iPhone 13 తో సిగ్నల్ సమస్యలకు చెక్!! శాటిలైట్ ద్వారా నేరుగా కాల్ చేయవచ్చు!!

ఐఫోన్ తరువాతి తరం లైనప్ స్టాండర్డ్ 4G లేదా 5G కవరేజ్ అందుబాటులో లేని ప్రాంతాల్లో LEO శాటిలైట్ ద్వారా కమ్యూనికేషన్‌కు మద్దతు ఇవ్వడానికి హార్డ్‌వేర్ సిద్ధంగా ఉందని చెప్పబడింది. ఐఫోన్ 13 మోడల్స్ కొత్త కమ్యూనికేషన్ అనుభవాన్ని సపోర్ట్ చేయడానికి అనుకూలీకరించిన చిప్‌ను కలిగి ఉండవచ్చు. తక్కువ వేగవంతమైన డేటా కమ్యూనికేషన్ మరియు శాటిలైట్ ఫోన్ కోసం LEO శాటిలైట్ కూటమిని నిర్వహించే అమెరికన్ శాటిలైట్ కంపెనీ గ్లోబల్‌స్టార్‌తో ఆపిల్ పనిచేస్తోందని చెప్పబడింది. దీనికి సంబందించిన మరింత సమాచారం తెలుసుకోవడానికి ముందుకు చదవండి.

MacRumors ద్వారా నివేదించిన సమాచారం ప్రకారం సంబంధిత సాఫ్ట్‌వేర్ ఫీచర్‌లతో ప్రారంభించబడితే iPhone 13 సిరీస్ ఫోన్లు వినియోగదారులకు 4G లేదా 5G సెల్యులార్ కనెక్షన్ అవసరం లేకుండా వాయిస్ కాల్‌లు మరియు టెక్స్ట్ మెసేజ్లను పంపడానికి అనుమతిస్తుంది అని పెట్టుబడిదారులకు తన నోట్‌లో పేర్కొన్నారు. కొత్త ఐఫోన్ లైనప్ LEO శాటిలైట్ ద్వారా కమ్యూనికేషన్‌కు మద్దతు ఇవ్వడానికి క్వాల్‌కామ్ X60 బేస్‌బ్యాండ్ చిప్‌ను అనుకూలీకరించినట్లు తెలుస్తోంది.

క్వాల్‌కామ్ తన X65 చిప్‌ని ఉపయోగించి మొబైల్ పరికరాల్లో n53 బ్యాండ్ ద్వారా శాటిలైట్ కమ్యూనికేషన్ కనెక్టివిటీని అందించడానికి గ్లోబల్ స్టార్‌తో కలిసి పనిచేస్తున్నట్లు సమాచారం. అయితే ఐఫోన్ 13 సిరీస్ ఫోన్లు మాత్రం X60 మోడెమ్ ద్వారా ఇదే అనుభవాన్ని పొందుతున్నట్లు కనిపిస్తోంది.

ఎటువంటి అదనపు ఒప్పందాలు లేదా పేమెంట్స్ అవసరం లేకుండా LEO శాటిలైట్ ద్వారా ఐఫోన్ 13 వినియోగదారులు కమ్యూనికేట్ చేయగలరని కుయో సూచించాడు. నెట్‌వర్క్ ఆపరేటర్లు అయితే LEO శాటిలైట్ కమ్యూనికేషన్‌ను ప్రారంభించడానికి గ్లోబల్‌స్టార్‌తో కలిసి పనిచేయాల్సి ఉంటుంది. LEO శాటిలైట్ కమ్యూనికేషన్‌లు మిల్లీమీటర్ వేవ్ (mmWave) మరియు సబ్-6GHz 5G కనెక్టివిటీతో iPhone 13 మోడళ్లలో అందుబాటులో ఉండవచ్చు. ఆపిల్ ఐఫోన్ 13 లైనప్‌కు మించి LEO శాటిలైట్ కమ్యూనికేషన్‌లను విస్తరించవచ్చని మరియు భవిష్యత్తులో దాని ఊహించిన మిక్స్డ్-రియాలిటీ హెడ్‌సెట్, ఎలక్ట్రిక్ వెహికల్ మరియు ఇతర ఇంటర్నెట్ ఆఫ్ థింగ్స్ (IoT) పరికరాలపై తన అనుభవాన్ని అందిస్తుందని కుయో అభిప్రాయపడ్డారు.

2019 లో బ్లూమ్‌బెర్గ్ నుండి వచ్చిన నివేదిక ప్రకారం శాటిలైట్‌లపై పనిచేసే సంస్థ సృష్టించిన ఒక రహస్య బృందాన్ని సూచించినందున ఆపిల్ కొంతకాలంగా తన రాడార్‌లో శాటిలైట్ కమ్యూనికేషన్‌లను కలిగి ఉన్నట్లు తెలుస్తోంది. ఇది కాలక్రమేణా విలక్షణమైన అంచుని తీసుకురావడానికి సహాయపడుతుంది.

రెగ్యులర్ వాయిస్ కాల్స్ మరియు మెసేజింగ్ కోసం ఆపిల్ LEO శాటిలైట్ కమ్యూనికేషన్ కనెక్టివిటీని ఆఫర్ చేస్తుందా లేదా అది కేవలం దాని FaceTime మరియు iMessage సర్వీసులకే పరిమితమవుతుందా అనేది ఈ సమయంలో అస్పష్టంగా ఉంది. వ్యక్తిగత టెలికాం ఆపరేటర్లు తమ సంప్రదాయ సెల్యులార్ కనెక్టివిటీ లేకుండా కమ్యూనికేషన్‌లను ప్రారంభించడానికి శాటిలైట్ కంపెనీతో కలిసి పనిచేయాల్సిన అవసరం ఉన్నందున కొత్త అనుభవం ప్రపంచ మార్కెట్లకు అందుబాటులో ఉండకపోవచ్చు.

కొన్ని లీక్ల ప్రకారం ఐఫోన్ 13 సిరీస్‌ సరికొత్త A15 బయోనిక్ చిప్‌సెట్ 5nm+ ప్రాసెస్‌పై ఆధారపడి ఉండే అవకాశం ఉంది. ఇంకా ఆపిల్ ఐఫోన్‌ల కోసం mmWave 5G సపోర్ట్‌ను USA వెలుపల iPhone 13 సిరీస్‌తో పరిచయం చేయవచ్చు. అంతేకాకుండా ఐఫోన్ 13 సిరీస్ డివైస్ లు పెద్ద బ్యాటరీలతో ప్యాక్ చేయబడి వచ్చే అవకాశం ఉంది. అంతేకాకుండా వినియోగదారులు 25W ఫాస్ట్ ఛార్జింగ్ మద్దతును కూడా పొందే అవకాశం ఉన్నట్లు భావిస్తున్నారు. ఐఫోన్ 12 స్మార్ట్‌ఫోన్‌లతో పోలిస్తే ఐఫోన్ 13 సిరీస్ డివైస్ ల నాచ్ చిన్నదిగా ఉంటుందని భావిస్తున్నారు. ఆపిల్ ఐఫోన్ 13 ఫోన్ 1TB వేరియంట్‌తో ప్రవేశపెట్టే అవకాశం ఉంది. ఐఫోన్ కొత్త సిరీస్ లలో పెద్ద బ్యాటరీతో పాటుగా వేగవంతమైన ఛార్జింగ్ మద్దతు ఫీచర్లను కలిగి ఉండడం వినడానికి చాలా బాగుంది. అయితే ఈ పరికరాల ధర గత సంవత్సరం అక్టోబర్‌లో ప్రారంభించిన ఐఫోన్ 12 సిరీస్‌తో సమానంగా ఉండాలి. ఐఫోన్ 13 సిరీస్‌తో వినియోగదారులు పొందగలిగే మరో ప్రధాన అప్‌గ్రేడ్ అధిక రిఫ్రెష్ రేట్ డిస్‌ప్లే. ఐఫోన్ 13 సిరీస్ స్మార్ట్‌ఫోన్‌లతో 120Hz రిఫ్రెష్ రేట్‌కి మద్దతు ఇవ్వడానికి Apple శామ్‌సంగ్ LTPO డిస్‌ప్లేను ఉపయోగించవచ్చు. చిప్ కొరతతో ఐఫోన్ 13 సిరీస్ ఎలా ప్రభావితమవుతుందో చెప్పడం లేదు. అయితే ఆపిల్ తన అభిమానుల అభ్యర్ధనలను పరిష్కరిస్తోంది మరియు ఐఫోన్ 13 సిరీస్‌లో అప్‌గ్రేడ్ హార్డ్‌వేర్‌ని తీసుకువస్తుందని వినడం ఓదార్పునిస్తుంది.