ఐఫోన్ 13 సిరీస్‌ని కొనుగోలు చేస్తున్నారా? అయితే ఈ స్టోరీ చదవండి...

స్మార్ట్‌ఫోన్‌ల విభాగంలో ఐఫోన్‌ని కొనుగోలు చేయాలని ప్రతి ఒక్కరు కూడా అనుకుంటూ ఉంటారు. ప్రస్తుతం మార్కెట్ లో ఐఫోన్ 13 సిరీస్ ఫోన్‌లు మెరుగైన ఫీచర్లతో అందుబాటులో ఉన్నాయి. ఆపిల్ కంపెనీ త్వరలోనే మరొక కొత్త ఫోన్‌ని లాంచ్ చేయనున్నది. అయితే కొత్త ఐఫోన్ ని కొనుగోలు చేయలుకునే వారు ఐఫోన్ 13 ని కొనాల లేదా కొత్త ఫోన్ లాంచ్ కోసం చూడాలా వంటి మరిన్ని వివరాలను తెలుసుకోవడానికి ముందుకు చదవండి.

ఆన్‌లైన్‌లో వచ్చిన కొన్ని నమ్మదగిన నివేదికలు మరియు పుకార్ల ప్రకారం ఆపిల్ సంస్థ ఐఫోన్ 14 సిరీస్ ఫోన్‌లను సెప్టెంబర్ 13, 2022న లాంచ్ చేయనున్నట్లు భావిస్తున్నారు. ఆపిల్ సంస్థ ఎల్లప్పుడూ తన కొత్త ఐఫోన్ సిరీస్‌ను సెప్టెంబర్ నెలలో మాత్రమే విడుదల చేస్తుంది. ఐఫోన్ 12 సిరీస్ అయితే 2020 అక్టోబర్‌లో ప్రకటించబడింది. కరోనావైరస్ మహమ్మారి కారణంగా జాప్యం జరిగింది. ఈసారి ఐఫోన్ 14 సిరీస్ ఐఫోన్‌లకు అనేక కొత్త ఉత్తేజకరమైన ఫీచర్ల జోడింపులను తీసుకొనిరానున్నట్లు సమాచారం. కానీ మనం ఇక్కడ ఆ విషయాల గురించి మాట్లాడటం లేదు. మీరు కొత్త iPhone 13 సిరీస్ పరికరాన్ని పొందడానికి ఇది సరైన సమయమా అనే దాని గురించి మేము మాట్లాడుతున్నాము. తెలుసుకుందాం.

ఐఫోన్ 13 సిరీస్‌ కొనుగోలుకి అధిక ఖర్చు

ఐఫోన్ 13 సిరీస్‌ను లాంచ్ చేసి దాదాపు ఒక సంవత్సరం అయినప్పటికీ దీనిని కొనుగోలు చేయడం కోసం ఇప్పటికీ అధిక ఖరీదైనదిగా ఉంది. మీరు బేస్ మోడల్ డివైజ్‌ మోడల్ లేదా ప్రో మోడల్‌లను కొనుగోలు చేయాలని చేస్తున్నప్పటికీ కూడా అధిక మొత్తంలో ఖర్చుచేయవలసి ఉంటుంది. సాధారణంగా ఆపిల్ సంస్థ తమ యొక్క ఐఫోన్‌లను మార్కెట్‌లో ఇతరుల కంటే గొప్పగా ఉండేలా రూపొందించడంతో మిగిలిన స్మార్ట్‌ఫోన్‌ల ధరల కంటే అధిక ధరను కలిగి ఉన్నాయి.

ఐఫోన్ 14 సిరీస్ లాంచ్ అవ్వడానికి కేవలం ఒక నెల మాత్రమే ఉంది. కావున ఐఫోన్ 14 సిరీస్ అందుబాటులోకి వచ్చిన తర్వాత ఐఫోన్ 13 సిరీస్ యొక్క ధరలు అధికారికంగా పెద్ద తగ్గింపును పొందే అవకాశం మనం చూడవచ్చు. ఆపిల్ సంస్థ కొత్త ఐఫోన్ సిరీస్‌ను ప్రారంభించినప్పుడు పాత వాటి ధరలను తగ్గించడం అనేది మనం గతంలో కూడా చూసాము. ఐఫోన్ 13 సిరీస్ ముఖ్యంగా భారతదేశంలో నేటికీ చాలా ఖరీదైనది ఉంది. మీరు దానిని ఇప్పుడు కొనుగోలు చేసినప్పటికీ కేవలం ఒక నెల తరువాత మీ యొక్క సన్నిహితులు తగ్గింపు ధర వద్ద కొనుగోలు చేయడం మీరు చూస్తారు. మనం ప్రస్తుతం దాదాపు 2022 ఆగస్ట్‌కి చేరుకున్నాము. అందువల్ల ఐఫోన్ 14 సిరీస్ లాంచ్ మరింత సమీపంలోనే ఉంది అని గుర్తుంచుకోండి.

మీరు గుర్తుంచుకోవలసిన మరో విషయం ఏమిటంటే భారతదేశంలో అక్టోబర్ నెల అనేది పండుగ సీజన్ కాబట్టి కొనుగోలు ఆఫర్‌లు కూడా మరింత అధికంగా ఉంటాయి. ఆ సమయంలో కూడా ఐఫోన్ల కొనుగోలు మీద భారీ ధర తగ్గింపును పొందుతాయి. ఇది మీ ల్యాప్‌పై చాలా మంచి డీల్‌ను ఉంచుతుంది. అందువల్ల ఐఫోన్ 14 సిరీస్ అమ్మకాలు ముగిసిన తర్వాత మరియు ఐఫోన్ 13 సిరీస్‌కి ధర తగ్గింపు వచ్చిన తర్వాత ఐఫోన్ 13 సిరీస్‌ని కొనుగోలు చేయడం మంచిది.

iPhone14 సిరీస్ ప్ర‌త్యేక‌త‌లు

టెక్ విశ్లేష‌కుడు గుర్మాన్ తెలిపిన‌ వివ‌రాల ప్ర‌కారం ఐఫోన్ 14 సిరీస్‌ స్మార్ట్‌ఫోన్‌లోని డిస్‌ప్లే ఎల్లప్పుడూ ఆన్‌లో ఉండడానికి వీలుగా కొత్త డిస్‌ప్లే ఫీచర్ ని కంపెనీ తీసుకొనిరానున్నట్లు తెలిపాడు. ఆపిల్ వాచ్ సిరీస్ 5 మరియు దాని అప్ గ్రేడ్ మోడల్‌లలో ఈ ఫీచర్ ఎలా పనిచేస్తుందో అదే విధంగా పని చేస్తుంది. సరళంగా చెప్పాలంటే iPhone 14 సిరీస్‌లోని ప్రో మోడల్‌లు ఎల్లప్పుడూ ఆన్‌లో ఉండే మోడ్ (ఆల్వేస్ ఆన్ మోడ్‌) ప్రారంభించబడినప్పుడు స్క్రీన్ ఫ్రేమ్ రేట్‌ను తగ్గిస్తాయి. తద్వారా అవి తక్కువ బ్యాటరీని వినియోగించుకునేలా చేస్తాయి. ప్రస్తుత ఆండ్రాయిడ్ స్మార్ట్‌ఫోన్‌లలో ఎల్లప్పుడూ ఆన్‌లో ఉండే డిస్‌ప్లే పని చేసే విధానం కూడా ఇదే. ఐఫోన్ 14 సిరీస్‌లోని ప్రో మోడళ్లలో కంపెనీ A16 బయోనిక్ చిప్‌సెట్ ని కలిగి ఉండనున్నట్లు మునుపటి నివేదికలు సూచిస్తున్నాయి. A16 బయోనిక్ చిప్ కొత్త మరియు మెరుగైన CPU మరియు GPUతో పాటు LPDDR5 RAMకి మద్దతుతో కూడా వస్తుంది.

ఐఫోన్ 13 సిరీస్ ఫోన్‌ల ధరల వివరాలు

ఐఫోన్ 13 మరియు ఐఫోన్ 13 మినీ ఒక్కొక్కటి మూడు స్టోరేజ్ వేరియంట్లలో అందుబాటులో ఉంటాయి. ఇందులో ఐఫోన్ 13 మినీ యొక్క 128GB స్టోరేజ్ వేరియంట్ ధర భారతదేశంలో రూ.69,900 కాగా 256GB స్టోరేజ్ వేరియంట్ ధర రూ.79,900 చివరిగా 512GB స్టోరేజ్ వేరియంట్ ధర రూ. 99,900. అలాగే ఐఫోన్ 13 యొక్క 128GB స్టోరేజ్ వేరియంట్ ధర రూ.79,900, 256GB స్టోరేజ్ వేరియంట్ ధర రూ.89,900 మరియు 12GB స్టోరేజ్ వేరియంట్ ధర రూ.99,900. ఐఫోన్13 ప్రో మరియు ఐఫోన్ 13 ప్రో మాక్స్ రెండూ 1TB వరకు స్టోరేజ్‌తో అందుబాటులో ఉంటాయి. ఐఫోన్ 13 ప్రో యొక్క 128GB స్టోరేజ్ వేరియంట్ మోడల్ ధర రూ.1,19,900, 256GB స్టోరేజ్ మోడల్ ధర రూ.1,29,900, 512GB స్టోరేజ్ మోడల్ ధర రూ.1,49,900 మరియు చివరిగా 1TB మోడల్ ధర రూ.1,69,900. టాప్-ఆఫ్-లైన్ ఐఫోన్ 13 ప్రో మాక్స్ యొక్క స్టోరేజ్ వేరియంట్ ధరలు వరుసగా రూ.1,29,900, రూ.1,39,900. రూ.1,59,900 మరియు రూ.1,79,900. ఇది ఆపిల్ సంస్థ యొక్క అత్యంత ఖరీదైన ఐఫోన్ కావడం విశేషం.

ఐఫోన్ 13 సిరీస్ ఫోన్‌లస్పెసిఫికేషన్స్

ఆపిల్ సంస్థ యొక్క ఐఫోన్ 13 సిరీస్ లోని ఐఫోన్ 13 ప్రో యొక్క వివరాలు గమనిస్తే గత సంవత్సరం ఐఫోన్ 13 మరియు ఐఫోన్ 13 ప్రో సిరీస్‌ ఫోన్‌లను 'కాలిఫోర్నియా స్ట్రీమింగ్' వర్చువల్ లాంచ్ ఈవెంట్‌ ద్వారా లాంచ్ చేసింది.ఐఫోన్ 13, ఐఫోన్ 13 మినీ, ఐఫోన్ 13 ప్రో మరియు ఐఫోన్ 13 ప్రో మాక్స్ వంటి నాలుగు కొత్త ఐఫోన్ 13 మోడళ్లు ఒకే స్క్రీన్ పరిమాణం మరియు డిజైన్ ను కలిగి ఉన్నాయి. అయితే వీటిలో మెరుగైన బ్యాటరీ లైఫ్, ఓవర్‌హాల్డ్ కెమెరా, సినిమాటిక్ వీడియో రికార్డింగ్ మోడ్ మరియు సరికొత్త A15 బయోనిక్ SoC వంటి అద్భుతమైన ఫీచర్లను కలిగి ఉన్నాయి.