కాంతి వేగంతో ఇంటర్నెట్... త్వరలో

By Sivanjaneyulu

Updated: Thursday, January 28, 2016, 12:40 [IST]

అంతర్జాల (ఇంటర్నెట్) రంగంలో విప్లవాత్మక మార్పులు సంభవించబోతున్నాయి. కాంతి వేగంతో ఇంటర్నెట్ ను అందుబాటులోకి తీసుకువచ్చేందుకు ఓపెన్ సోర్స్ ఆప్టికల్ ఇంటర్నెట్ కాన్సెప్ట్ పై బ్రిస్టల్ విశ్వవిద్యాలయంలోని రిసెర్చర్లు కృషి చేస్తున్నారు.

ప్రస్తుతం అందుబాటులో ఉన్న ఇంటర్నెట్ మౌళిక సామర్థ్యాలను పరిశీలించినట్లయితే ఏదైనా ఒక అప్లికేషన్‌కు వినియోగదారుల తాకిడి పెరిగి ట్రాఫిక్ ఎక్కువయినట్లయితే ఆటోమెటిక్‌గా ఆ యాప్ ఇంటర్నెట్ వేగం మందగిస్తుంది. ఈ రద్దీని సైతం తట్టుకుని కాంతివేగంతో సమాచారాన్ని అందించే విప్లవాత్మక టెక్నాలజీ పై అడుగులు వేస్తున్నట్లు శాస్త్రవేత్తలు చెబుతున్నారు.

Truecaller యాప్ సేఫ్ కాదా..? తొలగించటం ఏలా..?

మార్కెట్లో అందుబాటులో ఉన్న వివిధ రకాల అప్లికేషన్‌లు, వాటి అవసరాలు ఇంకా రద్దీ అనుగుణంగా సమాచారాన్ని వేగంగా పంపించాల్సిన అవసరముందని, ప్రస్తుతం అందుబాటులో ఉన్న సాంకేతికతలో కొన్ని లోపాలు కారణంగా ఇది పూర్తిస్థాయిలో సాధ్యంకావటం లేదని బ్రిస్టల్ వర్శిటీ రిసెర్చర్ Reza Nejabati తెలిపారు. కాంతి వేగంతో స్పందించే ఇంటర్నెట్ టెక్నాలజీ ద్వారా యాప్స్‌ను అభివృద్థి చేసినట్లయితే సమాచారాన్ని మరింత వేగంగా పంపేందుకు ఆస్కారం ఉంటుందని శాస్త్రవేత్తలు అంటున్నారు.