Honor 200 Pro డిజైన్ లీక్ అయింది! స్పెసిఫికేషన్ల వివరాలు 

ప్రముఖ ఎలక్ట్రానిక్స్ తయారీ సంస్థ హానర్ , తన Honor 200 Pro ఈ ఏడాది చివర్లో మార్కెట్‌లకు వచ్చే అవకాశం ఉంది. ఈ మోడల్ బేస్ హానర్ 200 తో పాటు లాంచ్ అవుతుందని భావిస్తున్నారు. ఇటీవల ఎంపిక చేసిన మార్కెట్‌లలో లాంచ్ చేసిన హానర్ 200 లైట్‌ తో పాటుగా ఇవి జత చేరవచ్చని భావిస్తున్నారు.

అయితే, అధికారికంగా కంపెనీ ఇంకా ధృవీకరించలేదు కానీ ఈ హ్యాండ్‌సెట్‌ల యొక్క కొన్ని వివరాలు ఆన్‌లైన్‌లో ఇప్పుడు లీక్ అయ్యాయి. హానర్ 200 ప్రో యొక్క డిజైన్ రెండర్‌లు కూడా ఆన్‌లైన్‌లో కనిపించాయి. నవంబర్ 2023లో హానర్ 100 హ్యాండ్‌సెట్‌తో పాటు చైనాలో ప్రవేశపెట్టిన హానర్ 100 ప్రో విజయవంతం అవుతుందని భావిస్తున్నారు.

X వినియోగదారు MyplaceMyworld (@myplace_myworld) పుకారు ప్రకారం హానర్ 200 ప్రో యొక్క అనేక అంచనా డిజైన్ రెండర్‌లను పంచుకున్నారు. ఈ ఫోన్ బ్లూ, గ్రీన్ మరియు వైట్ అనే మూడు కలర్ వేరియంట్‌లలో కనిపిస్తుంది. హానర్ 100 ప్రో డిజైన్ మాదిరిగానే హాఫ్ గ్లాస్, హాఫ్ వెగన్ లెదర్ - వెనుక ప్యానెల్ డ్యూయల్ టోన్ ఫినిషింగ్‌తో కనిపిస్తుంది.

హానర్ 200 ప్రో యొక్క వెనుక కెమెరా మాడ్యూల్ లీకైన చిత్రాలలో మునుపటి మోడల్ కంటే కొద్దిగా భిన్నంగా కనిపిస్తుంది. ఈ హ్యాండ్‌సెట్ f/1.9-2.4 ఎపర్చరు మరియు 50x డిజిటల్ జూమ్‌తో 50-మెగాపిక్సెల్ ప్రైమరీ రియర్ కెమెరాను కలిగి ఉంటుందని విడుదలైన డిజైన్ రెండర్ చూపిస్తుంది.

నివేదిక ప్రకారం, Honor 200 Pro క్వాల్కమ్ యొక్క స్నాప్‌డ్రాగన్ 8 Gen 3 చిప్‌సెట్ ద్వారా శక్తిని పొందుతుందని మరియు డ్యూయల్ ఫ్రంట్ కెమెరా యూనిట్‌లతో కూడిన క్వాడ్-కర్వ్డ్ 1.5K OLED డిస్‌ప్లేను కలిగి ఉంటుందని భావిస్తున్నారు. ఇది బేస్ హానర్ 200 మోడల్ తో పాటు ఈ నెలాఖరులో లాంచ్ అయ్యే అవకాశం ఉంది.

వనిల్లా హానర్ 200 ప్రో మోడల్‌కు సమానమైన స్పెసిఫికేషన్‌లను కలిగి ఉంటుందని ఈ నివేదిక తెలియచేస్తోంది. అయితే ఇది స్నాప్‌డ్రాగన్ 8s Gen 3 SoCతో వస్తుందని భావిస్తున్నారు. బేస్ మరియు ప్రో హ్యాండ్‌సెట్‌లు రెండూ మొదట చైనాలో లాంచ్ అవుతాయని మరియు తరువాత ప్రపంచవ్యాప్తంగా విడుదల చేయాలని భావిస్తున్నట్లు తెలుస్తోంది.

ముఖ్యంగా, Honor 200 Lite ఎంపిక చేసిన మార్కెట్లలో 6.7 అంగుళాల పూర్తి HD+ అమోలెడ్ స్క్రీన్, మీడియాటెక్ డైమెన్సిటీ 6080 SoC మరియు 35W ఫాస్ట్ ఛార్జింగ్ సపోర్ట్‌తో 4,500mAh బ్యాటరీతో లాంచ్ చేయబడింది. ఇక కెమెరా ఆప్టిక్స్ వివరాలు గమనిస్తే, ఈ ఫోన్ 108-మెగాపిక్సెల్ ట్రిపుల్ రియర్ కెమెరా యూనిట్ మరియు 50-మెగాపిక్సెల్ ఫ్రంట్ కెమెరా సెన్సార్‌ను కలిగి ఉంటుంది.

గిజ్‌బాట్‌ తెలుగు వెబ్‌సైట్ గాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.