ఇస్రో, రోబోటిక్ డిజైన్ ఛాలెంజ్ ప్రకటించింది! విద్యార్థులకు చక్కని అవకాశం.

భారత అంతరిక్ష పరిశోధన సంస్థ ఇస్రో ఈ సంవత్సరంలో చంద్రుని దక్షిణ ధ్రువం దగ్గర చంద్రయాన్-3 అంతరిక్ష నౌకను ల్యాండ్ చేసిన మొదటి దేశంగా భారతదేశం చరిత్ర సృష్టించింది.చంద్రునిపైకి చంద్రయాన్-3 మిషన్ విజయవంతంగా ల్యాండ్ చేసిన తర్వాత, సూర్యునిపై అధ్యయనం చేయడానికి భారతదేశం యొక్క మొట్టమొదటి సోలార్ మిషన్ ఆదిత్య-L1 ను కూడా సెప్టెంబర్ 2న విజయవంతంగా ప్రయోగించిన సంగతి తెలిసిందే.

చంద్రుని ఉపరితలంపై చంద్రయాన్-3 విక్రమ్ విజయవంతంగా ల్యాండింగ్ తర్వాత, ISRO భవిష్యత్తులో చంద్రుడు మరియు ఇతర ఖగోళ వస్తువులకు రోబోటిక్ అన్వేషణ మిషన్లకు సన్నద్ధమవుతున్నట్లు తెలిపింది. ఈ రోబోటిక్ మిషన్ లకు కావాల్సిన పరిజ్ఞాన్ని సమకూర్చుకోవడానికి. ఇస్రో ఇప్పుడు విద్యార్థులకోసం మరొక ఆసక్తికరమైన కార్యక్రమంతో ముందుకు వచ్చింది.

ఇస్రో స్పేస్ ఛాలెంజ్ నిర్వహించడం ద్వారా తమకు భవిష్యత్ మిషన్ల కోసం కావలసిన రోబోటిక్ రోవర్ల డిజైన్ ల యొక్క వినూత్న ఆలోచనలు మరియు డిజైన్లను యువత నుండి ఇస్రో ఆహ్వానించింది.ఈ ఛాలెంజ్ యొక్క వివరాలు ఇక్కడ తెలుసుకుందాం.

ఇక్కడ బెంగళూరు లో ప్రధాన కార్యాలయాన్ని కలిగి ఉన్న జాతీయ అంతరిక్ష సంస్థ సంస్థాగత లక్ష్యాలకు అనుగుణంగా సాంకేతిక అభివృద్ధి కార్యకలాపాలలో పాల్గొనేందుకు అకాడెమియా మరియు పరిశ్రమల కోసం ప్రత్యేకమైన అవకాశాలను సృష్టించేందుకు కట్టుబడి ఉందని పేర్కొంది. "ఈ దృక్పథానికి అనుగుణంగా, అంతరిక్షంలో అభివృద్ధి అవకాశాలను అందించే లక్ష్యంతో స్పేస్ రోబోటిక్స్ ఛాలెంజ్ నిర్వహించడం ద్వారా భవిష్యత్ మిషన్ల కోసం రోబోటిక్ రోవర్ల వినూత్న ఆలోచనలు మరియు డిజైన్లను యువత నుండి ఆశిస్తోంది.

మీ సలహాలు సూచనలు U R రావు శాటిలైట్ సెంటర్ (URSC)/ISRO కే పంపవచ్చు. ఈ ఛాలెంజ్ లో పాల్గొనే సంస్థలకు రోబోటిక్స్ మరియు ఇస్రో ఇంటర్‌ప్లానెటరీ మిషన్‌ల కోసం మన దేశంలోని యువతలో సృజనాత్మక ఆలోచనను పెంచడానికి ఇది దోహదపడుతుంది. " స్పేస్ రోబోటిక్స్ ప్రాంతంలోని విద్యార్థులకు అవకాశాన్ని అందించడానికి, "ఇస్రో రోబోటిక్స్ ఛాలెంజ్-URSC 2024 (IRoC-U 2024)" "లెట్స్ బిల్డ్ ఎ స్పేస్ రోబోట్" అనే ట్యాగ్‌లైన్‌తో నిర్వహించబడుతుంది.

ఈ ఛాలెంజ్‌లో ఇంజినీరింగ్ ప్రాజెక్ట్ ఉంటుంది. ఇక్కడ సంస్థాగత బృందాలు, విద్యార్థులు అంతరిక్ష రోబోటిక్స్ ఎదుర్కొనే నిజ జీవిత సవాళ్ల ఆధారంగా తమ విధులను నిర్వర్తిస్తూ, భూమికి-ప్రేరేపిత రంగంలో పోటీ చేయడానికి రోబోట్‌లను తయారు చేస్తాయి. "పూర్తి హార్డ్‌వేర్ మరియు సాఫ్ట్‌వేర్ అభివృద్ధిని కలిగి ఉన్న 'వీల్డ్/లెగ్డ్ రోవర్' డిజైన్ లను రూపొందించడానికి విద్యార్థులకు ఆహ్వానం ఆహ్వానం పంపింది. ఈ IRoC-U 2024 ఛాలెంజ్ లో విద్యార్థులు అందించిన పరిష్కారాలు ISRO యొక్క భవిష్యత్ ఇంటర్‌ప్లానెటరీ రోబోటిక్స్ మిషన్‌లలో చేర్చడానికి అవకాశం ఉంది, "అని ISRO ప్రకటన తెలిపింది.

ఈ ఛాలెంజ్ యొక్క ముఖ్యమైన ఉద్దేశం : అంతరిక్ష రోబోటిక్స్ లో కొత్త టెక్నాలజీ లను అన్వేషించడానికి ఒక ప్రామాణిక వేదికను అందించడం ఈ ఛాలెంజ్ యొక్క ముఖ్య లక్ష్యం. విద్యార్థి సంఘంలో స్పేస్ రోబోటిక్స్ మరియు దాని అప్లికేషన్ల గురించి లోతైన అవగాహనను పెంపొందించడం మరియు అంతరిక్ష రోబోటిక్స్ రంగంలో అవసరమైన భవిష్యత్ టెక్నాలజీ లను(విద్యార్థులు మరియు ఇస్రో) సహ-అభివృద్ధి చేయడం. అవసరమైన పనులను నిర్వహించడానికి చివరి ఆన్‌సైట్ పోటీని URSC బెంగళూరు క్యాంపస్‌లో ఆగస్టు 2024లో నిర్వహించాలని ప్రణాళిక చేయబడింది. మరిన్ని వివరాల కోసం ఇస్రో అధికారిక వెబ్సైటు చూడండి.