ఉచితంగా Disney+Hotstar ను అందించే జియో కొత్త ప్లాన్లు!

ICC ప్రపంచ కప్ 2023 సీజన్ టోర్నమెంట్ యొక్క మొదటి మ్యాచ్‌గా ఇంగ్లాండ్ vs న్యూజిలాండ్ గేమ్‌తో ప్రారంభమైంది. క్రికెట్ ఫీవర్ ఊహించిన దాని కంటే వేగంగా వ్యాపించడంతో, రిలయన్స్ జియో వినియోగదారుల కోసం కొన్ని ఉత్తమ ఆఫర్లను ప్రవేశపెట్టింది. ఇప్పుడు, జియో ప్రీపెయిడ్ వినియోగదారులు కొత్త డిస్నీ+ హాట్‌స్టార్ ప్లాన్‌లతో HD నాణ్యతతో ప్రత్యక్ష ప్రసారంగా క్రికెట్ మ్యాచ్‌లను ఆస్వాదించగలరు.

జియో టెలికాం దిగ్గజం నెలవారీ, త్రైమాసిక మరియు వార్షిక ప్రీపెయిడ్ రీఛార్జ్ ప్లాన్‌లను ప్రారంభించింది. ఇవి డేటా ప్రయోజనాలు, అపరిమిత వాయిస్ కాల్‌లు మరియు డిస్నీ+ హాట్‌స్టార్ మొబైల్ యాప్‌కు ఉచిత సభ్యత్వాన్ని అందిస్తాయి. ఈ ప్రీపెయిడ్ రీఛార్జి ప్లాన్ల యొక్క ధరలు, వాటి ప్రయోజనాల వివరాలను ఇక్కడ వివరంగా తెలుసుకుందాం.

డిస్నీ+ హాట్‌స్టార్ సబ్‌స్క్రిప్షన్‌తో జియో ప్రీపెయిడ్ నెలవారీ మరియు త్రైమాసిక ప్లాన్‌లు
ICC పురుషుల క్రికెట్ ప్రపంచ కప్ 2023 అక్టోబర్ మరియు నవంబర్‌లలో జరుగుతుంది. ఈ వరల్డ్ కప్ ఫైనల్‌ నవంబర్ 19న జరగనుంది. ఈ టోర్నమెంట్ కోసం, Jio తన ప్రీపెయిడ్ వినియోగదారులకు నెలవారీ లేదా త్రైమాసిక రీఛార్జ్ ప్లాన్‌లను ఎంచుకోవచ్చు.

28 రోజుల చెల్లుబాటుతో రీఛార్జ్ ప్యాక్ కోసం, Jio ప్రీపెయిడ్ రోజుకు 1.5GB డేటాను రూ. 328 ప్లాన్ తో పొందవచ్చు. వినియోగదారులు రోజుకు 2GB డేటాకు యాక్సెస్ పొందాలనుకుంటే. రూ.388 రీఛార్జ్ ప్లాన్ ను రీఛార్జి చేసుకోవచ్చు.

మరోవైపు, డిస్నీ+ హాట్‌స్టార్ సబ్‌స్క్రిప్షన్‌తో త్రైమాసిక రీఛార్జ్ ప్లాన్‌ల ధరలు గమనిస్తే రోజుకు 1.5GB డేటా కోసం రూ. 758 మరియు రోజుకు 2GB డేటా కోసం రూ. 808 తో రీఛార్జి చేయవచ్చు. ఈ రెండు ప్లాన్లు కూడా 84 రోజుల చెల్లుబాటు కలిగి ఉంటుంది. పైన పేర్కొన్న అన్ని ప్లాన్‌లు 3 నెలల పాటు డిస్నీ+ హాట్‌స్టార్ సబ్‌స్క్రిప్షన్‌ను ఉచితంగా అందిస్తాయి. వినియోగదారులు కేవలం రూ.331 తో అదనపు డేటాను కూడా జోడించవచ్చు. ఈ ప్లాన్ 30 రోజుల పాటు 40GB డేటాను అందిస్తోంది.

ఇంకా మరోక నెలవారీ ప్లాన్ 28 రోజులకు రూ. 598 కి రీఛార్జి చేయవచ్చు. ఈ ప్లాన్ ద్వారా రోజుకు 2GB డేటాను పొందవచ్చు. అయితే, ఇది 1 సంవత్సరం డిస్నీ+ హాట్‌స్టార్ సబ్‌స్క్రిప్షన్‌ను ఉచితంగా అందిస్తుంది.

డిస్నీ+ హాట్‌స్టార్ సబ్‌స్క్రిప్షన్‌తో వచ్చే జియో ప్రీపెయిడ్ వార్షిక ప్లాన్
ఉచితంగా డిస్నీ+ హాట్‌స్టార్ సబ్‌స్క్రిప్షన్‌ ను అందించే వార్షిక జియో ప్రీపెయిడ్ ప్లాన్ వివరాలు చూస్తే, ఇది రూ. 3178 తో వస్తుంది. ఈ ప్లాన్ ద్వారా మీరు రోజుకు 2GB హై-స్పీడ్ డేటాను మరియు 365 రోజుల పాటు డిస్నీ+ హాట్‌స్టార్ మొబైల్ సబ్‌స్క్రిప్షన్‌ను పొందవచ్చు.

ఈ ప్లాన్‌లలో మీరు దేనినైనా పొందేందుకు, పైన పేర్కొన్న ప్యాక్‌లలో దేనితోనైనా రీఛార్జ్ చేయవచ్చు మరియు రీఛార్జ్ చేయబడిన అదే Jio నంబర్‌తో వారి మొబైల్‌లో Disney+ Hotstar యాప్‌కి సైన్ ఇన్ చేయవచ్చు. సాధారణంగా ICC ప్రపంచ కప్ 2023లో జరిగే అన్ని మ్యాచ్‌ల ప్రత్యక్ష ప్రసారం డిస్నీ+ హాట్‌స్టార్‌లో అందుబాటులో ఉంటుందని గమనించాలి.