జియో ఫీచర్ ఫోన్‌లో వేరే కంపెనీ సిమ్ పనిచేయదు !

జియో 4జీ ఫీచర్ ఫోన్‌లో వాట్సప్ ?

జియో 4జీ ఫీచర్ ఫోన్ నడిచేది పూర్తిగా విభిన్నమైన ఆపరేటింగ్ సిస్టమ్‌తో. ఆ ఫోన్ కోసం ఓ సాఫ్ట్‌వేర్‌ను తయారు చేశారు. కనుక అందులో వాట్సప్ రాదు. కానీ యూట్యూబ్, ఫేస్‌బుక్ వంటి యాప్స్‌ను అందించే అవకాశం ఉన్నట్టు తెలిసింది. ఇక వాట్సప్‌కు ప్రత్యామ్నాయంగా అందులో ఇచ్చే జియో చాట్ యాప్‌ను వాడుకోవాల్సి ఉంటుంది.

రెండు మోడల్స్‌లో

ఇప్పటి వరకు ఈ ఫోన్‌కు చెందిన పూర్తి స్పెసిఫికేషన్లను జియో వెల్లడించలేదు. కానీ చైనాకు చెందిన స్ప్రెడ్‌ట్రమ్ కమ్యూనికేషన్‌తోపాటు మరో ప్రాసెసర్ తయారీ సంస్థ అయిన క్వాల్‌కామ్ కూడా జియోతో కలసి పనిచేస్తున్నట్టు గతంలో చెప్పాయి. కనుక స్ప్రెడ్‌ట్రమ్ ప్రాసెసర్, క్వాల్‌కామ్ ప్రాసెసర్‌తో ఉండే జియో 4జీ ఫోన్ రెండు మోడల్స్‌లో విడుదలయ్యేందుకు అవకాశం ఉంది.

రీచార్జి

రూ.1500 సెక్యూరిటీ డిపాజిట్ కట్టి ఫోన్ కొన్నాక కనీసం 90 రోజులకు ఒకసారి అందులో వాడే సిమ్‌లను రీచార్జి చేయించుకోవాలి. అలా చేస్తేనే ఆ ఫోన్‌కు గాను 3 ఏళ్ల తరువాత సెక్యూరిటీ డిపాజిట్‌ను తిరిగి ఇస్తారు. లేదంటే ఇవ్వరు.

ప్రీ బుకింగ్ చేసేటప్పుడే సెక్యూరిటీ డిపాజిట్

జియో 4జీ ఫోన్ కావాలనుకునే వినియోగదారులు ఫోన్ కోసం ప్రీ బుకింగ్ చేసేటప్పుడే రూ.1500 చెల్లించాల్సి ఉంటుంది. ఆ తరువాతే ఆర్డర్ కన్‌ఫాం అయి డెలివరీ అవుతుంది.

జియో కేబుల్ టీవీ

జియో ఫోన్‌కు అనుసంధానించుకునే కేబుల్‌ను రూ.500 వరకు అదనంగా వెచ్చించి కొనుగోలు చేయాల్సి వస్తుందట. దాంతోపాటు నెలకు రూ.309 ప్లాన్‌ను కచ్చితంగా తీసుకుంటేనే ఆ కేబుల్‌ను వాడుకునే వీలుంటుందని తెలిసింది. 

వైఫై హాట్ స్పాట్

జియో 4జీ ఫీచర్ ఫోన్‌లో వైఫై హాట్ స్పాట్ లేదు. దీంతో ఈ ఫోన్‌లో ఉన్న ఇంటర్నెట్‌ను ఇతర డివైస్‌లకు షేరింగ్ ద్వారా పొందలేము.

రోజుకు 500 ఎంబీ డేటా

జియో 4జీ ఫీచర్ ఫోన్‌ను కొని అందులో వాడే సిమ్‌ను రీచార్జి చేసుకున్నాక రోజుకు 500 ఎంబీ డేటా లభిస్తుందని చెప్పారు.