ఆధార్ కార్డు ను ఉచితంగా అప్డేట్ చేయడానికి చివరి తేదీ పొడిగించారు! కొత్త తేదీ వివరాలు

భారత పౌరులు తమ ఆధార్ కార్డ్ వివరాలను ఉచితంగా అప్‌డేట్ చేయడానికి గడువును సెప్టెంబర్ 14, 2024 వరకు పొడిగిస్తున్నట్లు భారత ప్రభుత్వం ప్రకటించింది. భారత విశిష్ట గుర్తింపు ప్రాధికార సంస్థ (UIDAI) ప్రకటన ప్రకారం ఈ పొడిగింపు, నివాసితులు తమ ఆధార్‌ను నిర్ధారించుకోవడానికి అదనంగా మరో మూడు నెలల సమయాన్ని అందిస్తుంది. సమాచారం ఖచ్చితమైనది మరియు ఎటువంటి రుసుము లేకుండా సెప్టెంబర్ 14, 2024 వరకు మీరు ఆధార్ కార్డు ను అప్డేట్ చేసుకోవచ్చు.

మీ ఆధార్‌ను అప్‌డేట్ చేయడం ఎందుకు అవసరం
ప్రభుత్వ సేవలు మరియు ఆర్థిక వ్యవస్థలకు నిరంతరాయంగా యాక్సిస్ ను కొనసాగించడానికి ఆధార్ వివరాలను ఖచ్చితంగా ఉంచడం చాలా కీలకమైన విషయం. అనేక ప్లాట్‌ఫారమ్‌లలో గుర్తింపు ధృవీకరణ కోసం ఆధార్ నంబర్ ప్రాథమిక సాధనంగా పనిచేస్తుంది.

ఎప్పటికప్పుడు రెగ్యులర్ అప్‌డేట్‌ల కారణంగా గుర్తింపు నకిలీని నిరోధించడంలో మరియు మోసపూరిత కార్యకలాపాలను గుర్తించడంలో ప్రభుత్వానికి సహాయపడతాయి. తద్వారా ప్రభుత్వ సేవలు చేరవేయడంలో మరింత సమర్థతను కలిగి ఉంటుంది.

ఆధార్ ఎన్‌రోల్‌మెంట్ మరియు అప్‌డేట్ రెగ్యులేషన్స్, 2016 ప్రకారం, వ్యక్తులు తమ ఆధార్ ఎన్‌రోల్‌మెంట్ తేదీ నుండి ప్రతి పది సంవత్సరాలకు ఒక్కసారి వారి గుర్తింపు ప్రూఫ్ (POI) మరియు ప్రూఫ్ ఆఫ్ అడ్రస్ (POA) పత్రాలను అప్‌డేట్ చేయడానికి కూడా ఆధార్‌ను అప్డేట్ చేయడం తప్పనిసరి.

ఇది ఆధార్ డేటాబేస్ ఖచ్చితమైనదని నిర్ధారిస్తుంది మరియు చిరునామా, పేరు లేదా వైవాహిక స్థితి వంటి వ్యక్తిగత సమాచారంలో ఏవైనా మార్పులను ప్రతిబింబిస్తుంది. అదనంగా, వారి రికార్డుల సమగ్రతను కాపాడుకోవడానికి 5 మరియు 15 సంవత్సరాల వయస్సులో పిల్లల బయోమెట్రిక్ వివరాలను వారి బ్లూ ఆధార్ కార్డ్‌లో తప్పనిసరిగా అప్‌డేట్ చేయాలి.

ఆధార్‌ కార్డును ఆన్‌లైన్‌లో ఎలా అప్‌డేట్‌ చేయాలి?
* తొలుత ఆధార్‌ వెబ్‌సైట్‌ని సందర్శించాలి. ( https://myaadhaar.uidai.gov.in/ ) అనంతరం ఆధార్‌ నంబర్‌ ద్వారా లాగిన్‌ అవ్వాలి.
* అనంతరం 'అప్‌డేట్‌ అడ్రస్‌'ను ఎంచుకోండి. మీ ఆధార్‌ నంబర్‌తో అనుసంధానం చేయబడిన మొబైల్‌ నంబర్‌కు వచ్చిన OTP ను అక్కడ నమోదు చేయండి.
* తర్వాత అక్కడ కనిపించిన 'డాక్యుమెంట్‌ అప్‌డేట్‌' వద్ద క్లిక్‌ చేసి, మీ వివరాలను తనిఖీ చేసుకోవాలి.
* అనంతరం అక్కడ మీ గుర్తింపునకు చెందిన డాక్యుమెంట్లు మరియు అడ్రస్‌కు సంబంధించిన డాక్యుమెంట్లను ఎంచుకొని అప్‌లోడ్‌ చేయాల్సి ఉంటుంది.
* ఈ డాక్యుమెంట్లను అప్‌డేట్‌ చేసిన తర్వాత Submit బటన్‌ను క్లిక్ చేయాల్సి ఉంటుంది. అప్పుడు మీకు ఒక 14 అంకెల నంబర్‌ కనిపిస్తుంది. ఆ నంబర్‌ను వినియోగించి మీ ఆధార్‌ కార్డు వివరాల అప్‌డేట్‌ స్టేటస్ ని తెలుసుకోవచ్చు.

కేవలం myAadhaar పోర్టల్ లో మాత్రమే సెప్టెంబర్ 14, 2024 వరకు డాక్యుమెంట్ల ఆధార్ అప్‌డేట్‌లను ఉచితంగా అందిస్తుంది. ఈ సేవలు ఆధార్ కేంద్రాలలో ₹50 రుసుము తో ఆధార్ సెంటర్లలో కూడా అప్డేట్ చేయవచ్చు.

గిజ్‌బాట్‌ తెలుగు వెబ్‌సైట్ గాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి.మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.