జియో సంచలనం, రూ.251కే 102 జిబి డేటా

రూ.251 ప్లాన్

జియో క్రికెట్ డేటా ప్లాన్ పేరుతో దీన్ని అందుబాటులోకి తీసుకువచ్చింది. రూ.251 ప్లాన్ కింద జియో యూజర్లు రోజుకు 2 జీబీ డేటా పొందొచ్చు. ప్లాన్ వాలిడిటీ 51 రోజులు.

మొత్తంగా 102 జీబీ 4జీ డేటా

యూజర్లకు రిలయన్స్ జియో క్రికెట్ డేటా ప్లాన్ మొత్తంగా 102 జీబీ 4జీ డేటా అందిస్తుంది. జియో క్రికెట్ డేటా ప్లాన్ కింద యూజర్లకు ఎలాంటి వాయిస్ కాల్ ఫెసిలిటీ ఉండదు. అలాగే ఎస్ఎంఎస్ బెనిఫిట్స్ కూడా ఉండవు. కేవలం ఇంటర్నెట్ మాత్రమే వాడుకోవాల్సి ఉంటుంది.

రోజుకు 2 జీబీ డేటా

రిలయన్స్ జియో తాజా రూ.251 ప్లాన్‌తోపాటు వివిధ ప్లాన్ల ద్వారా కూడా రోజుకు 2 జీబీ డేటాను అందిస్తోంది. 28 రోజుల వాలిడిటీతో రూ.198 ప్లాన్, 70 రోజుల వాలిడిటీతో రూ.398 ప్లాన్, 84 రోజుల వాలిడిటీతో రూ.448 ప్లాన్, 91 రోజలు వాలిడిటీతో రూ.498 ప్లాన్ అందుబాటులో ఉన్నాయి.

వివోతో జత

ఇదిలా ఉంటే జియో చైనా దిగ్గజం వివోతో జతకట్టింది. దీనిలో భాగంగా వివో స్మార్ట్‌ఫోన్స్‌పై ఏకంగా రూ.10,000 వరకు ప్రయోజనాలు అందిస్తోంది. అలాగే 3.3 టెరాబైట్ డేటాను ఆఫర్ చేస్తోంది. వివో వి15, వివో వి15 ప్రో స్మార్ట్‌ఫోన్స్‌కు మాత్రమే ఈ ప్రయోజనాలు అందుబాటులో ఉంటాయి.

రూ.10,000 వరకు ప్రయోజనాలు

మార్చి 6 నుంచి జూన్ 3 మధ్యకాలంలో ఈ ఫోన్లు కొనుగోలు చేసిన కొత్త జియో యూజర్లకే ఈ ఆఫర్ వర్తిస్తుంది. రూ.10,000 వరకు ప్రయోజనాల్లో రూ.6,000 రీచార్జ్ క్యాష్‌బ్యాక్ రూపంలో లభిస్తుంది. దీన్ని పొందాలంటే స్మార్ట్‌ఫోన్ యూజర్లు రూ.299 ప్లాన్‌తో రీచార్జ్ చేసుకోవలసి ఉంటుంది.