జియో & ఎయిర్‌టెల్ సంస్థలు ఈరోజు 5G నెట్‌వర్క్‌ని ప్రారంభించవచ్చు

| Published: Monday, August 15, 2022, 10:18 [IST]

భారతదేశంలోని ప్రముఖ టెలికాం ఆపరేటర్లు భారతి ఎయిర్‌టెల్ మరియు రిలయన్స్ జియో రెండు కూడా నేడు అంటే ఆగస్టు 15, 2022న 5Gని ప్రారంభించవచ్చు. ఎయిర్‌టెల్ ఆగస్ట్ 2022 నుండి 5Gని విడుదల చేయనున్నట్లు ఇప్పటికే ధృవీకరించింది. అయితే జియో యొక్క ఛైర్మన్ ఆకాష్ అంబానీ 75వ స్వాతంత్ర్య దినోత్సవ ప్రత్యేక సందర్భంగా భారతదేశంలో 5G నెట్‌వర్క్‌లను చూడవచ్చని సూచించాడు. 5Gని లాంచ్ చేసే రోజు స్వాతంత్ర్య దినోత్సవం అని ఏ కంపెనీ కూడా గట్టిగా చెప్పలేదు. కానీ మీరు దాని గురించి ఆలోచిస్తే ఆగష్టు 15, 2022 నాటికి 5G లాంచ్‌ను చూడాలని కోరుకున్నందున PMO (ప్రధాన మంత్రి కార్యాలయం) పనులను వేగవంతం చేయాలని DoT (టెలికమ్యూనికేషన్స్ విభాగం)ని కోరింది.

5G ఫాస్ట్ లాంచ్

75వ స్వాతంత్ర్య దినోత్సవ సంబరాలు దేశం మొత్తం మీద ఈ రోజు ప్రారంభమైంది. 5G నెట్‌వర్క్‌ల గురించి ఎయిర్‌టెల్ లేదా జియో నుండి ప్రకటన కోసం దేశం మొత్తం ఎదురుచూస్తోంది. 5G ఫాస్ట్ లాంచ్ గురించి చాలా నిశ్శబ్దంగా ఉన్న ఒకే ఒక టెల్కో వొడాఫోన్ ఐడియా (Vi). Vi తన వనరులను 5Gకి వెళ్లడం కంటే 4G యూజర్ బేస్‌ని విస్తరించడంపై ఎక్కువ దృష్టి పెట్టాలనుకుంటోంది. జియో లేదా Airtel ఈరోజు 5Gని ప్రారంభించకపోతే కొంచెం నిరుత్సాహ పడవలసి ఉంటుంది. కానీ అధిక మంది వినియోగదారులు ఆశలు 5G నెట్‌వర్క్‌లు ఈ రోజు అందుబాటులోకి వచ్చేట్లు ఉత్సాహంగా ఉన్నారు. దీనికి సంబంధించి మరిన్ని వివరాలు తెలుసుకోవడానికి ముందుకు చదవండి.

5G కవరేజ్ ప్లాన్

FY22 వార్షిక నివేదికలో భారతదేశంలోని 1000 నగరాలకు 5G కవరేజ్ ప్లాన్ ని పూర్తి చేసినట్లు జియో సంస్థ తెలిపింది. ఇది ఎయిర్‌టెల్ మరియు వోడాఫోన్ ఐడియాలను కొద్దిగా భయపెట్టవచ్చు. జియో (ఈసారి 5G కోసం) చందాదారుల మార్కెట్ వాటా కోసం మళ్లీ పోరాడాల్సిన స్థితికి రెండు కంపెనీలు రావాలని కోరుకోవడం లేదు. ఎయిర్‌టెల్ కూడా 5G రోల్‌అవుట్‌కు సిద్ధమైంది మరియు 5Gని లాంచ్ చేయడానికి NSA (నాన్-స్టాండలోన్) మార్గంలో వెళ్తుందని ధృవీకరించింది.

5G మిడ్-బ్యాండ్ స్పెక్ట్రమ్‌

ఎయిర్‌టెల్ మిడ్-బ్యాండ్ స్పెక్ట్రమ్‌లో ఆకట్టుకునే పోర్ట్‌ఫోలియోను కలిగి ఉంది. ఇది టెల్కోకు 5Gని గొప్ప కవరేజ్ మరియు అధిక వేగంతో అందించడానికి వీలు కల్పిస్తుంది. కానీ సిద్ధాంతపరంగా జియో ఎయిర్‌టెల్ కంటే మెరుగైన కవరేజ్ పనితీరుతో 5Gని అందించగలదు ఎందుకంటే ఇది మిడ్-బ్యాండ్ స్పెక్ట్రమ్‌తో విస్తరించడానికి సబ్-GHz (700 MHz) స్పెక్ట్రమ్‌ను కూడా కలిగి ఉంది. భారతీయ వినియోగదారుల దృక్కోణం దృష్ట్యా ఎయిర్‌టెల్ మరియు జియో రెండూ ఈరోజు 5Gని ప్రారంభిస్తాయని ఆశిస్తున్నాము. భారతదేశానికి ప్రత్యేక దినాన్ని పురస్కరించుకోవడానికి ఇది ఒక గొప్ప మార్గం మరియు భారతదేశం చివరకు 5G దేశంగా మార్చబడినప్పుడు టెల్కోలు కూడా ఈ రోజును చరిత్రలో ఒకటిగా గుర్తించగలవు.