జియో యూజర్లకు అలర్ట్! 10వ వార్షికోత్సవ ఆఫర్ ముగియడానికి 48 గంటలే సమయం, వెంటనే చెక్ చేసుకోండి!

జియో 10వ వార్షికోత్సవ రీఛార్జ్ ఆఫర్ ముగింపు దశకు చేరుకుంది. 2026, అక్టోబర్ 18 నాటికి ఈ ప్లాన్ ఆఖరి ఘట్టంలో ఉంది. అక్టోబర్ 20 మంగళవారంతో ఈ ఆఫర్ ముగిసిపోనుంది. అంటే ఈ ప్రయోజనాలు పొందడానికి వినియోగదారులకు కేవలం 48 గంటల సమయం మాత్రమే మిగిలి ఉంది. అర్హత ఉన్న యూజర్లకు ప్రతీ 28 రోజులకు ఒకసారి చొప్పున మొత్తం 6 సైకిళ్ల పాటు ఆటో-క్రెడిట్ రీఛార్జ్ లభిస్తుంది. ఇందులో రోజువారీ 0.5GB డేటాతో పాటు అన్‌లిమిటెడ్ కాల్స్, 300 SMSలు అందుతాయి. అయితే సిమ్ యాక్టివేషన్ సమయం, డివైజ్ ఎలిజిబిలిటీ ప్రాతిపదికన మాత్రమే ఈ ఆఫర్ వర్తిస్తుంది.

సెప్టెంబర్ 15 నుంచి అక్టోబర్ 20 మధ్య కాలంలో కొత్తగా యాక్టివేట్ చేసుకున్న లేదా పోర్ట్ (MNP) అయిన జియో సిమ్‌లకు మాత్రమే ఈ ఆఫర్ అందుతుంది. అలాగే ఆ సిమ్‌ను సదరు ఫోన్‌లోని 'సిమ్ స్లాట్ 1'లోనే ఉంచాల్సి ఉంటుంది. ఫోన్ ఐఎంఈఐ (IMEI) నంబర్, మొబైల్ నంబర్‌ను మ్యాచ్ చేస్తూ జియో ఈ రూల్ తీసుకొచ్చింది. ఒకవేళ సిమ్ స్లాట్ లేదా ఫోన్ మారిస్తే తర్వాత రాబోయే ఉచిత క్రెడిట్లు నిలిచిపోతాయి. మొదటి ఆటో-క్రెడిట్ ప్రారంభమయ్యే ముందు వన్-టైమ్ చార్జ్ చెల్లించాల్సి ఉంటుంది.

జియో 10వ వార్షికోత్సవ రీఛార్జ్: ఇందులో లభించే ప్రయోజనాలేంటి?

ఈ ఆఫర్ కింద మొత్తం 6 సైకిళ్లలో కలిపి దాదాపు ఆరు నెలల పాటు (168 రోజులు) ప్రయోజనాలు లభిస్తాయి. ప్రతి సైకిల్‌లోనూ రోజుకు 0.5GB డేటా, అన్‌లిమిటెడ్ డొమెస్టిక్ కాల్స్, 300 SMSలు వస్తాయి. అయితే అంతర్జాతీయ కాల్స్ సౌకర్యం ఉండదు. పార్ట్‌నర్ వోచర్లు పరిమితంగా, వేర్వేరుగా ఉంటాయి. ముఖ్యంగా ఎక్కువసేపు మాట్లాడేవారు, మ్యాప్స్, డిజిటల్ పేమెంట్స్ వంటి లైట్ యాప్స్ వాడేవారికి ఈ ప్లాన్ అనువుగా ఉంటుంది.

జియో 10వ వార్షికోత్సవ రీఛార్జ్: MyJio యాప్‌లో ఎలా చెక్ చేయాలి?

ముందుగా MyJio యాప్ ఓపెన్ చేసి మీ ప్రీపెయిడ్ అకౌంట్ డ్యాష్‌బోర్డ్‌కి వెళ్లండి. అక్కడ ‘Anniversary offer’ కార్డుపై మీ అర్హత, తదుపరి క్రెడిట్ ఎప్పుడనేది చెక్ చేసుకోవచ్చు. మీరు ఎలిజిబుల్ అయితే 28 రోజుల సైకిల్ ప్రాతిపదికన యాక్టివ్ లేదా షెడ్యూల్డ్ క్రెడిట్స్ వివరాలు కనిపిస్తాయి. అయితే ఈ బెనిఫిట్స్ ముగిసేవరకు సిమ్‌ను అదే ఫోన్ స్లాట్ 1లోనే ఉంచాలి. అక్టోబర్ 20 మంగళవారంలోపే మీ ఆఫర్ స్టేటస్ సరిచూసుకోవడం మంచిది.

జియో 10వ వార్షికోత్సవ రీఛార్జ్: ఎవరికి బాగా ఉపయోగపడుతుంది?

జియో భారత్, ఫీచర్ ఫోన్ వినియోగదారులు తక్కువ ఖర్చుతో నిరంతర వాయిస్ కాల్స్ పొందేందుకు ఈ ఆఫర్ బాగా దోహదపడుతుంది. విద్యార్థులు, పెద్దవారు, కేవలం ఇన్ కమింగ్-అవుట్ గోయింగ్ కాల్స్ కోసం సెకండరీ సిమ్ ఉపయోగించేవారికి ఇది పర్ఫెక్ట్ ఛాయిస్. అయితే వీడియోలు ఎక్కువసేపు స్ట్రీమ్ చేసేవారు, హాట్‌స్పాట్, గేమింగ్ అప్‌డేట్స్ కోసం ఎక్కువ డేటా వాడేవారు ఈ ప్లాన్‌ తీసుకోకపోవడమే మేలు. ఎంటర్‌టైన్‌మెంట్ సబ్‌స్క్రిప్షన్లు, హెవీ డేటా కావాలనుకునే వారు ఇతర బండిల్డ్ ప్లాన్లను ఎంచుకోవచ్చు.

జియో 10వ వార్షికోత్సవ రీఛార్జ్: అక్టోబర్ 20 డెడ్‌లైన్ చెక్‌లిస్ట్

168 రోజుల రీఛార్జ్ ప్రయోజనాలను అందుకోవడానికి అక్టోబర్ 20 మంగళవారాన్ని ఆఖరి తేదీగా గుర్తుంచుకోండి. MyJio యాప్‌లో ఎలిజిబిలిటీని సరిచూసుకోవడంతో పాటు IMEI–MSISDN కాంబినేషన్ దెబ్బతినకుండా సిమ్ స్లాట్ ఛేంజ్ చేయకుండా ఉండాలి. మొదటి క్రెడిట్ వచ్చేలోపు వన్-టైమ్ చార్జ్ అమౌంట్‌ను సిద్ధంగా ఉంచుకోండి. ఈ డెడ్‌లైన్ మిస్సయితే మళ్లీ ఇలాంటి బెనిఫిట్స్ ఉన్న ఆఫర్ వచ్చే వరకు వేచి చూడాల్సిందే!