ఆసియాలో ఐఫోన్ 5 అమ్మే అవకాశం మాకు ఇవ్వండి..

టోక్యో: రాబోయే కాలంలో యాపిల్‌ కంపెనీ విడుదల చేయనున్న ఐఫోన్ 5 సమాచారాన్ని మార్కెట్లో విడుదల చేయనప్పటికీ మార్కెట్లో ఉన్న రూమర్స్ ప్రకారం ప్రపంచంలో ఎక్కడో ఒకచోట అక్టోబర్‌లో ఐఫోన్ 5 విడుదలవుతుందని అంటున్నారు మొబైల్ నిపుణులు. త్వరలో మొబైల్ మార్కెట్లోకి రానున్న యాపిల్‌ కంపెనీ కొత్త ఐఫోన్ 5 ఈసారి గట్టి పోటీని ఎదుర్కోవడం తధ్యం అంటున్నారు. ప్రస్తుతం మార్కెట్లో యాపిల్‌ ఐఫోన్ 5కి ఉన్న డిమాండ్‌ని బట్టి దాని మార్కెటింగ్ చేజిక్కించుకొవడం కూడా చాలా కష్టమైపోతుంది.

ఆసియా దేశాల్లో యాపిల్‌ ఐఫోన్‌-5ను మార్కెటింగ్‌ చేసే అవకాశాన్ని దక్కించుకునేందుకు జపాన్‌కు చెందిన మొబైల్‌ సంస్థ కెడిడిఐ దక్కించుకునేందుకు చర్చలు జరుపుతోంది. నవంబర్‌ నుంచి ఐ ఫోన్‌-5 ప్రపంచ వ్యాప్తంగా మార్కెట్లోకి అందుబాటులోకి రానున్న సంగతి తెలిసిందే. జపాన్‌తో పాటు పలు ఆసియా దేశాల్లో ఈ ఫోన్‌ను విక్రయించాలని భావిస్తున్నట్టు సంస్థ ప్రతినిధి ఒకరు తెలియజేసినట్టు నిక్కీ బిజినెస్‌ మేగజైన్‌ ప్రత్యేక కధనాన్ని ప్రచురించింది. ఈ వార్త వెలువడిన తరువాత జపాన్‌లో యాపిల్‌ ప్రొడక్టులను మార్కెటింగ్‌ చేస్తున్న సాఫ్ట్‌బ్యాంక్‌ కార్పొరేషన్‌ ఈక్విటీ వాటాల విలువ 12 శాతం పతనమైంది.

ఇక ఐఫోన్ 5 ఫీచర్స్‌ని క్షుణ్ణంగా పరిశీలించినట్లైతే iOS 5 అపరేటింగ్ సిస్టమ్‌తో రన్ అవుతుంది. ఐఫోన్ 5 స్మార్ట్ ఫోన్ మొబైల్ వెనుక భాగాన 8 మెగా ఫిక్సల్ కెమెరా సహాయంతో చక్కని ఇమేజిలను తీయవచ్చు. గతంలో విడుదల చేసిన ఐఫోన్స్‌తో పోల్చితే ఐఫోన్ 5 చాలా తక్కువ మందం కలిగి ఉంటుందని వెల్లడించారు. ఐఫోన్ 5 మొబైల్‌తో 1080p వీడియో రికార్డింగ్‌ని నమోదు చేయవచ్చు. ఎల్‌ఈడి ఫ్లాష్, డిజిటల్ జూమ్ కెమెరా ప్రత్యేకతలు. మార్కెట్లో ఉన్ రూమర్ ప్రకారం ఐఫోన్ 5ని మోటరోలా డ్రాయిడ్ బయోనిక్ అన్నింటిలోను అధిగమిస్తుందని అంటున్నారు.