేసిన వ్యక్తి ముందుగా వారి వ్యక్తిగత వివరాలను అంటే పేరు, పుట్టిన తేదీ, మొబైల్ నంబర్ వంటి వాటిని వెరిఫై చేస్తాడు. సాధారణంగా కాల్స్ ఎక్కువగా మొబైల్ నంబర్ నుంచే వస్తాయి.

కస్టమర్ల ఐడీ

కాల్ చేసిన వ్యక్తి మీ కస్టమర్ ఐడీని అలాగే ఆన్ లైన్ డెబిట్, క్రెడిట్ కార్డు వివరాలను అడుగుతారు.దీంతో మరికొన్ని బ్యాంకు వివరాలను అడుగుతారు. మనకు న్యాయం చేస్తున్నాడని భావించి వ్యక్తిగత వివరాలను అందరూ చెప్పేస్తుంటారు. అయితే ఇది చాలా తప్పు

ఓటీపీ

చివరకు మీ నంబరుకు వచ్చిన ఓటీపీని చెప్పాలని అడుగుతారు. అది చెప్పారంటే ఇక అంతే సంగతులు. మీ అకౌంట్లో ఉన్న డబ్బంతా ఖాళీ అవుతుంది.కాగా సాధారణంగా బ్యాంకు నుంచి వచ్చే కాల్స్ లో ఇవేమి అడగరు. కాబట్టి వీటి విషయంలో చాలా జాగ్రత్తగా ఉండాలి.