వాట్సాప్ లో మనీ హీస్ట్ స్టిక్కర్ ప్యాక్‌ని ఉచితంగా డౌన్‌లోడ్ చేసుకోవడం ఎలా?

నెట్‌ఫ్లిక్స్ లో ప్రసారం అవుతున్న థ్రిల్లర్ సిరీస్ మనీ హీస్ట్ ప్రపంచవ్యాప్తంగా సంచలనం సృష్టించింది. ఈ కార్యక్రమం సెప్టెంబర్ 5న చివరి సీజన్ తిరిగి ప్రసారం కానున్నది. అయితే సీజన్ 5 యొక్క మొదటి భాగం సెప్టెంబర్‌లో వస్తుంది. మనీ హీస్ట్ సీజన్ 5 యొక్క రెండవ భాగం ఈ సంవత్సరం డిసెంబర్‌లో ప్రసారం కానున్నది. ఇప్పుడు మనీ హీస్ట్ సీజన్ 5 ప్రారంభమైనప్పుడు ఈ షోకు అంకితమైన వాట్సాప్ స్టిక్కర్లు విడుదల చేయబడ్డాయి.

నెట్‌ఫ్లిక్స్ లో అత్యంత ప్రజాదరణ పొందిన రెండవ ఆంగ్లేతర సిరీస్ మనీ హీస్ట్ నుండి వివిధ పాత్రలను చూపించే స్టిక్కర్ హీస్ట్ అనే యానిమేటెడ్ స్టిక్కర్ ప్యాక్‌ను ప్రపంచవ్యాప్తంగా ఉన్న తన వినియోగదారులకు WhatsApp ఈరోజు విడుదల చేసింది. యానిమేటెడ్ స్టిక్కర్ ప్యాక్ మొత్తం 17 స్టిక్కర్లను కలిగి ఉంది. ఇందులో చాలా ప్రసిద్ధ డాలీ ఫేస్ మాస్క్ నుండి ప్రొఫెసర్, ప్రొఫెసర్ మరియు లిస్బన్ మీటింగ్, టోక్యో, బొగోటా, రియో, స్టాక్‌హోమ్, అర్టురో, అలిసియా సియెర్రా మరియు నైరోబి వంటి వివిధ పాత్రలు ఉన్నాయి. కొత్తగా ప్రవేశపెట్టిన వాట్సాప్ స్టిక్కర్ ప్యాక్ కేవలం 658KB స్టోరేజ్ తో వస్తుంది. దీనిని ముచో పిక్సెల్స్ డిజైన్ చేసింది. ఈ స్టిక్కర్ ప్యాక్‌లో అత్యుత్తమ భాగం ఏమిటంటే ఇది ప్రపంచవ్యాప్తంగా WhatsApp యొక్క Android మరియు iOS- ఆధారిత యాప్‌లలో డౌన్‌లోడ్ చేసుకోవడానికి అందుబాటులో ఉంది.

మీరు కూడా మనీ హీస్ట్ అభిమాని అయితే కనుక మనీ హీస్ట్ ఆధారిత స్టిక్కర్ హీస్ట్ యానిమేటెడ్ స్టిక్కర్ ప్యాక్‌ను వాట్సాప్‌లో పొందడానికి కింద ఉన్న దశలను అనుసరించండి.

స్టెప్ 1: WhatsApp లో ఏదైనా చాట్ విండోను ఓపెన్ చేయండి.

స్టెప్ 2: చాట్ విండో కుడి వైపున ఉన్న స్టిక్కర్ గుర్తు మీద నొక్కండి.

స్టెప్ 3: ఇప్పుడు స్టిక్కర్ ఐకాన్‌పై క్లిక్ చేసి ఆపై ఐకాన్ క్లిక్ చేయండి. అలా చేయడం ద్వారా మీరు WhatsApp స్టిక్కర్ స్టోర్‌కు పంపబడతారు.

స్టెప్ 4: తరువాత స్టిక్కర్ హీస్ట్ యానిమేటెడ్ స్టిక్కర్స్ ఎంపికను సెర్చ్ చేయండి తరువాత దాని మీద నొక్కండి.

స్టెప్ 5: ఇప్పుడు డౌన్‌లోడ్ బటన్‌ను నొక్కండి.

వాట్సాప్ ఇటీవల హ్యాపీ రాఖీ మరియు హౌజాత్ వంటి రెండు కొత్త స్టిక్కర్ ప్యాక్‌లను విడుదల చేసిన కొద్దిసేపటికే తన స్టిక్కర్ ప్యాక్‌ను విడుదల చేస్తుండడం గమనార్హం. Android మరియు iOS లోని స్టిక్కర్ స్టోర్‌లో రక్షా బంధన్ ఆధారిత హ్యాపీ రాఖీ యానిమేటెడ్ స్టిక్కర్ ప్యాక్ 5.6MB స్టోరేజ్ తో ఉంటుంది. అలాగే క్రికెట్ ఆధారిత హౌజాట్ కూడా యానిమేటెడ్ స్టిక్కర్ ప్యాక్ అయితే దాని స్టోరేజ్ 3.7MB లుగా ఉంటుంది.