Honor Magic 6 Pro ఇండియా లాంచ్ తేదీ విడుదలైంది! స్పెసిఫికేషన్ల వివరాలు 

హానర్ మ్యాజిక్ 6 ప్రో త్వరలో భారతదేశంలో లాంచ్ కానుంది.దీనికి సంబంధించి లాంచ్ తేదీ వివరాలను విడుదల చేసారు. ఈ ఫోన్‌ను మొదటగా ఈ ఏడాది జనవరిలో చైనాలో లాంచ్ చేసారు. మరియు బేస్ హానర్ మ్యాజిక్ 6 తో పాటు ఫిబ్రవరిలో ఎంపిక చేసిన గ్లోబల్ మార్కెట్‌లలో లాంచ్ చేయబడింది. అయితే, వనిల్లా వెర్షన్ భారతదేశంలో ఎప్పుడు వస్తుందో కంపెనీ ఇంకా వెల్లడించలేదు.

Honor Magic 6 Pro యొక్క డిజైన్ మరియు రంగుల ఎంపికలు,మరియు దేశంలో దాని లాంచ్ తేదీలు ప్రకటించబడ్డాయి. ఈ హ్యాండ్‌సెట్ యొక్క DxOMark జాబితా భారతీయ వేరియంట్ హ్యాండ్‌సెట్ యొక్క ముఖ్య స్పెసిఫికేషన్లను కూడా తెలియచేస్తుంది.

Honor Magic 6 Pro ఇండియా లాంచ్ తేదీ వివరాలు
హానర్ మ్యాజిక్ 6 ప్రో భారతదేశంలో ఆగస్టు 2న మధ్యాహ్నం 12:30 గంటలకు లాంచ్ చేయబడుతుందని కంపెనీ మంగళవారం ధృవీకరించింది. ఈ హ్యాండ్‌సెట్ దేశంలో అమెజాన్, కంపెనీ వెబ్‌సైట్ మరియు ఎంపిక చేసిన ఆఫ్‌లైన్ రిటైల్ స్టోర్‌ల ద్వారా కొనుగోలు చేయడానికి అందుబాటులో ఉంటుంది.

హానర్ మ్యాజిక్ 6 ప్రో దాని ముందు మరియు వెనుక కెమెరాలు, డిస్‌ప్లే, బ్యాటరీ మరియు ఆడియో అనుభవం కోసం ఐదు DxOMark 2024 గోల్డ్ లేబుల్ సర్టిఫికేషన్‌లను పొందిందని కంపెనీ వెల్లడించింది. ఈ ఫోన్ భారతదేశంలో నలుపు మరియు ఆకుపచ్చ రంగులలోలాంచ్ అవుతుందని టీజర్ చూపిస్తుంది. డిజైన్ కూడా దాని గ్లోబల్ మరియు చైనీస్ వేరియంట్‌ లను పోలి ఉంటుంది.

Honor Magic 6 Pro ఫీచర్లు
Honor Magic 6 Pro అనేక ముఖ్యమైన స్పెసిఫికేషన్లు DxOMark వెబ్‌సైట్‌తో పాటు కంపెనీ వెబ్‌సైట్‌లో మైక్రోసైట్‌లో జాబితా చేయబడింది. ఇది 6.8 అంగుళాల పూర్తి-HD+ (1,280 x 2,800 పిక్సెల్‌లు) LTPO OLED స్క్రీన్‌ను 120Hz వరకు రిఫ్రెష్ రేట్‌తో, గరిష్ట ప్రకాశం స్థాయి 5000 నిట్‌ల వరకు మరియు డాల్బీ విజన్ సపోర్ట్‌ని కలిగి ఉంటుంది.

ఈ ఫోన్ 12GB లేదా 16GB RAMతో జత చేయబడిన స్నాప్ డ్రాగన్ 8 జెన్ 3 SoC ప్రాసెసర్ ద్వారా వస్తుందని భావిస్తున్నారు. ఇంకా, 256GB, 512GB మరియు 1TB ఆన్‌బోర్డ్ స్టోరేజ్‌కు కూడా మద్దతు ఇస్తుందని సమాచారం. ఇది ఆండ్రాయిడ్ 14 ఆధారిత MagicOS 8.0 పై పనిచేస్తుంది.

కెమెరా ఆప్టిక్స్ వివరాలు గమనిస్తే, హానర్ మ్యాజిక్ 6 ప్రో లో ట్రిపుల్ రియర్ కెమెరా యూనిట్ ఉంటుంది. ఇందులో 50-మెగాపిక్సెల్ మెయిన్ సెన్సార్, అల్ట్రా-వైడ్ యాంగిల్ లెన్స్‌తో జత చేసిన మరో 50-మెగాపిక్సెల్ సెన్సార్ మరియు 180-మెగాపిక్సెల్ టెలిఫోటో షూటర్ ఉన్నాయి. ఈ టెలిఫోటో షూటర్ 2.5 x ఆప్టికల్ జూమ్ మరియు 10x వరకు డిజిటల్ జూమ్ మద్దతు అందిస్తుంది. ఇంకా, 50-మెగాపిక్సెల్ ఫ్రంట్ కెమెరా సెకండరీ 3D డెప్త్ సెన్సార్‌తో కలిసి ఉంటుంది.

హానర్ మ్యాజిక్ 6 ప్రో 80W వైర్ ఫాస్ట్ ఛార్జింగ్ సపోర్ట్‌తో 5600mAh బ్యాటరీని కలిగి ఉంది. ఈ ఫోన్ దుమ్ము మరియు నీటి నిరోధకత కోసం IP68 రేటింగ్‌తో వస్తుంది. ఇది స్టీరియో స్పీకర్లతో అమర్చబడింది మరియు 162.5 x 75.8 x 8.9mm కొలతలు కలిగి ఉంది.