హత్య కేసులో సాక్ష్యానికి కీలకంగా మారిన అమెజాన్ అలెక్సా

అలెక్సా స్పీకర్ రికార్డు

దీనికి ప్రధాన కారణం సిల్వియా మృతిచెందిన రోజు శబ్దాలను, మాటలను ఆ ఇంట్లోని అలెక్సా స్పీకర్ రికార్డు చేసి ఉంటుందని పోలీసులు భావిస్తున్నారు. ఈ హత్యకు సంబంధించిన ఏదైనా సమాచారం ఆ బ్లూటూత్ డివైజ్‌లో లభిస్తుందేమోనని ఆలోచన వచ్చింది. మంచం కోడు విరగ్గొట్టి పదునుగా ఉన్న దాని మొనతో భార్య గుండెల్లో పొడిచి, రిచర్డే భార్యను చంపేశాడని పోలీసులు అనుమానిస్తున్నారు.

కొన్ని మాటలు రికార్డ్ 

పోలీసులకు ఆలోచన రావడానికి కారణం ఏంటంటే.. అమెజాన్ అలెక్సా డివైజ్‌లు ‘వేక్' అనే ఊతపదంతో కూడా యాక్టివేట్ అవుతాయి. అందువల్ల హత్య జరిగిన సమయంలో ఈ డివైజ్ అక్కడే ఉండటంతో, హత్యకు సంబంధించి ఏదో ఒక క్లూ అందులో రికార్డు అయి ఉండవచ్చని పోలీసులు భావిస్తున్నారు. అందుకే అనుకున్నదే తడవుగా పోలీసులు ఆ డివైజ్‌ను పరిశీలించగా అందులో కొన్ని మాటలు రికార్డ్ అయినట్లుగా గుర్తించారు. దాంతో ఆ డివైజ్‌లోని మాటలను విశ్లేషించడానికి ఆ డివైజ్‌ని పరిశీలనకు పంపించారు.

గొడవ పడుతుండగా

అయితే ఈ హత్యకు సంబంధించి ఆడమ్ మాత్రం ఈ విధంగా చెబుతున్నాడు. సిల్వియాను తాను చంపలేదని, గొడవ పడుతుండగా ఆమెను మంచం మీద నుంచి కిందకు లాగబోయానని రిచర్డ్ చెప్పాడు. ఆ సమయంలో మంచం కోడును సిల్వియా గట్టిగా పట్టుకోవడంతో అది విరిగి ఓ ముక్క ఆమె చేతిలోకి వచ్చిందన్నాడు. దాంతో మంచం మీద నుంచి ఆమె కింద పడిందని, అప్పుడు పొరబాటున ఆ కర్రముక్క సిల్వియా గుండెల్లో దిగి ఆమె చనిపోయిందని రిచర్డ్ తెలిపాడు.

బయటకి తీయడానికి

అప్పుడు తాను ఆ బ్లేడ్‌ను బయటకి తీయడానికి ప్రయత్నించానని చెప్పాడు. అయితే ఆ గాయంతో సిల్వియా తీవ్రంగా గాయపడుతుందని తాను అనుకోలేదని ఆడమ్ చెప్పాడు. వెంటనే అదే అపార్ట్‌మెంటులో ఉండే సిల్వియా స్నేహితురాలిని రిచర్డ్ సంప్రదించాడని, తను ఎంతగానో ప్రేమించే భార్యను కాపాడుకోవడానికి తాపత్రయ పడ్డాడని రిచర్డ్ తరఫు న్యాయవాది వాదించారు. కాగా పోలీసులు మాత్రం ఆ గాయం కారణంగానే సిల్వియాకు తీవ్ర రక్తస్రావం జరిగినట్లు గుర్తించారు. అయితే సిల్వియా ఛాతీ నుంచి ఆ ఈటేను ఆడమ్ బయటకు తీశాడా లేక ఆమె స్నేహితురాలు తీసిందా అనేది మాత్రం పోలీసులు గుర్తించలేకపోయారు.

65,000 డాలర్ల పూచికత్తుతో 

ఏది ఏమైనా హత్యానేరం కింద అరెస్టయిన ఆడమ్ మాత్రం తాను ఈ హత్య చేయలేదని వాదిస్తున్నాడు. కాగా, కోర్టు ఆడమ్‌ని 65,000 డాలర్ల పూచికత్తుతో విడుదలచేసింది. అయితే ఆడమ్ ఈ హత్య చేశాడా లేదా అనే విషయం తేలాలంటే మాత్రం అలెక్సా డివైజ్‌లో రికార్డయిన మాటలే ఈ హత్యకు కీలకంగా మారనున్నాయి.