ఫోన్ నంబర్‌ ఫార్మాట్‌కు గుడ్‌బై.. ఇ-మెయిల్‌ తరహాలో UPI ఐడీలు.. ఎలా క్రియేట్‌ చేసుకోవాలి..!

Personalised UPI IDs : భారత్‌ లో UPI చెల్లింపులు ఏటా గణనీయంగా పెరుగుతున్నాయి. అధికారిక గణాంకాల ప్రకారం లక్షల కోట్ల రూపాయలు జరుగుతున్నాయి. చిన్న దుకాణాల నుంచి షాపింగ్ మాల్స్‌ వరకు UPI సేవలు సుమారుగా అందుబాటులోకి వచ్చాయి. సామాన్యుల నుంచి సంపన్నుల వరకు సులభంగా ఈ విధానంలో చెల్లింపులు చేస్తున్నారు. అయితే నేరగాళ్లు ఈ యూపీఐ చెల్లింపులను టార్గెట్‌ చేస్తున్నారు. దీంతో UPI సంస్థలు యూజర్ల భద్రత కోసం కీలక నిర్ణయం తీసుకున్నాయి.

ఫోన్‌ నంబర్‌ కు బదులుగా అక్షరాలు, సంఖ్యలతో :
సాధారణంగా UPI ఐడీ ఫోన్‌ నంబర్‌ ఆధారంగానే ఉంటాయి. ఈ ఫోన్‌ నంబర్‌ సహా ఇతర వివరాల ఆధారంగా మోసగాళ్లు రెచ్చిపోతున్నారు. దీంతో ఫోన్‌ నంబర్‌ కు బదులుగా.. అంకెలు, అక్షరాలతో కలిపి UPI ID ను క్రియేట్‌ చేసుకొనేందుకు అవకాశం కల్పిస్తున్నాయి. అంటే ఇ-మెయిల్‌ ( E-mail ) తరహాలో క్రియేట్‌ చేసుకొనేందుకు అవకాశం ఉంటుంది.

ఈ విధానంలో కొత్తగా యూపీఐ ఐడీలను క్రియేట్‌ చేసుకుంటే.. ఫోన్ నంబర్‌ బహిర్గతం అయ్యే అవకాశం ఉండదు. యూజర్లు నేరుగా తమ యాప్‌ ల ద్వారా కొత్త ఐడీలను క్రియేట్‌ చేసుకోవచ్చు. ఫలితంగా ఫోన్‌ నంబర్‌ చెప్పాల్సిన అవసరం లేకుండానే సింపుల్‌ గా పేమెంట్స్‌ చేసేందుకు మరియు స్వీకరించేందుకు అవకాశం ఉంటుంది.

ఈ కొత్త విధానంలో ఫోన్ నంబర్‌ కు బహిర్గతం కాదు. కేవలం అక్షరాలు, సంఖ్యలు మాత్రమే ఉంటాయి కనుక, ఇబ్బందులు తలెత్తవు. మరియు మోసాలను కట్టడి చేసేందుకు అవకాశం ఉంటుంది. పేటీఎం, గూగుల్ పే సంస్థలు యూజర్లకు ఈ అవకాశాన్ని కల్పిస్తున్నాయి. దీంతోపాటు రేపటి నుంచి ( అక్టోబర్ 2 ) యూపీఐ పేమెంట్స్‌ లో కొన్ని మార్పులు అమలు చేయనున్నట్లు నేషనల్‌ పేమెంట్స్‌ కార్పొరేషన్‌ ఆఫ్ ఇండియా ( NPCI ) చెబుతోంది.

పేటీఎంలో ఎలా క్రియేట్‌ చేసుకోవాలి?
స్టెప్‌ 1 : పేటీఎం యాప్‌ ఓపెన్‌ చేయాలి.
స్టెప్‌ 2 : హోం స్క్రీన్‌ లో కనిపించే ప్రొఫైల్‌ ఐకాన్ పైన క్లిక్‌ చేయాలి.
స్టెప్‌ 3 : అక్కడ కనిపించిన UPI & Payment Settings ఆప్షన్‌ లోకి వెళ్లాలి.
స్టెప్‌ 4 : అనంతరం UPI ID పక్కన ఉన్న View ఆప్షన్‌ పైన క్లిక్‌ చేయాలి.
స్టెప్‌ 5 : అక్కడ కనిపించిన Try Personalised UPI ID పైన క్లిక్ చేయాలి.
స్టెప్‌ 6 : అక్కడ మీకు నచ్చిన ఐడీని క్రియేట్‌ చేసుకోవచ్చు లేదా అక్కడున్న ఐడీల్లో ఒకటి ఎంచుకోవచ్చు.

గూగుల్‌ పే యాప్‌ లోనూ ఇదే విధంగా యూపీఐ ఐడీని మార్చుకొనేందుకు అవకాశం ఉంటుందని తెలుస్తోంది. ఇందుకు సంబంధించిన పూర్తి వివరాలు తెలియాల్సి ఉంది. అయితే ఈ కొత్త విధానంలో మోసాలను కట్టడి చేసేందుకు అవకాశం ఉంటుందని తెలుస్తోంది. మరిన్ని యూపీఐ యాప్‌లు కూడా కొత్త విధానాన్ని అమల్లోకి తీసుకొచ్చే అవకాశం ఉంది.