ఫీచర్ ఫోన్లకు వాట్సప్ వచ్చేసింది,ఎలా డౌన్లోడ్ చేసుకోవాలి

KaiOS Store నుండి వాట్సప్ ను డౌన్లోడ్ చేసుకోవాలి

యూజర్లు తమ ఫీచర్ ఫోన్లలో వాట్సప్ పొందాలనుకుంటే ముందుగా వారు KaiOS Store నుండి వాట్సప్ ను డౌన్లోడ్ చేసుకోవాలి. 512MB and 256MB RAM దానిపైన ఫోన్లకు మాత్రమే ఈ సదుపాయం అందుబాటులో ఉంది. చాలా స్మార్ట్ ఫీచర్ ఫోన్స్ లో KaiOS ఆపరేటింగ్ సిస్టం రన్ అవుతోందని వీటన్నింటికి వాట్సప్ ఫీచర్ అందిస్తామని కంపెనీ తెలిపింది.

100 దేశాల్లో 100 మిల్లియన్ ఫోన్స్

100 దేశాల్లోని 100 మిల్లియన్స్ ఫీచర్ ఫోన్స్ కియోస్ ఆపరేటింగ్ సిస్టంతో వచ్చాయని కియోస్ టీం తెలిపింది. అంతేకాకుండా ప్రపంచంలో ఆండ్రాయిడ్, ఐఓఎస్ తరువాత మూడవ ఆపరేటింగ్ సిస్టం ఇదేనని కంపెనీ ప్రకటించింది. Nokia 8110 అలాగే జియో రెండు ఫోన్లు ఫీచర్ ఫోన్ మార్కెట్లో కియోస్ ని ఎంతో ఎత్తుకు తీసుకువెళ్లాయని ఈ ఫోన్ల ద్వారానే కియోస్ ఆఫరేటింగ్ సిస్టం మార్కెట్లో దూసుకుపోతుందని తెలిపింది.

ఆ ఫోన్ల లిస్ట్ ఇదే.

ఇప్పుడు కియోస్ ఆపరేటింగ్ సిస్టంతో నడుస్తున్న ఫోన్ల జాబితాను కంపెనీ ప్రకటించింది. ఆ ఫోన్ల లిస్ట్ ఇదే.

Alcatel Go Flip 2

Cat B35

Doro 7050 and 7060

Energy E241S and E241

JioPhone (Reliance Jio)

JioPhone 2 (Reliance Jio)

MaxCom 241

MTN Smart

Multilaser ZAPP

Nokia 8110 (HMD Global)

Orange Sanza

Positivo P70S

WizPhone WP006

Alcatel Go Flip

కియోస్ బ్లాగ్ ప్రకారం..

కియోస్ బ్లాగ్ లో పొందుపరిచిన వివరాల ప్రకారం.. గ్లోబల్ వైడ్ గా కియోస్ ఆపరేటింగ్ సిస్టం అంచనాలకు మించి లాభాలను అందుకుంటున్నట్లు తెలుస్తోంది. డిజిటల్ యుగంలో కమ్యూనికేషన్ అనేది ముఖ్యమైనదిగా ఉన్న నేపథ్యంలో ఫీచర్ ఫోన్లతో కూడా స్మార్ట్ కమ్యూనికేషన్ అందుకునే విధంగా కియోస్ ముందుకు వెళుతోంది. ఇందులో భాగంగానే డిజిటల్ విప్లవానికి నాంది పలికింది. ఫీచర్ ఫోన్లకు వాట్సప్ అందించడం ద్వారా బిలియన్ యూజర్లు స్మార్ట్ వైపై అడుగులు వేయనున్నారు.