ఒక ఫోన్‌లోని కాంటాక్ట్స్‌ను మరొక ఫోన్‌లోకి ట్రాన్స్‌ఫర్ చేయటం ఏలా..?

ఒక ఫోన్‌లోని కాంటాక్ట్స్‌ జాబితాను మరొక ఫోన్‌లోకి ట్రాన్స్‌ఫర్ చేసే ప్రక్రియ ఆ ఫోన్‌లు సపోర్ట్ చేసే విధానాన్ని బట్టి ఉంటుంది. అనేక మార్గాల ద్వారా కాంటాక్ట్స్‌ జాబితాను ఒక ఫోన్ నుంచి మరొక ఫోన్‌లోకి ట్రాన్స్‌ఫర్ చేసుకోవచ్చు. పలు సలువైన మార్గాలను తెలుసుకునే ప్రయత్నం చేద్దాం...

మా ఫేస్‌బుక్ పేజీని లైక్ చేయటం ద్వారా మరిన్ని అప్‌డేట్స్ పొందండి

సిమ్ ఆధారిత ట్రాన్స్‌ఫర్

మీ పాత ఫోన్‌‍లోని కాంటాక్ట్స్‌ జాబితా తక్కువ నెంబర్లను కలిగి ఉన్నట్లయితే సిమ్ ఆధారిత ట్రాన్స్‌ఫర్ సౌకర్యంగా ఉంటుంది. ఈ ప్రక్రియలో భాగంగా ముందుగా మీ పాత ఫోన్ మెమరీనిలోని మొబైల్ నెంబర్‌లను సిమ్‌కార్డ్‌లోకి కాపీ చేసుకోండి. తరువాత ఆ సిమ్ కార్డ్‌ను కొత్త ఫోన్‌లో అమర్చి ఆ నెంబర్లను ఫోన్‌లోకి కాపీ చేసుకోండి.

పాత ఆండ్రాయిడ్ ఫోన్‌లోని కాంటాక్ట్స్‌ జాబితాను కొత్త ఆండ్రాయిడ్ ఫోన్‌లోకి ట్రాన్స్‌ఫర్ చేయటం ఏలా..?

ముందుగా మీ పాత ఆండ్రాయిడ్ ఫోన్‌లో మైక్రోఎస్డీ కార్డ్‌ను అమర్చండి. ఆ తరువాత కాంటాక్ట్స్ జాబితాలోకి వెళ్లి మెనూ ఆప్షన్‌ను సెలక్ట్ చేసుకోండి. మెనూలో కనిపించే ఆప్షన్‌లలో Import/Exportను సెలక్ట్ చేసకోండి. వాటిలో ‘Export to SD card'ను సెలక్ట్ చేసుకున్నట్లయితే మీ పాత ఆండ్రాయిడ్ డివైస్‌లోని పూర్తి కాంటాక్ట్స్ జాబితా ఒక ఫోల్డర్ రూపంలో మైక్రోఎస్డీ కార్డ్‌లోకి వచ్చి చేరుతుంది.

ఇప్పుడు పాత డివైస్‌‌లోని ఎస్డీ కార్డ్‌ను కొత్త ఆండ్రాయిడ్ ఫోన్‌లో అమర్చి ఎస్డీ‌కార్డ్ ఫైల్స్‌లోకి వెళ్లినట్లయితే కాంటాక్ట్స్ జాబితా ఫోల్డర్ కనిపిస్తుంది. దాన్ని కాపీ చేసుకుని ఫోన్‌లో ఎక్కడ కావాలంటే అక్కడ పేస్ట్ చేసుకోండి. మీ పాత ఫోన్‌లోని కాంటాక్ట్స్ కొత్త ఫోన్‌లో ప్రత్యక్షమవుతాయి.

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.

వివిధ మోడళ్ల స్మార్ట్‌ఫోన్‌లకు సంబంధించిన ఫోటో గ్యాలరీల కోసం క్లిక్ చేయండి.