Jio AirFiber డేటా ప్యాక్ ల వివరాలు! రూ.101 కే 100GB డేటా, ప్లాన్ల పూర్తి వివరాలు

రిలయన్స్ జియో యొక్క AirFiber లేదా 5G FWA (ఫిక్స్‌డ్-వైర్‌లెస్ యాక్సెస్) సేవలు ఇప్పుడు దేశంలోని అనేక ప్రాంతాల్లోని కస్టమర్‌లకు అందుబాటులో ఉంది. ఇది ఇప్పుడు దాదాపు 7000 పట్టణాలు మరియు నగరాల్లో అందుబాటులో ఉందని జియో తెలిపింది. AirFiber కనెక్షన్‌తో చాలా మంది వ్యక్తులు భావించిన ఏకైక సమస్య FUP (ఫెయిర్ యూసేజ్ పాలసీ) డేటా పరిమితి 1TB. ఇది ఇంకా చాలా ఎక్కువగా ఉన్నప్పటికీ, కొంత మంది వినియోగదారులు దానిని పూర్తిగా వాడే సందర్భాలు కూడా ఉన్నాయి.

అందువల్ల, కస్టమర్ కోసం ఆ సమస్యను పరిష్కరించడానికి, జియో తన కస్టమర్లకు డేటా సాచెట్‌ డేటా ప్యాక్ లను అందిస్తోంది. ఈ డేటా సాచెట్‌లన్నింటి వివరాలు ఇక్కడ ఒకసారి చూద్దాం.

జియో ఎయిర్‌ఫైబర్ డేటా సాచెట్ డేటా ప్యాక్ ల వివరాలు
రిలయన్స్ జియో యొక్క AirFiber సేవలలో మూడు డేటా సాచెట్ లేదా డేటా వోచర్‌ ప్యాక్ లు అందుబాటులో ఉన్నాయి. ఇవి రూ. 101 నుండి ప్రారంభమవుతాయి. మిగిలిన రెండు వోచర్‌లు రూ. 251 మరియు రూ. 401కి వస్తాయి. ఈ వోచర్‌లు కస్టమర్ ప్లాన్‌లకు డేటా బూస్ట్‌ను అందిస్తాయి. ఈ ప్లాన్లలో డేటా వేగం వినియోగదారు యొక్క అసలు ప్లాన్ వేగం లాగానే ఉంటుంది.

ఇక ఈ డేటా ప్యాక్ ల ప్రయోజనాలు గమనిస్తే, ధర రూ.101 కలిగిన డేటా వోచర్ 100GB డేటాతో వస్తుంది. దీని చెల్లుబాటు వినియోగదారుల యాక్టివ్ ప్లాన్ ప్రకారం ఉంటుంది. అలాగే, ధర రూ. 251 ప్లాన్ 500GB డేటాతో వస్తుంది మరియు అసలు ప్లాన్ యొక్క యాక్టివ్ వ్యాలిడిటీ వరకు కూడా చెల్లుబాటు అవుతుంది. చివరగా, రూ. 401 వోచర్ 1TB డేటాతో వస్తుంది మరియు ఈ ప్లాన్ ఒరిజినల్ ప్లాన్ యొక్క యాక్టివ్ వ్యాలిడిటీ వరకు కూడా చెల్లుబాటు అవుతుంది.

Jio AirFiber ఫైబర్ సేవలు అధిక డౌన్‌లోడ్ వేగాన్ని అందించగలదు, కానీ అప్‌లోడ్ విభాగంలో ఇది అంత బలంగా లేదు. అందువల్ల, మీరు మీ ప్రాంతంలో ఫైబర్ అందుబాటులో ఉన్నట్లయితే, AirFiber కి బదులుగా ఫైబర్ ప్లాన్‌కు సభ్యత్వాన్ని పొందాలని మా సూచన. JioFiber దేశంలోని దాదాపు అన్ని ప్రాంతాలలో కూడా అందుబాటులో ఉంది మరియు ఇలాంటి ప్లాన్‌లను అందిస్తుంది కానీ AirFiber సేవ కంటే ఎక్కువ FUP డేటాను అందిస్తుంది.

"కనెక్ట్ చేయబడిన పరికరాల సంఖ్యను బట్టి మీ ఇంటర్నెట్ వేగం పంపిణీ చేయబడుతుందని దయచేసి గమనించండి" అని జియో పేర్కొంది. అంటే ఒకవేళ మీరు Jio AirFiber తో గరిష్టంగా 1 Gbps ప్లాన్‌లను పొందాలనుకుంటే ఈ మొత్తం స్పీడ్ 120 పరికరాలకు సమానంగా విభజించ బడుతుంది.

గిజ్‌బాట్‌ తెలుగు వెబ్‌సైట్ గాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియా ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలాగే మీ తోటి స్నేహితులతో ఈ వార్తను పంచుకోగలరు.