అత్యంత వేగంగా 5G  ..! స్పీడ్ ఎంతో తెలిస్తే ఆశ్చర్యపోతారు..?

4G మరియు 5G మధ్య కీలక తేడాలు

మీరు ఇప్పుడు ఉపయోగిస్తున్న 4G సెల్యులార్ నెట్‌వర్క్ మరియు వాటి మార్గంలో ఉన్న 5G నెట్‌వర్క్‌ల మధ్య తేడా ఏమిటి? అని ఎప్పుడైనా ఆలోచించారా?

సాధారణం గా 5G గురించి మాట్లాడాల్సి వస్తే, ముఖ్యంగా వేగం గురించి చెప్తుంటారు. 4G నుండి 5G ని వేరు చేయడానికి ఉపయోగించే లక్షణం ఇదే. ప్రతి సెల్యులార్ తరం మునుపటి కంటే చాలా వేగంగా ఉన్నందున ఇది కూడా వేగంగా ఉంటుందని తెలుస్తోంది. 4G ప్రస్తుతం 100 Mbps వేగంతో పనిచేస్తోంది. అయినప్పటికీ వాస్తవ-ప్రపంచ పనితీరు సాధారణంగా 35 Mbps కంటే ఎక్కువ కాదు.

4G కంటే 5G 100 రెట్లు వేగంగా ఉంటుంది

అలాగే 5G వేగం గురించి తెలుసుకుంటే,  4G వేగం కన్నా 100 రెట్లు వేగంగా ఉండగల సామర్థ్యాన్ని కలిగి ఉంది. 20 Gbps చుట్టూ సైద్ధాంతిక వేగం మరియు ప్రస్తుత, వాస్తవ-ప్రపంచ వేగం 50 Mbps నుండి 3 Gbps వరకు ఉంటుంది. మరియు 5G లో మూడు రకాలు  ఉన్నాయి, మరియు ప్రతి దానికి స్వంత వేగం ఉంటుంది. లో-బ్యాండ్ 5G అని పిలవబడేది 4 జి కంటే కొంత వేగంగా 50-250 Mbps పనితీరుతో ఉంటుంది. హై-బ్యాండ్ 5G అని పిలువబడే 5G యొక్క వేగవంతమైన వెర్షన్ 3Gbps స్పీడ్ కలిగి ఉంటుంది.ఇండియా లో కూడా జియో మరియు ఎయిర్టెల్ లు 5G ట్రయల్స్ మొదలుపెట్టాయి. మరియు 1Gbps వరకు వేగాన్ని కూడా సాధించగలిగాయి.

5G మరింత సామర్థ్యం కలిగి ఉంటుంది

ప్రస్తుతం, 4G LTE (లాంగ్ టర్మ్ ఎవల్యూషన్) సాంకేతికత 6GHz వరకు పనిచేసే తక్కువ ఫ్రీక్వెన్సీ బ్యాండ్లను మాత్రమే ఉపయోగించగలదు, అయితే 5G నిర్వహించగలిగే రేడియో బ్యాండ్లు 30GHz మరియు 300GHz1 మధ్య ఎక్కడైనా ఉంటాయి.ఉదాహరణకు 4G నెట్‌వర్క్ ద్వారా హై-డెఫినిషన్ ఫిల్మ్‌ను డౌన్‌లోడ్ చేయడం, సగటున 50 నిమిషాలు పడుతుంది - అదే 5 జిలో కేవలం తొమ్మిది నిముషాలు పడుతుంది.

ఇంకా 4G ద్వారా చేయలేని ఎన్నో పనులను 5G ద్వారా చేయవచ్చు.

4జీలో మనం అందుకోలేని కొన్నింటిని ఈ 5జీ ద్వారా అందుకునే అవకాశం ఉంది. అవేంటో ఓ సారి చూద్దాం. 8K వీడియో స్ట్రీమింగ్ ,పెద్ద పెద్ద గేమ్స్, యాప్స్, బెటర్ గ్రాఫిక్స్ ఇంకా ఇతర ఫీచర్లు ఇంకా ఎక్కువ స్పీడుతో రన్ కానున్నాయి.VR game ఆడాలనుకునే వారికి 5జీ చాలా ఉపయోగ పడుతుంది.Holographic కాల్స్,స్మార్ట్ హోమ్ మరియు లైవ్ స్ట్రీమింగ్ లలో 5G చాల ముఖ్యమైన పాత్ర పోషించనుంది.

5G నెట్వర్క్ కవరేజ్

4G ప్రారంభం అయిన దశాబ్దం తరువాత కూడా, ప్రపంచవ్యాప్తంగా ఇప్పటికీ 4G కవరేజ్ లేని  ప్రాంతాలు ఉన్నాయి. 5G ఇప్పుడే ప్రారంభమవుతోంది, కాబట్టి దీని కవరేజ్ తప్పనిసరిగా కొన్ని ప్రధాన నగరాలకు మాత్రమే ప్రస్తుతం అందుబాటులోకి రానుంది. 4G కి సమానమైన నెట్వర్క్ కవరేజ్ స్థాయిని చేరుకోవడానికి ఎన్ని సంవత్సరాలు పడుతుంది అనేవిషయాన్ని గమనించాలి. ఏది ఏమైనా 5G వల్ల కలిగే ప్రయోజనాల దృష్ట్యా త్వరలోనే సాధారణ ప్రజలకు కూడా అందుబాటులోకి రావాలని ఆశిద్దాం.