WazirX నుండి మీ బ్యాంక్ అకౌంటుకు డబ్బును బదిలీ చేయడం ఎలా?

వజీర్ఎక్స్ వంటి వాణిజ్య ప్లాట్‌ఫారమ్‌లలో మీరు బిట్‌కాయిన్, ఎథెరియం, డాగ్‌కోయిన్ మరియు మరిన్ని వివిధ క్రిప్టోకరెన్సీలను కొనుగోలు చేయవచ్చు మరియు అమ్మవచ్చు. ఇటీవల డాగ్‌కోయిన్ ర్యాలీ ప్లాట్‌ఫాం సర్వర్ ఉల్లంఘనను ఎదుర్కొంది. ఇది దాని వినియోగదారుల భద్రత మీద కొన్ని అనుమానాలను లేవనెత్తింది. మీ యొక్క డబ్బును వజీర్ఎక్స్ నుండి మీ బ్యాంక్ అకౌంటుకు సురక్షితంగా తిరిగి బదిలీ చేయాలని అనుకుంటున్నారా? అయితే కింద తెలిపే ప్రక్రియను బట్టి సులభంగా మీ యొక్క డబ్బును ట్రాన్సఫర్ చేసుకోవచ్చు.

వజీర్ఎక్స్ అంటే ఏమిటి?

WazirX అనేది క్రిప్టోకరెన్సీ ఎక్సచేంజ్ మరియు వాలెట్. ఇక్కడ నుండి మీరు వేర్వేరు క్రిప్టోకరెన్సీలను కొనుగోలు చేయవచ్చు మరియు మీకు కావలసినప్పుడు వాటిని అమ్మవచ్చు. ఈ ప్లాట్‌ఫాం వాలెట్‌గా కూడా పనిచేస్తుంది మరియు మీ క్రిప్టోను దాని సర్వర్‌లలో సురక్షితంగా నిల్వ చేయడానికి కూడా మిమ్మల్ని అనుమతిస్తుంది.

 

WazirX ఎందుకు తగ్గింది?

WazirX ప్రస్తుతం ఒక అంతరాయాన్ని ఎదుర్కొంటున్నట్లు తెలిసింది. ఇది డాగ్‌కోయిన్ ధర భారీగా పెరగడం మరియు వినియోగదారులు వాణిజ్య ప్రశ్నల కోసం సర్వీసును అధికంగా వాడటం వల్ల సంభవించిందని చాలా మంది భావిస్తున్నారు. కంపెనీ సర్వర్‌ల పైన కూడా దాడి జరగడంతో ఇది అంతకుముందు దాని సేవలను నిలిపివేసింది. ఈ రెండు కారణాల వల్ల అనేక మంది వినియోగదారులు తమ డబ్బును వారి బ్యాంకు ఖాతాలకు బదిలీ చేసే మార్గాల కోసం వెతుకుతున్నారు.

WazirX నుండి మీ బ్యాంక్ అకౌంటుకు డబ్బును బదిలీ చేసే విధానం

** మొదటగా WazirXలో మీరు కలిగి ఉన్న అన్ని క్రిప్టోకరెన్సీలను అమ్మాలి.

** అన్ని క్రిప్టోకరెన్సీలు అమ్మబడిన తరువాత ఆ మొత్తం మీ యొక్క బ్యాలెన్స్‌లో కనిపిస్తుంది.

** తరువాత మీ WazirX డిజిటల్ వాలెట్‌లోకి వెళ్ళండి మరియు 'విత్ డ్రా' ఎంపిక మీద నొక్కండి.

** విత్ డ్రా చేయాలనుకునే మొత్తాన్ని నమోదు చేసి, రిమార్క్ ను జోడించి ప్రాసెస్ ఎంపికపై నొక్కి ముందుకు కొనసాగండి.

** ప్లాట్‌ఫారమ్ లో మీ బ్యాంక్ వివరాలను ధృవీకరించడానికి మరియు నిర్ధారించడానికి నొక్కండి.

** నిర్ధారణ తరువాత మీరు మీ రిజిస్టర్డ్ మొబైల్ నంబర్‌కు పంపిన OTP ని నమోదు చేయాలి.

** ఇప్పుడు మీ యొక్క డబ్బు 3-5 పని దినాలలోపు మీ బ్యాంక్ అకౌంటుకు బదిలీ చేయబడుతుంది.