Jio నెట్‌వర్క్‌లో లభించే టాక్ టైమ్ ప్రీపెయిడ్ ప్లాన్‌లు ఇవే!!

జియో టెల్కో తన వినియోగదారులకు ఆరు టాక్ టైమ్ ప్లాన్‌లను రూ.10 లు మరియు రూ.1,000 ధరల లోపు అందిస్తోంది. ఇంతకుముందు జియో రూ.5 వేల వరకు టాక్ టైమ్ ప్లాన్‌లను అందించింది. అయితే ఈ రీఛార్జి ప్లాన్లు ఇప్పుడు అందుబాటులో లేవు. టాక్ టైమ్ ప్రయోజనంతో రిలయన్స్ జియో నెట్‌వర్క్‌లో అందుబాటులో ఉన్న టాప్-అప్ ప్లాన్‌ల గురించి మరిన్ని వివరాలు తెలుసుకోవడానికి ముందుకు చదవండి.

జియో టెలికాం సంస్థ తన యొక్క నెట్‌వర్క్‌లో అందిస్తున్న అన్ని టాప్-అప్ వోచర్‌ల మధ్య గల తేడా ఏమిటంటే టాక్ టైమ్ బెనిఫిట్ మాత్రమే. ధర పెరిగేకొద్దీ టాక్ టైమ్ బెనిఫిట్ కూడా పెరుగుతుంది. రూ.10 టాప్-అప్ వోచర్‌ వినియోగదారులకు రూ.7.47 టాక్ టైమ్ ప్రయోజనాన్ని అందిస్తుంది. అలాగే రూ.20, రూ.50, రూ.100 టాప్-అప్ వోచర్లు రూ.14,95, రూ.39.37, రూ.81.75 టాక్ టైమ్ బెనిఫిట్‌తో వస్తాయి. చివరగా రూ.500 మరియు రూ.1,000 టాప్-అప్ వోచర్లు రూ.420.73 మరియు రూ.844.46 టాక్ టైమ్‌ ప్రయోజనాన్ని అందిస్తాయి.

జియో యొక్క అన్ని టాప్-అప్ వోచర్ల చెల్లుబాటు అపరిమితంగా ఉంటుంది. రిలయన్స్ జియో నుండి వచ్చిన ఈ టాక్ టైమ్ ప్లాన్‌లను అంతర్జాతీయ సేవల కోసం కూడా ఉపయోగించవచ్చు. ఉదాహరణకు మీ మొబైల్ నంబర్‌లో ఏదైనా అంతర్జాతీయ రోమింగ్ ప్యాక్ యాక్టివేట్ చేయబడి ఉంటే కనుక ఇతర దేశాలలో ఉండే వారితో మాట్లాడడానికి అవుట్‌గోయింగ్ వాయిస్ కాల్స్ చేయడానికి ఈ టాక్ టైమ్ ప్లాన్‌లను ఉపయోగించవచ్చు.

జియో యొక్క టాప్-అప్ వోచర్‌లతో ఉన్న ప్రధాన నిరుత్సాహం ఏమిటంటే అవి ఒక్కొక్కటిగా ఉపయోగించబడవు. భారతి ఎయిర్‌టెల్ మరియు వొడాఫోన్ ఐడియా టాక్ టైమ్ ప్లాన్‌లు కనీస రీఛార్జ్ ప్లాన్‌లుగా వినియోగదారులకు ఉపయోగపడతాయి. ఎయిర్‌టెల్ రూ.49 కనీస రీఛార్జ్ ప్లాన్ రూ.38.52 టాక్ టైమ్ ప్రయోజనాన్ని అందిస్తుంది. ఈ టాక్ టైం అయిన తరువాత వారు అవుట్గోయింగ్ కాల్స్ చేయడానికి రూ.10 ప్రారంభ ధర వద్ద రీఛార్జ్ చేసుకోవచ్చు. ఈ టాక్ టైమ్ ప్రయోజనంలో సెకనుకు /పైసా తీసివేయబడుతుంది.