ఇకపై UPI తో విదేశాలకు కూడా డబ్బు పంపవచ్చు...తిరిగి పొందవచ్చు! వివరాలు.

అవును, భారతీయులు త్వరలో సింగపూర్‌లో కూడా UPI (యునైటెడ్ పేమెంట్స్ ఇంటర్‌ఫేస్) ద్వారా డబ్బును బదిలీ చేయగలుగుతారు. అలాగే, ఫోన్ నంబర్‌ను ఉపయోగించి సింగపూర్‌లోని భారతీయులు భారతదేశంలోని వారి కుటుంబ సభ్యులకు సులభంగా డబ్బును బదిలీ చేయవచ్చు.

సింగపూర్‌లోని భారతీయులు

అవును, భారతీయులు త్వరలో సింగపూర్‌లో కూడా UPI (యునైటెడ్ పేమెంట్స్ ఇంటర్‌ఫేస్) ద్వారా డబ్బును బదిలీ చేయగలుగుతారు. అలాగే, ఫోన్ నంబర్‌ను ఉపయోగించి సింగపూర్‌లోని భారతీయులు భారతదేశంలోని వారి కుటుంబ సభ్యులకు సులభంగా డబ్బును బదిలీ చేయవచ్చు.

"సింగపూర్ తన PayNowని UPIతో లింక్ చేయాలనుకుంటోంది మరియు రాబోయే కొద్ది నెలల్లో ఆ ప్రాజెక్ట్ ప్రారంభమైన తర్వాత, సింగపూర్‌లో నుంచి ఎవరైనా భారతదేశంలోని వారి కుటుంబ సభ్యులకు డబ్బు పంపగలరు" అని సింగపూర్‌లోని భారత హైకమిషనర్ పి కుమరన్ వివరించారు.

NPCI భాగస్వామి

అలాగే ,ఇప్పుడు మీరు మొబైల్ నంబర్‌ని ఉపయోగించి భారతదేశం నుండి సింగపూర్‌కు సులభంగా డబ్బును బదిలీ చేయవచ్చు. ఈ మధ్య లింకేజ్ ప్రతిపాదిత (VPI) నిధులను UPI యొక్క వర్చువల్ చెల్లింపు చిరునామాను ఉపయోగించి సింగపూర్ నుండి భారతదేశానికి బదిలీ చేయవచ్చు.

ఇంటర్నేషనల్ పేమెంట్స్ లిమిటెడ్ యూరోపియన్ పేమెంట్ సర్వీస్ ప్రొవైడర్ వరల్డ్‌లైన్‌తో NPCI భాగస్వామిగా ఉంది. ఇది ఐరోపాకు వెళ్లే భారతీయులకు కూడా సహాయం చేస్తుంది. ఎందుకంటే యూరప్‌లో త్వరలో UPIని ఉపయోగించి డబ్బు లావాదేవీలు చేయవచ్చు. UPI మాత్రమే కాదు, భారతీయులు తర్వాత యూరోప్‌లో రూపే డెబిట్ మరియు క్రెడిట్ కార్డ్‌లను ఉపయోగించగలరు. ఇది త్వరలోనే అందుబాటులోకి రావాలని కోరుకుందాం.

UPI యాప్స్

గూగుల్ పే, ఫోన్ పే, పేటీఎం లాంటి యాప్స్ నుంచి డబ్బులు ట్రాన్స్‌ఫర్ చేయడం చాలా ఈజీ కావడంతో అందరూ వాటినే ఆశ్రయిస్తున్నారు. అయితే డిజిటల్ లావాదేవీలు చేసే సమయంలో చాలా జాగ్రత్తగా ఉండాలని నిపుణులు హెచ్చరిస్తున్నారు. ఈ మాత్రం తేడా వచ్చినా అకౌంట్లోని డబ్బులు మాయమయ్యే అవకాశం ఉందని చెబుతున్నారు. ఈ నేపథ్యంలో డిజిటల్ పేమెంట్లు చేసే సమయంలో తీసుకోవాల్సిన కొన్ని జాగ్రత్తలను తెలుసుకుందాం.

కంప్యూటర్ ద్వారా లావాదేవీలు

కంప్యూటర్ ద్వారా లావాదేవీలు చేసే సమయంలో Anydesk, Teamviewer, Screenshare లాంటి స్క్రీన్ షేరింగ్ యాప్స్ ఉపయోగించకండి. అలాగే ఇతరులకు యాక్సెస్ ఇవ్వకండి. మొబైల్ ఫోన్‌లో కూడా స్క్రీన్ షేరింగ్ యాప్స్ వాడొద్దు. మీ స్క్రీన్ షేర్ చేస్తే ఓటీపీ ఇతరులు తెలుసుకోవడం చాలా సులువు. అంతేకాదు... ప్లేస్టోర్‌లో నకిలీ యాప్స్ కూడా ఉంటాయి. ఒక్క భీమ్ యాప్‌కే Modi Bhim, Bhim Modi App, BHIM Payment-UPI Guide, BHIM Banking guide, Modi ka Bhim లాంటి పేర్లతో నకిలీ యాప్స్ ఉన్నాయి. అందుకే యూపీఐ యాప్ ఏదైనా డౌన్‌లోడ్ చేసుకునే ముందు ఒరిజినల్ యాపేనా కాదా అని చెక్ చేయాలి.

VPA ఐడీ

యూపీఐ పేమెంట్స్ లావాదేవీల విషయంలో జాగ్రత్తలు తీసుకోకపోతే మీ అకౌంట్ ఖాళీ అయ్యే ప్రమాదం ఉంది. మీరు యూపీఐ ద్వారా బ్యాంక్ అకౌంట్ నుంచి ట్రాన్స్‌ఫర్ చేసే సమయంలో వర్చువల్ పేమెంట్ అడ్రస్-VPA ఐడీ క్రియేట్ అవుతుంది. బ్యాంకుకు సంబంధించిన ఎలాంటి ఇతర సమాచారం లేకుండా డబ్బులు ట్రాన్స్‌ఫర్ చేయొచ్చు. సాధారణంగా మోసగాళ్లు వీపీఏ ఐడీ తెలుసుకొని మోసాలకు పాల్పడుతుంటారు. అందుకే ఎట్టి పరిస్థితుల్లో వీపీఏ ఐడీ ఎవ్వరికీ చెప్పకూడదు.

OTP తప్పనిసరి

ఏదైనా వస్తువుని ఆన్‌లైన్‌లో ఆర్డర్ చేసే క్రమంలో బ్యాంక్ ఖాతా, ఫోన్ నంబర్లను టైప్ చేయగానే ఆటోమేటిక్‌గా ఆ వివరాలన్నీ సైబర్ నేరగాళ్ల చేతికి చిక్కుతున్నాయి. క్షణాల్లో గూగుల్ పే, పేటీఎం లాంటి ఆన్‌లైన్ లావాదేవీలు నిర్వహించే వ్యాలెట్లను సృష్టిస్తున్నారు. లావాదేవీలు చేయడానికి అవసరమైన యూపీఐ నెంబర్ క్రియేట్ చేయడం కోసం ఒకే ఒక్కసారి ఓటీపీ అవసరం అవుతుంది. కేవలం దాన్ని తెలుసుకోవడం కోసమే సైబర్ నేరగాళ్లు బాధితులకు పోన్ చేస్తున్నారు. ఆర్డర్ ఓకే కోసం అని నమ్మించి ఓటీపీ తెలుసుకుంటున్నారు. నెంబర్ చెప్పగాలో అకౌంట్‌లోని డబ్బు గోవిందా. బాధితులు గుర్తించి అకౌంట్‌ని బ్లాక్ చేయించేంతవరకు అందినంత ఊడ్చేస్తున్నారు సైబర్ నేరగాళ్లు. ఇలాంటి ఫోన్ కాల్స్ పట్ల అప్రమత్తంగా ఉండాలని సూచిస్తున్నారు పోలీసులు. అపరిచితుల ఫోన్ కాల్స్‌కు స్పందించొద్దని, ఎలాంటి వివరాలు అడిగినా చెప్పొద్దని సూచిస్తున్నారు.