ఐఎఫ్ఏ 2013: టెక్నాలజీ షోలో మొదటి రోజు టాప్ ఆవిష్కరణలు

యూరోప్ అతిపెద్ద టెక్నాలజీ షో ఐఎఫ్ఏ 2013ను బెర్లిన్ వేదికగా సెప్టంబర్ 6వ తేదీ నుంచి సెప్టంబర్ 11వ తేదీ వరకు అట్టహాసంగా నిర్వహించనున్నారు. ఈ టెక్‌ షోను పురస్కరించుకుని ప్రపంచవ్యాప్తంగా ఉన్న అనేక టెక్ కంపెనీలు తమ కొత్త ఉత్పత్తులను ఆవిష్కరించున్నాయి. ఈ టెక్‌షోను పురస్కరించుకుని గురువారం ఏర్పాటు చేసిన మొదటి ప్రెస్‌డేలో ప్రముఖ కంపెనీలు తమకొత్త ఉత్పత్తులను ప్రకటించాయి. వాటిలో టాప్ గాడ్జెట్‌ల సమాచారాన్ని మీతో షేర్ చేసుకుంటున్నాం..

1.) ఆల్కాటెల్ వన్‌టచ్ హీరో స్మార్ట్‌ఫోన్:

ఆల్కాటెల్ సంస్థ కైండిల్ ఫోన్ తరహాలో ఆల్కాటెల్ వన్ టచ్ హీరో స్మార్ట్‌ఫోన్‌ను ఆవిష్కరించింది. ఈ హ్యాండ్‌సెట్ ఆండ్రాయిడ్ ఆపరేటింగ్ సిస్టం పై స్పందిస్తుంది. ప్రత్యేకమైన ఎల్ఈడి కవర్, 6 అంగుళాల స్ర్కీన్, ఈ-బుక్స్ చదువుకునేందుకు ‘ఈ-ఇంక్' ఫీచర్, శక్తవంతమైన బ్యాటరీ వ్యవస్థ.

2.) సోనీ క్యూఎక్స్100:

ఐఎఫ్ఏ 2103ను పురస్కరించుకుని సోనీ సరికొత్త ఆవిష్కరణతో ముందుకొచ్చింది. సోనీ క్యూఎక్స్100 పేరుతో స్మార్ట్‌ఫోన్ యాడ్-ఆన్‌ను సోనీ ప్రకటించింది. ఈ యాడ్-ఆన్  స్మార్ట్‌ఫోన్‌‍ను కాంపాక్ట్ కెమెరాలా మార్చేస్తుంది. అంతేకాకుండా క్యూఎక్స్100తో వీడియోలను హైడెఫినిషన్ శ్రేణిలో రికార్డ్ చేసుకోవచ్చు. సోనీ క్యూఎక్స్100 ఉపకరణాన్ని స్మార్ట్‌ఫోన్‌‌లకు ఎన్ఎఫ్‌సీ వ్యవస్థ ద్వారా జత చేసుకునే అవకాశాన్ని కల్పించారు. ధర అంచనా £399.

3.) ఆల్కాటెల్ వన్ టచ్ ప్రొజెక్టర్ ఫోన్ యాడ్-ఆన్:

ఆల్కాటెల్ వన్ టచ్ తన సరికొత్త హీరో స్మార్ట్‌ఫోన్ కోసం ప్రొజెక్టర్ ఫోన్ యాడ్-ఆన్‌ను ఆవిష్కరించింది. పేరు పికో ప్రొజెక్టర్. మ్యాచ్ బాక్సు సైజులో ఉండే ఈ ప్రొజెక్టర్ గాడ్జెట్ గోడ పై 70 అంగుళాల సైజులో చిత్రాలను ప్రదర్శించగలదు.

4.) డివోమ్ వైర్‌లెస్ స్పీకర్ పెబ్బుల్

ప్రముఖ ఆడియో ఉపకరణాల తయారీ సంస్థ డివోమ్ 4 మెగా వాట్ సామర్ధ్యం గల బ్లూటూన్ పాప్ స్పీకర్లను ఆవిష్కరించింది. ఈ పోర్టబుల్ వైర్‌లెస్ స్పీకర్లను బ్లూటూత్ ఆధారిత ఫోన్ లేదా ట్యాబ్లెట్ పీసీలకు అనుసంధానం చేసుకోవచ్చు.

5.) పానాసోనిక్ వాషింగ్ మిషన్ విత్ నో బటన్స్:

ప్రముఖ ఎలక్ట్రానిక్ ఉపకరణాల తయారీ సంస్థ పానాసోనిక్ ఐఎఫ్ఏ 2013 ట్రేడ్ షోను పురస్కరించుకుని ఆధునిక సాంకేతికతో కూడిన వాషింగ్ మెషిన్‌ను ఆవిష్కరించింది. ఈ ప్రత్యేకమైన వాషింగ్ మిషన్ వాయిస్ కమాండ్స్ ఆధారంగా పనిచేస్తుంది.

6.) సోనీ కొత్తస్టైల్ ల్యాప్‌టాప్:

ఐఎఫ్ఏ 2013 ట్రేడ్‌షోను పురస్కరించుకుని సోనీ తన వయో సిరీస్ నుంచి వయో ఫిట్ మల్టీ-ఫ్లాప్ ల్యాప్‌టాప్‌లను వివిధ శ్రేణుల్లో ఆవిష్కరించింది. ఈ మల్టీ - ఫ్లిప్ కంప్యూటింగ్  డివైజ్‌లను టచ్‌స్ర్కీన్ ట్యాబ్లెట్ అలానే ల్యాప్‌టాప్‌లా ఉపయోగించుకోవచ్చు.

7.) పానాసోనిక్ 20 అంగుళాల 4కే ట్యాబ్లెట్:

ఐఎఫ్ఏ 2013 ట్రేడ్‌షోను పురస్కరించుకుని పానాసోనిక్ 20 అంగుళాల 4కే ట్యాబ్లెట్‌‌ను ఆవిష్కరించింది.

8.) సోనీ ఎక్స్‌పీరియా జడ్‌1:

సోనీ తన నూతన ఫ్లాగ్‌షిప్ స్మార్ట్‌ఫోన్ అయిన ‘ఎక్స్‌పీరియా జడ్‌1'ను ఐఎఫ్ఏ 2103 ట్రేడ్ షోకు ముందు ఆవిష్కరించింది. ఈ అధిక ముగింపు స్మార్ట్ హ్యాండ్‌సెట్ విశిష్టమైన 20.7 మెగా పిక్సల్ కెమెరాను కలిగి ఉంది. బయోంజ్ ఇమేజ్ ప్రాసెసర్, ఎల్ఈడి ఫ్లాష్, ఎక్స్‌మార్ ఆర్ఎస్ సెన్సార్ వంటి ప్రత్యేక ఫీచర్లు ఈ కెమెరా వ్యవస్థలో ఉన్నాయి. మరోవైపు ఫోన్ ముందు భాగంలో ఏర్పాటు చేసిన 2 మెగా పిక్సల్ ఫ్రంట్ కెమెరా వ్యవస్థ అత్యత్తమ క్వాలిటీతో కూడిన వీడియో కాలింగ్‌ను చేరువచేస్తుంది.

సోనీ ఎక్స్‌పీరియా జెడ్1 కీలక స్సెసిఫికేషన్‌లు: 5 అంగుళాల పూర్తి హైడెఫినిషన్ ట్రైలూమినస్ డిస్‌ప్లే (సోనీ మొబైల్ బ్రాబియా ఇంజన్ 2, రిసల్యూషన్ (1080x 1920పిక్సల్స్), 2.2గిగాహెట్జ్ క్వాడ్-కోర్ క్వాల్కమ్ ఎమ్ఎస్ఎమ్ 8974 ప్రాసెసర్, 2జీబి ర్యామ్, 16జీబి ఇంటర్నల్ స్టోరేజ్, మైక్రోఎస్డీ కార్డ్‌స్లాట్ ద్వారా మెమరీని 64జీబికి విస్తరించుకునే సౌలభ్యత, 20.7 మెగా పిక్సల్ ఎక్స్‌మార్ ఆర్ఎస్ సెన్సార్, ఎల్ఈడి ఫ్లాష్, 2 మెగా పిక్సల్ ఫ్రంట్ ఫేసింగ్ కెమెరా, 3జీ, వై-ఫై, బ్లూటూత్, జీపీఎస్ కనెక్టువిటీ, ఆండ్రాయిడ్ 4.2 జెల్లీబీన్ ఆపరేటింగ్ సిస్టం.