వాట్సప్‌కు పోటీగా దూసుకొస్తున్న SMS యాప్

కొత్తగా మెసేజింగ్ యాప్

అమెరికాలో ప్రముఖ సర్వీస్ ప్రొవైడర్లు అయిన AT&T, స్ప్రింట్, టీ-మొబైల్, వెరిజాన్ సంస్థలు RCS (రిచ్ కమ్యూనికేషన్ సర్వీసెస్) ఆధారిత మెసేజింగ్ వ్యవస్థ రూపకల్పనకు నడుం బిగించాయి. ఈ మెసేజింగ్ వ్యవస్థ అందుబాటులోకి వస్తే మీరు మొబైల్ డేటా లేదా వైఫై ద్వారా కూడా మెసేజ్ లను అందుకోవచ్చు. 

దూసుకొస్తోంది 

దీనికి సంబంధించిన ప్రయత్నాలు అమెరికాలో కొంతకాలం క్రితమే ప్రారంభమయ్యాయి. అయితే ఇప్పటివరకు చెప్పుకోదగ్గ స్థాయిలో పరిణామాలేవీ జరగలేదు. అయితే ఇప్పుడు అమెరికాలో ఉన్న ప్రధాన సర్వీస్ ప్రొవైడర్లు దీని కోసం చేతులు కలపడంతో ఒక్కసారిగా కదలిక వచ్చింది. అంతేకాకుండా దీనికి గూగుల్ కూడా తన వంతు సాయం చేస్తోంది. 

వచ్చే ఏడాది నాటికి..

RCS ఆధారిత మెసేజింగ్ వ్యవస్థని వచ్చే ఏడాది నాటికి ఆండ్రాయిడ్ ఫోన్లలో అందుబాటులోకి తీసుకొస్తామని వీరు తెలిపారు. ఒకవేళ ఈ మార్పు నిజంగా జరిగి మెసేజింగ్ యాప్ విజయవంతమైతే.. వినియోగదారుల మొగ్గు దీనివైపే ఉంటుందనే చెప్పుకోవచ్చు. 

వినియోగదారుల గోప్యత 

ఇదిలా ఉంటే వాట్సప్ మాతృసంస్థ అయిన ఫేస్ బుక్ పై వినియోగదారుల గోప్యత విషయంలో ఇప్పటికే ఎన్నో ఫిర్యాదులున్నాయి. వినియోగదారుల వ్యక్తిగత డేటాను ఇది వాడుకుంటోందని ఫిర్యాదులు వెలువెత్తుతున్నాయి. ఈ నేపథ్యంలో ఈ యాప్ బయటకు వస్తే అందరూ దీని వైపు మళ్లే అవకాశం ఉన్నట్లు తెలుస్తోంది.