ఐడియా బఫెట్ ప్లాన్స్

తమ పోస్ట్‌పెయిడ్ సబ్‌స్క్రైబర్ల కోసం బఫెట్ ప్లాన్స్‌ను తీసుకువచ్చినట్లు ఐడియా సెల్యూలార్ తెలపింది. అత్యధికంగా వాయిస్, డేటాను వినియోగిస్తున్న కస్టమర్లను దృష్టిలో ఉంచుకుని ఈ ప్లాన్‌ను 899 రూపాయల నుంచి ప్రారంభిస్తున్నట్లు ఐడియా సెల్యులర్ చీఫ్ మార్కెటింగ్ ఆఫీసర్ శశి శంకర్ ఒక ప్రకటనలో తెలిపారు. ఈ ప్లాన్‌లో భాగంగా 4,000 లోకల్, ఎస్‌టిడి కాల్స్, 1,000 రోమింగ్ మొబైల్ మినిట్స్ సహా 450 లోకల్, నేషనల్ ఎస్ఎంఎస్‌లను అందిస్తున్నట్లు తెలిపింది. అలాగే అత్యధికంగా డేటా వినియోగిస్తున్న కస్టమర్ల కోసం వీటితో పాటు అదనంగా 5 జిబి 3జి డేటాను 1,299 రూపాయలకే అందించనున్నట్లు పేర్కొంది. ఇంతకంటే ఎక్కువ డేటాను వినియోగిస్తున్న కస్టమర్ల కోసం 10 వేల లోకల్, ఎస్‌టిడి కాల్స్, 8జిబి 3జి డేటా ప్లాన్‌ను 1,599 రూపాయలకు అందిస్తున్నట్లు ఐడియా తెలిపింది.

Read In English