4జీ అయిపోయింది..ఇక 5జీ వైపు జియో చూపు

#1

జియో దేశ వ్యాప్తంగా 2 లక్షల 50 వేల కిలో మీటర్ల మేర ఫైబర్ ఆఫ్టిక్ ను 4జీ కోసం వేయనుందని ముఖేష్ అంబాని చెప్పారు. అయితే దీన్ని 5జీ, 6జీకి వాడుకునే విధంగా అత్యంత పకడ్బందీగా ఏర్పాట్లు చేయనున్నట్లుగా తెలుస్తోంది.

#2

రానున్న మూడు సంవత్సరాల్లో పైబర్ ఆఫ్టిక్ కేబుల్స్ 5జీని 6జీని సపోర్ట్ చేసే విధంగా మలుస్తామని ఆ దిశగానే అడుగులు వేస్తామని 4జీ వైర్లే 5జీకి కనెక్ట్ అయ్యే విధంగా గ్రామ గ్రామాలకు విస్తరిస్తామని అంబాని తెలిపారు.

#3

వచ్చే ఏప్రిల్ నాటికి గ్రామాల్లో అలాగే పట్టణాల్లో ఈ ఫైబర్ ద్వారా 1 మిలియన్ మందికి సేవలు అందించడమే లక్ష్యంగా జియో పనిచేస్తుందని తెలిపారు.

#4

వచ్చే తరానికి డిజిటల్ సర్వీసులు ప్రొవైడ్ చేసేది ఒక్క జియో మాత్రమేనని అన్ని మార్గాల ద్వారా కష్టమర్లకు చేరువ అయ్యేందుకు తీవ్రంగా కృషి చేస్తున్నామని ముఖేష్ అంబాని తెలిపారు.

#5

స్టార్టప్ లు అలాగే ఎంటర్ ప్రైజెస్‌లను కోసం పెద్ద మొత్తాన్నే కేటాయించామని, చిన్న తరహా పరిశ్రమలకు అలాగే ఎస్‌ఎమ్బిలకు హై స్పీడ్ ఐపీ నెట్ వర్క్ ద్వారా జియో సర్వీసులను అందిస్తామని ధీమా వ్యక్తం చేశారు.

#6

ఈ ఫైబర్ నెట్ వర్క్ ని అంతర్జాతీయ స్థాయి నెట్ వర్క్ లకు కనెక్ట్ అయ్యే విధంగా రూపొందిస్తున్నామని ప్రపంచంలో సగం ఇంటర్నెట్ ట్రాఫిక్ జియో నుంచి వెళ్లేలా చూస్తామని కష్టమర్ల సంతోషమే జియో ధ్యేయమని ఎజీఎమ్ మీటింగ్ లో అంబాని తెలిపారు.

#7

ఇప్పటికే రిలయన్స్ కమ్యూనికేషన్ ఈ ఫైబర్ ఆఫ్టిక్ ను దేశమంతా విస్తరించింది. అయితే ఇప్పుడున్నది సరిపోదని ఇప్పుడున్న దాని కన్నా దాదాపు 80 సార్లు ఫాస్ట్ గా బ్రాడ్ బ్యాండ్ రన్ అయ్యే విధంగా ప్రణాళికలు రూపొందించనున్నట్లు సమాచారం.

#8

ఈ పైబర్ నెట్ వర్క్ 1 Gbps స్పీడ్ ను ఆఫర్ చేస్తుందని ఇదే అత్యుత్తమ స్పీడ్ అని దీన్ని ఇంకా పెంచేందుకు కసరత్తులు చేస్తామని జియో అధినేత చెప్పారు. ఇప్పుడున్న బ్రాడ్ బాండ్ స్పీడ్ యావరేజ్ గా 3.5 Mbps ఉంది. దీన్ని పూర్తిగా జియో మార్చనుంది.

#9

అత్యధిక క్వాలిటీ వర్చువల్ రియాల్టీ, అగ్మెంటెడ్ రియాల్టీలో లీడర్లుగా ఎదుగుతామనీ, పండుగ రోజుల్లో మెసేజ్ ల బ్లాకేజ్ ఉండదని ఆయన స్పష్టం చేశారు

#10

300 పైగా ఛాన ల్స్ లైవ్ లో చూడొచ్చని, అలాగే 28 లక్షల కాలర్ టూన్స్, 6 వేల సినిమాలు, 60 వేల మ్యూజిక్ ఉచితంగా పలు అప్లికేషన్స్ అందుబాటులోకి రానున్నాయని తెలిపారు.

#11

ఫైబర్ నెట్ ద్వారా దేశంలో దాదాపు కోటి వైఫై కేంద్రాలను ఏర్పాటు చేయనున్నట్లు తెలుస్తోంది. దేశంలో 2017 నాటికి 90 శాతం గ్రామాలకు తమ సేవలు అందుబాటులో ఉంచే లక్ష్యంతో జియో పని చేస్తోంది.