జియో 8జిబి డేటా ఉచితం,ఎటువంటి పరిమితులు లేవు !

మైజియో యాప్‌లోకి..

ఈ ఉచిత డేటా కావాలంటే ఎవరైనా మైజియో యాప్‌లోకి లాగిన్ అవ్వాలి. అక్కడ మీకు యాడ్ అయిన 8జిబి జియో డేటా కనిపిస్తుంది. అయితే ఈ ఈ డేటా మీకు క్రికెట్ ప్యాక్ కింద యాడ్ అయి ఉంటుంది. ఓ సారి వివరాలు చెక్ చేసుకోవాల్సి ఉంటుంది.

జియో టీవీ యాప్ ద్వారా..

కాగా జియో టీవీ యాప్ ద్వారా ఐపీఎల్ ప్రసారాలను వీక్షించే వెసులుబాటును జియో కల్పించిన విషయం విదితమే. దీంతోపాటు అనేక చానల్స్‌ను కూడా ఆ యాప్‌లో చూసేందుకు వీలుంది. ఈ క్రమంలోనే నాణ్యమైన ప్రసారాలను, సేవలను అందిస్తున్నందున జియో టీవీ యాప్‌కు బెస్ట్ మొబైల్ వీడియో కంటెంట్ అవార్డు వచ్చింది.

 

జీఎస్‌ఎంఏ గ్లోబల్ మొబైల్ అవార్డుల్లో..

జీఎస్‌ఎంఏ గ్లోబల్ మొబైల్ అవార్డుల్లో భాగంగా జియో ఈ అవార్డును కైవసం చేసుకుంది. దీంతో జియో అందుకు బహుమతిగా 8 జీబీ డేటాను యూజర్లకు ఉచితంగా యాడ్ చేసినట్లు వెల్లడించింది.

2జీబీ చొప్పున 4 రోజుల్లో..

అయితే ఈ డేటాను రోజుకు 2జీబీ చొప్పున 4 రోజుల్లో వాడుకోవాల్సి ఉంటుంది.4 రోజుల తర్వాత ఈ డేటా ఆటోమేటిగ్గా మాయమైపోతుంది.

ఈ ఏడాది మార్చి వరకు..

కాగా ఈ ఏడాది మార్చి వరకు జియో కస్టమర్ల సంఖ్య ఏకంగా 18.66 కోట్లకు చేరుకుంది. ఇక 2018 జనవరి నుంచి మార్చి నెలల మధ్యలోనే ఏకంగా 2.65 కోట్ల మంది కొత్త కస్టమర్లు జియోలో చేరినట్టు ఆ సంస్థ తాజాగా వెల్లడించింది.

ఈ ఏడాది జనవరి నుంచి మార్చి నెలల మధ్య..

ఇక ఈ ఏడాది జనవరి నుంచి మార్చి నెలల మధ్య మొత్తం జియో కస్టమర్లు వాడుకున్న డేటా 506 కోట్ల జీబీ అని జియో తెలిపింది. అంటే సగటున ఒక్కో వినియోగదారుడు నెలకు 9.7 జీబీ డేటాను వాడుతున్నట్లు తెలుస్తుంది.

ఈ మూడు నెలల కాలంలో

అలాగే ఈ మూడు నెలల కాలంలో జియో కస్టమర్లు 37,218 కోట్ల నిమిషాల వాయిస్ కాల్స్ చేశారని జియో తెలిపింది. సగటున ఒక కస్టమర్ నెలకు 716 నిమిషాల వాయిస్ కాల్స్ చేయగా, 13.8 గంటల నిడివి ఉన్న వీడియోలను చూసినట్లు జియో తెలిపింది.