జనవరి 19న నోకియా 9?

నోకియా 9 అఫీషియల్ లాంచ్‌కు సంబంధించి ఓ రిపోర్ట్ వెలువడింది. జనవరి 19న చైనాలో నిర్వహించబోయే ఓ లాంచ్ ఈవెంట్‌లో భాగంగా నోకియా 9 ఆండ్రాయిడ్ స్మార్ట్‌ఫోన్‌ను హెచ్‌ఎండి గ్లోబల్ లాంచ్ చేయబోతోంది. ఇదే కార్యక్రమంలో నోకియా 8 (2018) ఎడిషన్‌ను కూడా హెచ్‌ఎండి గ్లోబల్ ఆవిష్కరించబోతున్నట్లు తెలుస్తోంది. నోకియా 9కు సంబంధించిన ప్రొటెక్టివ్ కేస్‌లు ఇప్పటికే ఆన్‌లైన్‌లో లిస్ట్ అయి ఉన్న విషయం తెలిసిందే.

ఈ ఫోన్‌లలో గూగుల్ సర్వీసులకు బదులుగా లోకల్ సర్వీసులు ఉంటాయని తెలుస్తోంది. చైనా కస్టమర్‌లను దృష్టిలో ఉంచుకుని ప్రత్యేకమైన కస్టమ్ రోమ్‌ను ఈ రెండు ఫోన్‌లతో ఆఫర్ చేసే అవకాశముందని తెలుస్తోంది.

నోకియా 9 లాంచ్ అనౌన్స్‌మెంట్ వివరాలతో ఫోన్‌కు సంబంధించిన స్ర్కీన్ షాట్‌ను కూడా మైడ్రైవర్స్ లీక్ చేసింది. లీకైన్ స్ర్కీన్ షాట్ ప్రకారం నోకియా 9 మొత్తం రెండు వేరియంట్‌లలో అందుబాటులో ఉంటుంది.

మొదటి వేరియంట్ వచ్చేసరికి 6జీబి ర్యామ్ + 64జీబి స్టోరేజ్ వర్షన్‌లో లభ్యమవుతుంది. చైనా మార్కెట్ ధర రూ.36,000. రెండవ వేరియంట్ 6జీబి ర్యామ్ + 128జీబి స్టోరేజ్ వర్షన్‌లో లభ్యమవుతుంది. చైనా మార్కెట్ ధర రూ.40,900.

నోకియా 9 (రూమర్ స్పెసిఫికేషన్స్).. 5.5 అంగుళాల క్యూహెచ్‌డి డిస్‌ప్లే, ఆండ్రాయిడ్ ఓరియో ఆపరేటింగ్ సిస్టం, క్వాల్కమ్ స్నాప్‌డ్రాగన్ 835 సాక్, ఫింగర్ ప్రింట్ సెన్సార్, డ్యుయల్ కెమెరా సెటప్, యూఎస్బీ టైప్-సీ పోర్ట్.