మొదటిసారి, 50MP 4K సెల్ఫీ కెమెరా తో కొత్త ఫోన్! Flipkart సేల్ వివరాలు

By Maheswara

Published: Thursday, August 31, 2023, 11:17 [IST]

ఇన్ఫినిక్స్ సంస్థ భారతదేశంలో Infinix Zero 30 ఫోన్ ను తీసుకువస్తోంది. ఏ స్మార్ట్‌ఫోన్ కంపెనీ అందించలేని ఫీచరులతో, బడ్జెట్‌ ధర లోనే 108MP కెమెరా, 50MP 4K సెల్ఫీ కెమెరా, 12GB RAM, 5000mAh బ్యాటరీ, 68W ఛార్జింగ్ వంటి గొప్ప ఫీచర్లతో సెప్టెంబర్ 2న ప్రీ ఆర్డర్ లకు రానుంది.

Infinix Zero 30 స్పెసిఫికేషన్ల వివరాలు: ఈ మోడల్ ఆండ్రాయిడ్ 13 OS తో మీడియాటెక్ డైమెన్సిటీ 1100 SoC చిప్‌సెట్‌తో వస్తుంది. ఇది XOS V13.1.0 మరియు మాలి G77 GPU గ్రాఫిక్స్ కార్డ్‌తో కూడా వస్తుంది.

Infinix Zero 30 5G Specifications Revealed On Flipkart, Pre Orders To Start From September 2. Details

ఈ గ్రాఫిక్స్ కార్డ్ గేమింగ్ ప్రియులకు స్పష్టమైన అనుభవాన్ని అందిస్తుంది. ఈ ఫోన్ ప్రీమియం 3D కర్వ్డ్ డిజైన్‌తో 6.78-అంగుళాల (1080 x 2400 పిక్సెల్‌లు) ఫుల్ HD ప్లస్ (FHD+) అమోలెడ్ డిస్‌ప్లేతో వస్తుంది. డిస్ప్లే 144Hz రిఫ్రెష్ రేట్, 360Hz టచ్ శాంప్లింగ్ రేట్, 2160Hz PWM డిమ్మింగ్ ఫ్రీక్వెన్సీ మరియు 950 nits పీక్ బ్రైట్‌నెస్‌తో వస్తుంది.

ఈ ఫోన్ కార్నింగ్ గొరిల్లా గ్లాస్ 5 తో రక్షించబడుతుంది. ఈ ఫోన్ క్వాడ్ LED ఫ్లాష్‌తో కూడిన ట్రిపుల్ రియర్ కెమెరా సిస్టమ్‌ను కలిగి ఉంది. కాబట్టి, ఇది 108 MP (OIS) ప్రధాన కెమెరా + 13 MP అల్ట్రా వైడ్ లెన్స్ + 2 MP మాక్రో కెమెరాతో వస్తుంది. భారతదేశంలో మొదటిసారిగా 4K 60 FPS మద్దతుతో 50 MP సెల్ఫీ కెమెరా అందించబడింది. ఈ కెమెరా పిక్సెల్ జూమింగ్ టెక్నాలజీ, డ్యూయల్ వీడియో రికార్డింగ్ సపోర్ట్, ఫిల్మ్ మోడ్ వంటి ప్రత్యేక ఫీచర్లతో వస్తుంది.

Infinix Zero 30 ఫోన్ 12GB RAM + 256GB స్టోరేజ్ మోడల్‌లో అందుబాటులో ఉంది. దీనికి 9 GB వర్చువల్ ర్యామ్ సపోర్ట్ కూడా ఉంది. కాబట్టి, మొత్తం 21 GB RAMకి సమానమౌతుంది. ఈ Infinix ఫోన్ 68W సూపర్ ఛార్జ్ సపోర్ట్‌తో 5,000mAh బ్యాటరీతో వస్తుంది.ఈ బ్యాటరీని కేవలం 30 నిమిషాల్లో 80 శాతం వరకు ఛార్జ్ చేయవచ్చు.

ఇది ఇన్-డిస్ప్లే ఫింగర్ ప్రింట్ స్కానర్, బేస్ అన్‌లాక్, డ్యూయల్ స్పీకర్లు, TDS ఆడియో మరియు IP53-రేటెడ్ డస్ట్ మరియు ఫ్లాష్ రెసిస్టెంట్‌తో కూడా వస్తుంది. ఇది Wi-Fi 6, NFC మరియు బ్లూటూత్ 5.3 కనెక్టివిటీ ఫీచర్లతో కూడా వస్తుంది.ఈ ఫీచర్ల తో పాటు ఇంకా, ఇది ప్రీమియం గ్లాస్ వేగన్ లెదర్ ఫినిష్ ప్యానెల్ డిజైన్‌ను కూడా కలిగి ఉంది. ఈ ఫోన్ గోల్డెన్ అవర్ మరియు రోమ్ గ్రీన్ అనే 2 రంగులలో లభిస్తుంది.

ప్రీమియం ఫోన్‌తో వచ్చే అన్ని ఫీచర్లు ఉన్న మోడల్ కనీసం రూ.35,000 బడ్జెట్‌లో విక్రయించబడుతుందని భావించారు. అయితే రూ.25,000 బడ్జెట్ తో ఈ ఫోన్ ను లాంచ్ చేయనున్నట్టు ఇన్ఫినిక్స్ అధికారికంగా ప్రకటించింది. ఈ ధర వద్ద, ఇలాంటి ఫోన్ విడుదల కావడం ఇదే తొలిసారి. సెప్టెంబర్ 2న ఫ్లిప్‌కార్ట్‌లో ఈ ఫోన్ ప్రీ-ఆర్డర్లు ప్రారంభమవుతాయి. ఆ సమయంలో ఈ ఫోన్‌కు సంబంధించిన లాంచ్ ఆఫర్‌ను కూడా ప్రకటించబోతున్నారు.