పసికందు కిడ్నాప్... ఫేస్‌బుక్ సాయంతో క్షేమంగా తల్లి ఒడికి!

ఓ పసికందు కిడ్నాప్ ఉదంతం ఫేస్‌బుక్ సాయంతో సుఖాంతంగా ముగిసింది. తన బిడ్డ అపహరణతో ఒక్కసారిగా తల్లడిల్లిన ఆ తల్లి చివరిగా ఆ బిడ్డ తన ఒడికి చేరటంతో ఫేస్‌బుక్‌కు దన్యవాదాలు తెలుపుకుంది. అంతర్జాతీయ మీడియాలో హల్‌చల్ చేస్తున్న ఈ ఆసక్తికర ఘటనకు సంబంధించి వివరాలను పరిశీలించినట్లయితే... ట్రాయిస్ రివిరేస్, క్యుబెక్‌లోకి ఓ ఆసుపత్రిలో మెలిస్సా మెక్‌మోహన్ ఓ ఆడపిల్లకు జన్మనిచ్చింది. సోమవారం సాయంత్రం ఆ 16 గంటల ఆడ శిశువు విక్టోరియాను నర్సు రూపంలో వచ్చిన ఓ అగంతుకురాలు అపహరించినట్లు గుర్తించారు. వెంటనే ఆమె ఫోటోతో కూడిన సమాచారాన్ని సోషల్ మీడియాలో పోస్ట్ చేసారు. అనతికాలంలోనే ఈ వార్తకు ట్విట్టర్ ఇంకా ఫేస్ బుక్ లలో 1600 షేర్లు లభించాయి.

ఫేస్‌బుక్ ద్వారా ఈ సమాచారాన్ని తెలుసుకున్న ఓ టీనేజర్ల బృందం ఏదో ఒకటి చేయాలన్న తపనతో మారువేషంలో ఉన్న ఆ నుర్సును జాడ తెలుసుకునేందుకు ప్రయత్నాలను ప్రారంభించింది. ఈ ప్రయత్నంలో ఆ టీనేజర్ల బృందంలో ఒకరైన చార్లీన్ ప్లాంటీ ఆ నర్సు రూపంలో ఉన్న అనుమానాస్పద వ్యక్తిని తన పొరిగింటి వ్యక్తిగా గుర్తించాడు. వెంటనే ఆ టీనేజర్లు బృందం అమె అపార్ట్‌మెంట్‌కు చేరకుని పరిస్థితిని గమనించారు. పసికందు ఆమె అదుపులో ఉండటాన్ని గమనించిన వారు వెంటనే పోలీసులకు సమాచారాన్ని అందించారు. హుటాహుటిన అపార్ట్‌మెంట్‌కు చేరకున్న పోలీసులు మహిళను అదుపులోకి తీుసుకుని ఆ పసికందును తల్లి వద్దకు చేర్చారు.

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.

వివిధ మోడళ్ల స్మార్ట్‌ఫోన్‌లకు సంబంధించిన ఫోటో గ్యాలరీల కోసం క్లిక్ చేయండి.