కొత్తగా మరో 10 నగరాలలో జియో 5G సేవలు! లిస్ట్ చూడండి!

రిలయన్స్ జియో ఇటీవల తన ట్రూ 5G సేవలను ఆంధ్రప్రదేశ్, ఛత్తీస్‌గఢ్, ఒడిశా, పంజాబ్, రాజస్థాన్, తెలంగాణ, ఉత్తరప్రదేశ్ మరియు ఉత్తరాఖండ్ వంటి ఎనిమిది రాష్ట్రాల్లోని మరో 10 నగరాల్లో లాంచ్ చేసింది, ప్రస్తుతం దేశ వ్యాప్తంగా జియో సర్వీస్ ఉన్న నగరాలు మొత్తం సంఖ్య 236కి చేరుకుంది. మంగళవారం విడుదల చేసిన జియో ప్రకటన ప్రకారం, ఈ నగరాల్లోని జియో వినియోగదారులు 1Gbps వేగంతో అపరిమిత డేటాను పొందేందుకు, ఎటువంటి అదనపు ఖర్చు లేకుండా, Jio వెల్‌కమ్ ఆఫర్‌కు ఆహ్వానించబడతారు అని పేర్కొంది.

జియో ప్రకటన

జియో ప్రతినిధి మాట్లాడుతూ, "ఎనిమిది రాష్ట్రాల్లోని ఈ 10 నగరాల్లో జియో ట్రూ 5G సేవలను అందుబాటులోకి తీసుకురావడం మాకు గర్వకారణం. ఈ లాంచ్ తో ప్రస్తుతం 236 నగరాల్లోని జియో వినియోగదారులు కొత్త సంవత్సరం 2023లో జియో ట్రూ 5G యొక్క పరివర్తన ప్రయోజనాలను ఆస్వాదించవచ్చు. జియో 5G సేవలు ప్రారంభించబడిన ట్రూ 5G నగరాలు ముఖ్యమైన పర్యాటక మరియు వ్యాపార గమ్యస్థానాలు అలాగే మన దేశంలోని ముఖ్య విద్యా కేంద్రాలు కూడా ఉన్నాయి.

జియో యొక్క ట్రూ 5G సేవలను ప్రారంభించడంతో, ఈ ప్రాంతంలోని వినియోగదారులు అత్యుత్తమ టెలికమ్యూనికేషన్ నెట్‌వర్క్‌ను పొందడమే కాకుండా ఇ-గవర్నెన్స్, విద్య, ఆటోమేషన్, ఆర్టిఫిషియల్ ఇంటెలిజెన్స్, గేమింగ్, హెల్త్‌కేర్ రంగాలలో అనంతమైన వృద్ధి అవకాశాలను పొందుతారని ప్రతినిధి చెప్పారు. వ్యవసాయం, ఐటీ మరియు చిన్న మరియు మధ్యతరహా పరిశ్రమలు (SMEలు) కు ఏంటో ఉపయోగపడుతుందని కూడా తెలుస్తోంది.

ఆంధ్రప్రదేశ్‌లోని పట్టణాలు

జియో సంస్థ సమాచారం ప్రకారం, ఆంధ్రప్రదేశ్‌లోని హిందూపూర్, మదనపల్లె మరియు ప్రొద్దుటూరు నగరాలు; ఛత్తీస్‌గఢ్‌లోని రాయ్‌గఢ్; ఒడిశాలో తాల్చేర్; పంజాబ్‌లోని పాటియాలా; రాజస్థాన్‌లోని అల్వార్; తెలంగాణలో మంచిరియల్; ఉత్తరప్రదేశ్‌లోని గోరఖ్‌పూర్ మరియు ఉత్తరాఖండ్‌లోని రూర్కీ నేటి నుండి Jio యొక్క 5G సేవలను ఆనందించనున్నారు.

ఈ ప్రాంతాన్ని డిజిటలైజ్ చేయాలనే మా అన్వేషణలో నిరంతరం మద్దతు ఇస్తున్న ఆంధ్రప్రదేశ్, ఛత్తీస్‌గఢ్, ఒడిశా, పంజాబ్, రాజస్థాన్, తెలంగాణ, ఉత్తరప్రదేశ్ మరియు ఉత్తరాఖండ్ రాష్ట్ర ప్రభుత్వాలకు మేము కృతజ్ఞతలు తెలియజేస్తున్నాము" అని జియో ప్రతినిధి చెప్పారు.

20 లక్షల మంది Active వినియోగదారులను కోల్పోయిన Jio

భారతదేశపు అతిపెద్ద టెలికాం ఆపరేటర్ అయిన రిలయన్స్ జియో నవంబర్ 2022లో దాదాపు 1.42 మిలియన్ల కొత్త వైర్‌లెస్ సబ్‌స్క్రైబర్‌లను పొందింది. అయితే, టెలికాం రెగ్యులేటరీ అథారిటీ ఆఫ్ ఇండియా (TRAI) యొక్క తాజా నెలవారీ పనితీరు నివేదిక నుండి డేటా తీసుకోబడింది. నివేదిక ప్రకారం, జియో మరియు ఎయిర్‌టెల్ ఈ నెలలో వైర్‌లెస్ సబ్‌స్క్రైబర్‌లను జోడించగా, BSNL మరియు Vi కోల్పోయాయి. అయితే, అది ముఖ్యమైన విషయం కాదు. టెల్కోలు ఎంత మంది యాక్టివ్ యూజర్‌లను యాడ్ చేశారన్నది నిజంగా ముఖ్యమైనది. TRAI ప్రచురించిన డేటా ప్రకారం, Airtel 1 మిలియన్ యాక్టివ్ యూజర్‌లను జోడించగా, Jio 2 మిలియన్ యాక్టివ్ యూజర్‌లను కోల్పోయింది.

Jio యాక్టివ్ యూజర్‌లను కోల్పోయిన విషయం అంచనా వేయడం కష్టం . దేశంలోని అనేక ప్రాంతాలకు 5Gని విడుదల చేయడంలో ఎయిర్‌టెల్ కంటే జియో కొంచెం ముందుంది. కాబట్టి, జియో యాక్టివ్ యూజర్‌లను ఎందుకు కోల్పోయిందని అర్థం చేసుకోవడం కష్టం. Jio యొక్క టారిఫ్‌లు ఇతర ప్రైవేట్ టెలికాం ఆపరేటర్‌ల కంటే కూడా తక్కువగా ఉన్నాయి. Vodafone Idea మరియు BSNL (భారత్ సంచార్ నిగమ్ లిమిటెడ్) వరుసగా 2 మిలియన్ మరియు 0.5 మిలియన్ క్రియాశీల సబ్‌స్క్రైబర్‌లను కోల్పోయాయి.