ఈ స్పీకర్‌కు బ్లుటూత్, వై-ఫై అక్కర్లేదు!

ప్రముఖ కన్స్యూమర్ ఎలక్ట్రానిక్స్ ఉత్పత్తుల తయారీ కంపెనీ జీబ్రానిక్స్ 'Amplify' పేరుతో సరికొత్త వైర్‌లెస్ ఆడియో యాంఫ్లిఫైయర్ ఇండక్షన్ స్పీకర్‌ను మార్కెట్లో లాంచ్ చేసింది. ధర రూ.999. ఆన్‌లైన్ మార్కెట్‌తో పాటు దేశవ్యాప్తంగా ఉన్న అన్ని బ్రిక్ అండ్ మోర్టార్ స్టోర్‌లలో ఈ స్పీకర్ అందుబాటులో ఉంటుంది.

కేవలం 330 గ్రాముల బరువుతో వస్తోన్న ఈ లైట్ వెయిట్ పోర్టబుల్ స్పీకర్ ప్రత్యేకమైన ఇండక్షన్ టెక్నాలజీతో రూపుదిద్దుకుంది. ఈ స్పీకర్ నుంచి వెలువడే ఆడియో, శక్తివంతమైన అవుట్‌పుట్‌ను కలిగి క్లియర్ సౌండ్‌ను మీకు ఆఫర్ చేస్తుంది. ఈ స్పీకర్‌ను, మీ స్మార్ట్‌ఫోన్‌తో కనెక్ట్ చేసేందుకు ఎటువంటి బ్లుటూత్, వై-ఫై కనెక్షన్ అవసరం లేదు.

లేటెస్ట్ ల్యాప్‌టాప్స్ బెస్ట్ ఆన్‌లైన్ డీల్స్ కోసం ఇక్కడ క్లిక్ చేయండి

స్పీకర్‌కు ఏర్పాటు చేసిన ప్రత్యేకమైన మొబైల్ హోల్డర్‌లో ఫోన్‌ను ఉంచి మ్యూజిక్‌ను ఆన్ చేస్తే చాలు. ఫోన్ నుంచి వెలువుడే మ్యూజిక్‌ను ఈ యాంప్లిఫైయర్ స్పీకర్ తనలోకి ఇమిడింపచేసుకుని వివిధ్ మోడ్‌లలో నాణ్యమైన అవుట్‌పుట్‌ను మీకు అందించే ప్రయత్నం చేస్తుంది. దాదాపుగా అన్ని రకాల స్మార్ట్‌ఫోన్‌లను ఈ స్పీకర్ సపోర్ట్ చేస్తుందని జీబ్రానిక్స్ చెబుతోంది.

స్మార్ట్‌ఫోన్‌‌ల ద్వారా హైక్వాలిటీ మ్యూజిక్‌ను ఆస్వాదించాలనుకునే వారి కోసం ఈ పోర్టబుల్ స్పీకర్‌ను ప్రత్యేకంగా డిజైన్ చేసారు. రబ్బర్ ఫినిషింగ్‌తో వస్తోన్న ఈ ట్రెండీ లుకింగ్ స్పీకర్‌లో ఇండక్షన్, aux అనే రెండు మోడ్స్ ఉంటాయి. 1000 ఎమ్ఏహెచ్ Li-ion బ్యాటరీని ఈ స్పీకర్‌లో ఏర్పాటు చేయటం జరిగింది. స్పీక‌ర్‌లో మీరు ఎంచుకునే మోడ్‌ను బట్టి ఈ బ్యాటరీ ప్లేబ్యాక్ టైమ్ 6 నుంచి 8 గంటల మధ్య ఉంటుంది.

మార్కెట్లో లాంచ్ అయిన సరికొత్త స్పీకర్స్, స్మార్ట్ వాచెస్ ఇంకా ఇతర యాక్సెసరీస్ గురించి తెలుసుకునేందుకు ఈ లింక్ పై క్లిక్ చేయండి.

లేటెస్ట్ స్మార్ట్‌ఫోన్స్ బెస్ట్ ఆన్‌లైన్ డీల్స్ కోసం ఇక్కడ క్లిక్ చేయండి