Chrome, Firefox బ్రౌజర్‌లలో డేటా కాష్‌ను క్లియర్ చేయడం ఎలా?

Published: Saturday, March 21, 2020, 10:24 [IST]

కరోనావైరస్ భయాల వల్ల చాలా మంది ఇంటి నుండి పని చేస్తున్నందున అందరు ల్యాప్‌టాప్‌లు లేదా PCలపై పూర్తిగా ఆధారపడి పనిచేస్తూ ఉంటారు. మీరు పని చేస్తున్నప్పుడు మీ వెబ్‌పేజీలు స్తంభించడం లేదా సరిగ్గా లోడ్ అవ్వడం వంటి సమస్యలను మీరు ఎదురుకున్నపుడు దానికి గల కారణం మీ సిస్టమ్ యొక్క బ్రౌజర్ కాష్‌ను క్లియర్ చేయకపోవడం మరియు కుకీలను తొలగించకపోవటం వలన ఇది జరగవచ్చు. మీరు ప్రతిరోజూ మీ సిస్టం యొక్క బ్రౌసర్ డేటాను క్లియర్ చేయగలిగితే ఎటువంటి సమస్యలు లేకుండా సజావుగా పనిచేస్తుంది.

బ్రౌజర్ కాష్

కాష్‌లు అనేది మీరు ఏదైనా సైట్‌ను మొదటిసారి సందర్శించినప్పుడు బ్రౌజర్ స్టోర్ చేసే తాత్కాలిక ఫైల్‌లు. ఈ ఫైల్‌లు మీ సిస్టమ్ యొక్క ర్యామ్ మరియు మెమరీని వినియోగిస్తాయి. బ్రౌజర్ కాష్ మీ సిస్టమ్‌ను నెమ్మదిస్తుంది మరియు స్టోరేజ్ ను ఖాళీ చేయడానికి దీన్ని తొలగించాలి. మీరు మీ బ్రౌజర్‌లలో కాష్‌ను ఈ విధంగా తొలగించాలో తెలుసుకోవడానికి ముందుకు చదవండి.

గూగుల్ క్రోమ్

** గూగుల్ క్రోమ్‌ యొక్క బ్రౌజర్‌లోకి వెళ్లి కుడివైపు ఎగువ మూలలో ఉన్న మూడు నిలువు చుక్కల ఎంపికపై క్లిక్ చేయండి.

** క్రిందికి స్క్రోల్ చేసి అందులో గల హిస్టరీ ఆప్షన్ ను ఎంపిక చేసుకొని దాని మీద క్లిక్ చేయండి.

** బ్రౌజింగ్ డేటాను క్లియర్ చేయడానికి 'క్లియర్ బ్రౌజింగ్ డేటా' ఎంపికను ఎంచుకోండి.

** తరువాత కొత్త పేజీ ఓపెన్ అవుతుంది. ఇక్కడ మీరు డేటాను క్లియర్ చేయడానికి సమయాన్ని ఎంచుకోవాలి. ఇందులో లాస్ట్ వన్ హౌర్, చివరి 24 గంటలు, చివరి 7 రోజులు, చివరి 4 వారాలు అనే ఆప్షన్స్ ఉంటాయి . మొత్తం డేటాను క్లియర్ చేయడానికి 'క్లియర్ అల్' అనే ఎంపిక కూడా ఉంటుంది.

** బ్రౌజింగ్ హిస్టరీ, కుకీలు మరియు ఇతర సైట్ డేటా, కాష్ చేసిన ఫోటోలు మరియు ఫైళ్ళ పక్కన ఉన్న బాక్స్ లను టిక్ చేయండి.

** చివరగా క్లియర్ డేటా అనే బటన్‌ను నొక్కండి.