HP నుండి కొత్త డ్రాగన్ ఫ్లై G4 ల్యాప్‌టాప్ లాంచ్! ధర మరియు స్పెసిఫికేషన్లు

ప్రముఖ ఎలక్ట్రానిక్ పరికరాల సంస్థ HP భారతదేశంలో తన ప్రీమియం ల్యాప్‌టాప్ ల లైనప్‌ను కొత్త HP డ్రాగన్‌ఫ్లై G4 ల్యాప్‌టాప్ లాంచ్‌తో అప్‌డేట్ చేసింది. ఇందులో వివిధ రకాలైన హై-ఎండ్ ఫీచర్లు ఉన్నాయి. ఈ ఒక కిలోగ్రాము కంటే తక్కువ బరువున్న సొగసైన, తేలికపాటి డిజైన్ మరియు ఇంటెల్ యొక్క 13వ తరం కోర్ ప్రాసెసర్ వంటి ఫీచర్లు ఉన్నాయి.

HP డ్రాగన్‌ఫ్లై G4 ల్యాప్‌టాప్ యొక్క స్పెసిఫికేషన్‌లు మరియు ఫీచర్‌ల వివరాలు: HP డ్రాగన్‌ఫ్లై G4 అనేది 13వ తరం ఇంటెల్ కోర్ i7 ప్రాసెసర్, ఇది 32GB వరకు DDR5 RAM మరియు 2TB M2 SSD తో వచ్చే బిజినెస్ కేంద్రీకృత ల్యాప్‌టాప్. ఇది SSD కోసం ఎన్‌క్రిప్షన్ ఫీచర్‌ను కూడా కలిగి ఉంటుంది.ఈ ల్యాప్‌టాప్ లో నిపుణులు తమ డేటా సురక్షితంగా ఉందని తెలుసుకుని ప్రశాంతంగా ఉండవచ్చు.

HP డ్రాగన్‌ఫ్లై G4 లో USB టైప్-A పోర్ట్, 2 థండర్‌బోల్ట్ 4 USB టైప్-C పోర్ట్‌లు, హెడ్‌ఫోన్ మరియు మైక్ కాంబో జాక్, HDMI పోర్ట్ మరియు I/O కోసం నానో SIM కార్డ్ స్లాట్ కూడా ఉన్నాయి. ప్రయాణంలో ఉన్నప్పుడు మొబైల్ డేటాకు యాక్సెస్ అవసరమయ్యే వినియోగదారులకు SIM కార్డ్ స్లాట్ కూడా ఉపయోగపడుతుంది.

ఈ ల్యాప్‌టాప్‌లో 13.5 అంగుళాల WUXGA+ డిస్‌ప్లే 400 నిట్‌ల ప్రకాశంతో ఉంది. ఇది టచ్-ఎనేబుల్డ్ OLED ప్యానెల్ మరియు అధిక గరిష్ట ప్రకాశాన్ని కలిగి ఉండేలా మార్చుకోవచ్చు. ఈ HP డ్రాగన్ G4ని మరింత పోర్టబుల్ మరియు తేలికగా తయారు చేయడంపై దృష్టి సారించింది, అదే సమయంలో దాని మన్నికను కూడా ఇది నిర్ధారిస్తుంది.

ఈ ల్యాప్‌టాప్ తేలికైన డిజైన్‌తో ఉన్నప్పటికీ మన్నిక విషయంలో ఎలాంటి రాజీపడదని కంపెనీ పేర్కొంది. ఈ ల్యాప్‌టాప్ విండోస్ 11 ప్రో OS ఆధారంగా వస్తుంది. మరియు ఇది పెద్ద ట్రాక్‌ప్యాడ్‌ను కలిగి ఉంది మరియు 68 WHr బ్యాటరీ సెల్‌ ను ఇది కలిగి ఉంటుంది.

HP డ్రాగన్‌ఫ్లై G4 భారతదేశంలో ధర మరియు లభ్యత వివరాలు
HP డ్రాగన్‌ఫ్లై G4 బిజినెస్ నిపుణల కోసం రూపొందించబడింది. దీనిని ఆన్‌లైన్‌లో లేదా HP స్టోర్‌లలో కొనుగోలు చేయవచ్చు. ఈ ల్యాప్‌టాప్ బేస్ మోడల్‌ ధర రూ. 2,20,000 గా ఉంది. ఈ ధర వద్ద, HP డ్రాగన్‌ఫ్లై G4 M2 ప్రో చిప్‌సెట్‌తో కూడిన MacBook Pro 14" కంటే కూడా ఖరీదైనది. MacBook Pro 14" యొక్క బేస్ వేరియంట్ భారతీయ మార్కెట్లో రూ.1,99,900 కి సేల్ అవుతోంది అవుతుంది.

భారత ప్రభుత్వం గురువారం (ఈ వారంలో), ఎలక్ట్రానిక్ వస్తువులు దిగుమతులపై ఆంక్షలు విధిస్తూ తక్షణ నోటీసులు జారీ చేసిన సంగతి మీకు తెలిసిందే. ఈ నోటీసు ప్రకారం HSN 8741 కేటగిరీ కిందకు వచ్చే ల్యాప్‌టాప్‌లు, టాబ్లెట్‌లు మరియు పర్సనల్ కంప్యూటర్‌ల దిగుమతులపై ఈ ఆంక్షలు వర్తిస్తాయి.ఈ కొత్త రూల్స్ ప్రకారం ఈ వస్తువులను దిగుమతి చేసుకోవడానికి చెల్లుబాటు అయ్యే లైసెన్స్‌ను పొందడం అవసరం.