రూ.500 నుంచే జియో గిగా‌ఫైబర్ ప్లాన్ స్టార్ట్ !

అనధికార సమాచారం ప్రకారం

జియో ఉద్యోగుల సమాచారం ప్రకారం జియో గిగా ఫైబర్ , జియోఫోన్ 3 మరియు జియో డీటీహెచ్ సర్వీస్ గురించి అనౌన్స్ చేయబోతున్నట్టు వార్తలు హల్‌చల్ చేస్తున్నాయి. అన్నీ కుదిరితే జులై నాటి కల్లా జియో తన గిగా ఫైబర్ సేవలను అందుబాటులోకి తెచ్చే అవకాశం ఉంది.

జియో ప్లాన్

మార్కెట్ నుంచి వస్తున్న అనధికార సమాచారం ప్రకారం జియో ప్లాన్ రూ.500 నుంచే స్టార్ట్ అయ్యే అవకాశం ఉన్నట్లు తెలుస్తోంది. అలాగే సెక్యూరిటీ డిపాజిట్ కింద నాలుగు వేల అయిదు వందలు చెల్లించాలనే వార్తలు కూడా వినిపిస్తున్నాయి.

ఇప్పటికే లైవులోకి

ఇప్పటికే కొన్ని ఏరియాల్లో జియో గిగా ఫైబర్ మీద టెస్టింగ్‌లు నిర్వహిస్తున్నారు. జియో గిగా ఫైబర్ ప్రారంభమయితే నాణ్యమయిన బ్రాడ్ బ్యాండ్ సేవలు అందరికీ అందుబాటులోకి వస్తాయి. ఢిల్లీ, ముంబై లాంటి ఏరియాల్లో ఇప్పటికే జియో గిగాఫైబర్ ను వేలమంది వినియోగదారులు వాడుతున్నారు.

జియోఫోన్ 3

ఇదే కాకుండా జియో ఫోన్ 3 గురించి వార్తలు వస్తున్నాయి. జియోఫోన్‌-3లో అనేక ఫీచర్లు ఉన్నాయి. 5 అంగుళాల టచ్‌ స్క్రీన్‌తో, పవర్‌ఫుల్‌ సాఫ్ట్‌వేర్‌, ఆండ్రాయిడ్‌ గో, 2జీబీ ర్యామ్‌, 64 జీబీ స్టోరేజ్‌ సామర్ధ్యంతో ఈ స్మార్ట్‌ఫోన్‌ను రానుందట. అంతేకాదు 5 ఎంపీ రియర్‌ కెమెరా, 2 ఎంపీ ఫ్రంట్‌ కెమెరా స్పెషల్ అట్రాక్షన్ కానుంది. వీటన్నిటికి తోడు జియో డీటీహెచ్ సేవలు ప్రారంభం కానున్నాయి.