ఆపిల్ ఈవెంట్లో లాంచ్ కాబోతున్న కొత్త ఉత్పత్తులు ఇవే

ఈవెంట్‌లో ఆపిల్ కంపెనీ .. ఐఫోన్ 11 సిరీస్‌లో ఐఫోన్ 11, 11మ్యాక్స్/11ప్రొ, 11ఆర్ పేరిట మూడు కొత్త ఐఫోన్లను విడుదల చేస్తుందని సమాచారం. ఇక ఈ ఫోన్లలో వెనుక భాగంలో చతురస్రాకారంలో సెటప్ కలిగిన మూడు కెమెరా సెన్సార్లు, మల్టీ యాంగిల్ ఫేస్ ఐడీ సెన్సార్, రివర్స్ వైర్‌లెస్ చార్జింగ్, ఏ13 ప్రాసెసర్ తదితర అధునాతన ఫీచర్లను అందివ్వనున్నట్లు తెలిసింది.ఇదిలా ఉంటే రిలీజ్‌కు ముందే ఆ ఫోన్ ఫీచర్లు ఆన్‌లైన్‌లో లీక్ అయ్యాయి. చైనాకు చెందిన MyDrivers వెబ్‌సైట్ ఆపిల్ ఐఫోన్ 11 స్మార్ట్‌ఫోన్ల ధరలు, స్పెసిఫికేషన్స్‌ని లీక్ చేశాయి. ఆపిల్ ఐఫోన్ 11 సిరీస్ స్మార్ట్‌ఫోన్ల ఫోటోలను పోస్ట్ చేశాయి. లీకయిన వివరాల ప్రకారం..

6.1 అంగుళాల ఎల్‌సీడీ డిస్‌ప్లే, 3డీ టచ్ ఫార్మాట్, 512జీబీ ఇంటర్నల్ స్టోరేజ్ , ఏ13 ప్రాసెసర్ 12+12 మెగాపిక్సెల్ రియర్ కెమెరా, 12 మెగాపిక్సెల్ ఫ్రంట్ కెమెరా, 3,110 ఎంఏహెచ్ బ్యాటరీ,Wi-Fi 6 స్టాండర్డ్ కంపాటబిలిటీ, ఆపిల్ పెన్సిల్ సపోర్ట్ ఉండనున్నాయి. దీని ధర సుమారుగా రూ.53,700 ఉంటుందని అంచనా..

5.8 అంగుళాల ఓలెడ్ డిస్‌ప్లే, 512జీబీ ఇంటర్నల్ స్టోరేజ్, ఏ13 ప్రాసెసర్, 12+12+12 మెగాపిక్సెల్ రియర్ కెమెరా, 12 మెగాపిక్సెల్ ఫ్రంట్ కెమెరా, 3,190 ఎంఏహెచ్ బ్యాటరీ, Wi-Fi 6 స్టాండర్డ్ కంపాటబిలిటీ, ఆపిల్ పెన్సిల్ సపోర్ట్ వంటి ఫీచర్లు ఉండనున్నాయి. దీని ధర సుమారుగా రూ.71,000 ఉంటుందని అంచనా..

6.5 అంగుళాల ఓలెడ్ డిస్‌ప్లే, 512జీబీ ఇంటర్నల్ స్టోరేజ్, ఏ13 ప్రాసెసర్, 12+12+12 మెగాపిక్సెల్ రియర్ కెమెరా, 12 మెగాపిక్సెల్ ఫ్రంట్ కెమెరా, 3,500ఎంఏహెచ్ బ్యాటరీ, Wi-Fi 6 స్టాండర్డ్ కంపాటబిలిటీ, ఆపిల్ పెన్సిల్ సపోర్ట్. ధర సుమారు రూ.78,800. 

ఆపిల్ కొత్త ఐఫోన్లు సెప్టెంబ‌ర్ 20వ తేదీ నుంచి వినియోగ‌దారుల‌కు ల‌భ్య‌మ‌వుతాయ‌ని తెలుస్తోంది. గ‌తంలో ఆపిల్ ఎప్పుడు ఐఫోన్ల‌ను విడుద‌ల చేసినా హై ఎండ్ వేరియెంట్ల‌ను ముందుగా విక్ర‌యిస్తుంది. కానీ ఈ సారి మాత్రం అలా కాకుండా లో ఎండ్ వేరియెంట్‌ను కూడా ముందు నుంచే విక్ర‌యించాల‌ని ఆపిల్ ఆలోచిస్తున్న‌ట్లు తెలిసింది.