IPL 2020 వీక్షణ కోసం Airtel, Jio కొత్త ప్రీపెయిడ్ ప్లాన్‌లు ఇవే!!!

Published: Wednesday, October 14, 2020, 11:58 [IST]

ఇండియాలోని టెలికామ్ రంగంలో మొదటి రెండు వైర్‌లెస్ ఆపరేటర్లు అయిన జియో మరియు ఎయిర్‌టెల్ సంస్థలు వారి యొక్క వినియోగదారులను ఆకట్టుకోవడానికి ఎంపిక చేసిన కొన్ని ప్రీపెయిడ్ ప్యాక్‌లపై డిస్నీ + హాట్‌స్టార్ సభ్యత్వాన్ని ఉచితంగా అందిస్తున్నాయి. భారతదేశంలో అతిపెద్ద వినియోగదారు బేస్ ను కలిగిన జియో ఆపరేటర్ సెప్టెంబర్‌లో డిస్నీ + హాట్‌స్టార్ VIP ప్రయోజనంను అనేక ప్రీపెయిడ్ ప్యాక్‌లతో అందిస్తున్నది. ఎయిర్‌టెల్ కూడా జియో మాదిరిగానే తన ఓవర్-ది-టాప్ (OTT) ప్రయోజనంలో డిస్నీ + హాట్‌స్టార్ VIP ను చేర్చి కొత్త ప్రీపెయిడ్ ప్లాన్‌లను ప్రవేశపెట్టింది. ఈ రెండు టెలికం ఆపరేటర్లు డ్రీమ్ 11 ఇండియన్ ప్రీమియర్ లీగ్ (ఐపిఎల్) కోసం డిస్నీ + హాట్‌స్టార్ విఐపి యొక్క OTT ప్రయోజనంతో తమ వినియోగదారులకు అందిస్తున్న ఉత్తమ ప్రీపెయిడ్ ప్యాక్‌ల జాబితా వివరాలను తెలుసుకోవడానికి ముందుకు చదవండి.

డిస్నీ + హాట్‌స్టార్ VIPకు ఉచిత యాక్సిస్ ను అందిస్తున్న జియో ప్లాన్ లు

56 రోజుల మొత్తం వాలిడిటీ కాలంలో 112GB డేటాను అందిస్తున్న రూ.598 జియో ప్లాన్‌ వినియోగదారులకు 2000FUP నిమిషాల నాన్- జియో కాల్స్ మరియు జియో- జియో అపరిమిత వాయిస్ కాల్స్ ప్రయోజనంతో పాటుగా వినియోగదారులకు 2GB రోజువారీ డేటా ప్రయోజనంను అందిస్తుంది. వినియోగదారులు రోజుకు 100SMS లతో పాటుగా జియో యొక్క యాప్ లకు కాంప్లిమెంటరీ చందాను ఉచితంగా పొందుతారు. ఈ ప్యాక్‌తో ఒక సంవత్సరం పాటు డిస్నీ + హాట్‌స్టార్ VIP యొక్క ఉచిత చందాను అదనంగా పొందవచ్చు.

జియో రూ 777 ప్లాన్

డ్రీమ్ 11 ఐపిఎల్‌ను ఉచితంగా చూడటానికి జియో వినియోగదారులు పొందగల రెండవ ప్రీపెయిడ్ ప్లాన్ రూ.777 ప్లాన్. ఈ ప్లాన్ కూడా డిస్నీ + హాట్‌స్టార్ విఐపి చందా ప్రయోజనంను ఉచితంగా అందిస్తుంది. ఇది 84రోజుల చెల్లుబాటుతో మొత్తంగా వాలిడిటీ కాలంలో 131GB డేటాను అందిస్తుంది. ఇందులో వినియోగదారులు 1.5GB రోజువారీ డేటాతో పాటుగా బోనస్ గా 5GB డేటాను పొందుతారు. ఈ ప్లాన్ వినియోగదారులకు అపరిమిత జియో-టు-జియో కాల్స్ మరియు 3000 FUP నిమిషాల జియోయేతర కాల్‌ల ప్రయోజనం అందిస్తుంది. వీటితో పాటుగా రోజుకు 100 SMS ప్రయోజనం కూడా ఉన్నాయి. వినియోగదారులు జియో యొక్క అన్ని యాప్ లకు కాంప్లిమెంటరీ సభ్యత్వాన్ని కూడా పొందుతారు.

డిస్నీ + హాట్‌స్టార్ VIPకు ఉచిత యాక్సిస్ ను అందిస్తున్న ఎయిర్‌టెల్ ప్లాన్ లు

భారతి ఎయిర్‌టెల్ నుండి లభించే రూ.448 ప్లాన్ వినియోగదారులకు 28 రోజుల చెల్లుబాటుతో లభిస్తుంది. దీని యొక్క చెల్లుబాటు కాలం తక్కువగా ఉన్నప్పటికీ వినియోగదారులు భారతదేశంలోని ఏ నెట్‌వర్క్‌కు అయినా అపరిమిత కాలింగ్‌తో పాటు 3GB రోజువారీ డేటా ప్రయోజనంను పొందుతారు. వినియోగదారులు రోజుకు 100SMSలను కూడా పొందుతారు. OTT విభాగంలో వినియోగదారులు డిస్నీ + హాట్‌స్టార్ విఐపి యొక్క ఉచిత సభ్యత్వాన్ని ఒక సంవత్సరం కాలానికి పొందుతారు.

ఎయిర్టెల్ రూ .599 ప్లాన్ పూర్తి వివరాలు

ఎయిర్టెల్ నుండి లభిస్తున్న రూ .599 ప్లాన్ కూడా వినియోగదారులకు డిస్నీ + హాట్స్టార్ విఐపి యొక్క చందాను ఉచితంగా అందిస్తుంది. ఈ ప్లాన్ 2GB రోజువారీ డేటాతో పాటు భారతదేశంలోని అన్ని నెట్‌వర్క్‌లకు అపరిమిత వాయిస్ కాలింగ్ మరియు రోజుకు 100 SMS ప్రయోజనాలను అందిస్తుంది. ఈ ప్లాన్ 56 రోజుల చెల్లుబాటుతో వస్తుంది. ఇది ఎయిర్టెల్ వినియోగదారులకు రూ.448 ప్లాన్ అందించే దానికంటే రెట్టింపు ప్రయోజనాలను అందిస్తుంది.