India Post పేరుతో కొత్త స్కామ్! డెలివరీ అడ్రెస్ అప్డేట్ చేయమంటారు! లింక్ క్లిక్ చేసారో ఇక అంతే...!

మెషిన్ లెర్నింగ్ మరియు ఆర్టిఫిషియల్ ఇంటెలిజెన్స్ టెక్నాలజీ వేగంగా అభివృద్ధి చెందుతున్న ఈ తరుణంలో, వ్యక్తిగత మరియు వృత్తిపరమైన వ్యక్తుల జీవితంలోని ప్రతి విభాగానికి ఈ ఏటక్నాలజీ లు చొచ్చుకుపోతున్నందున సాంకేతికంగా నైపుణ్యం కలిగిన మోసగాళ్లు ఇప్పుడు బాధితులను లక్ష్యంగా చేసుకొని మోసగించడం చాలా సులభం గా చేస్తున్నారు. సైబర్ నేరగాళ్లు దేశవ్యాప్తంగా స్మార్ట్‌ఫోన్ వినియోగదారులను ఎక్కువగా లక్ష్యంగా చేసుకుంటున్నారు ఎందుకంటే వారికి అనేక తప్పుడు కాల్‌లు మరియు టెక్స్ట్‌లు వస్తాయి.

ఈ స్కామర్‌లు నకిలీ వెబ్‌సైట్‌లను కూడా సృష్టిస్తారు, అనుమానం రాకుండా ఉండేందుకు వినియోగదారులను గ్రాఫిక్‌లతో మోసగిస్తారు.

భారత ప్రభుత్వ సైబర్ ఏజెన్సీ, సైబర్‌దోస్త్, ఐఫోన్ వినియోగదారులను ప్రత్యేకంగా లక్ష్యంగా చేసుకునే కొత్త స్కామ్ కు సంబంధించి హెచ్చరికను పంపింది. సైబర్‌దోస్త్ సమాచారం ప్రకారం, ఐఫోన్ వినియోగదారులకు iMessage ద్వారా స్కామ్ మెసెజ్ లు పంపబడుతున్నాయి.

ఈ ఇండియా పోస్ట్ స్కామ్ ఏమిటి?
ఈ మెసెజ్ ప్రకారం, వీటిలో ఇండియా పోస్ట్ నుంచి పార్సెల్ వచ్చిందని, మీ తప్పుడు చిరునామా ప్యాకేజీని పంపిణీ చేయకుండా నిరోధిస్తుందని. అందువల్ల, మీరు వెంటనే మీ అడ్రస్ ను అప్డేట్ చేయాలనీ లింక్ పంపిస్తున్నారు. మీరు లింక్ క్లిక్ చేస్తే హ్యాకర్లు మీ డాటాను దొంగిలిస్తారు.

Cyberdost యొక్క ట్వీట్ ప్రకారం ఇలా పేర్కొంది: "కొత్త ట్రాన్స్‌నేషనల్ #స్కామ్ హెచ్చరిక: #iPhone వినియోగదారులు యాదృచ్ఛిక ఖాతాల నుండి ప్యాకేజీ / కొరియర్‌కు సంబంధించి #iMessage ద్వారా స్కామ్ సందేశాలను స్వీకరిస్తున్నట్లు తెలుసుకున్నారు. అనుమానాస్పద లింక్‌లపై క్లిక్ చేయడం నివారించబడవచ్చు మరియు అలాంటి సందేశాల కోసం రీడ్ రసీదులు నిలిపివేయబడవచ్చు."

ఈ మోసపూరిత మెసెజ్ లు, పార్శిల్ తిరిగి రాకుండా ఉండేందుకు 24 గంటలలోపు ప్రతిస్పందించాలని కస్టమర్ లను కోరింది మరియు ఇది వెబ్ లింక్‌ను కలిగి ఉంటుంది. సైబర్‌డోస్ట్ హెచ్చరిక ప్రకారం ఇది స్కామ్ అని హెచ్చరిస్తుంది మరియు మీరు లింక్‌ను క్లిక్ చేయడం వల్ల బాధితులుగా మారవచ్చు.

అలాంటి మెసెజ్ లను వెంటనే అధికారులకు నివేదించమని మరియు అనుమానాస్పద లింక్‌లపై క్లిక్ చేయకుండా ఉండమని వారు సలహా ఇస్తున్నారు. అదనంగా, వినియోగదారులు తమ బ్యాంక్ ఖాతా సమాచారాన్ని ఎప్పుడూ షేర్ చేయకూడదు లేదా తెలియని వ్యక్తులకు డబ్బు పంపకూడదు.

ఇలాంటి స్కామ్‌ను నివారించడానికి ముఖ్యమైన చిట్కాలు
* అనుమానాస్పద మెసెజ్ లు ఉన్న లింక్‌లపై క్లిక్ చేయవద్దు.
* మీరు తెలియని వారు పంపిన సందేశాల కోసం రీడ్ రసీదులను నిలిపివేయండి.
* చట్టబద్ధమైన కంపెనీలు అత్యవసరంగా ప్రతిస్పందించమని మిమ్మల్ని ఒత్తిడి చేయవు లేదా ప్యాకేజీని తిరిగి ఇవ్వమని బెదిరించవు.
* మీ బ్యాంక్ ఖాతా సమాచారాన్ని ఎప్పుడూ షేర్ చేయకండి లేదా తెలియని వ్యక్తులకు డబ్బు పంపకండి.

అలాంటి మెసేజ్‌లు మీ దృష్టికి వస్తే సంబంధిత అధికారులకు వెంటనే రిపోర్ట్ చేయాలని సూచించారు. ఐఫోన్ వినియోగదారులు ఈ చర్యలకు కట్టుబడి ఈ ఫిషింగ్ స్కామ్‌లో పడకుండా తమను తాము రక్షించుకోవడంలో జాగ్రత్తగా ఉండాలని ప్రభుత్వ అధికారులు తెలియచేస్తున్నారు.