Jio, Tata Sky, BSNL ISPల హాఫ్ ఇయర్లీ బ్రాడ్‌బ్యాండ్ ప్లాన్‌లలో బెస్ట్ ఆఫర్స్ ఇవే....

| Published: Friday, January 21, 2022, 11:58 [IST]

కరోనా మహమ్మారి వచ్చినప్పటి నుండి బ్రాడ్‌బ్యాండ్ కనెక్టివిటీ మీద ఆధారపడే వినియోగదారుల సంఖ్య అయింది. ముఖ్యంగా ఇంటి వద్ద నుండి పని చేసేవారు మరియు ఆన్‌లైన్ ద్వారా నేర్చుకోవడం లేదా వ్యాపారాలను నిర్వహించడం వంటి వారి అవసరాల కోసం బ్రాడ్‌బ్యాండ్ కనెక్షన్ అవసరం పెరిగింది. ఇంటర్నెట్ సర్వీస్ ప్రొవైడర్లు (ISPలు) అందించే నెలవారీ బ్రాడ్‌బ్యాండ్ ప్లాన్‌లకు చాలా మంది వినియోగదారులు కట్టుబడి ఉండవచ్చు. అయితే ఎక్కువ కాలం చెల్లుబాటుతో బ్రాడ్‌బ్యాండ్ ప్లాన్‌ల కోసం వెళ్లాలనుకునే వినియోగదారుల కూడా ఉండవచ్చు. అటువంటి వారి కోసం ISPలు ఆరు నెలల చెల్లుబాటుతో కొన్ని బ్రాడ్‌బ్యాండ్ ప్లాన్‌లను అందిస్తున్నాయి. ఇవి కస్టమర్‌ల యొక్క కొంత ఖర్చును ఆదా చేయడమే కాకుండా కొన్ని అదనపు ప్రయోజనాలను పొందడంలో కూడా సహాయపడతాయి. జియో, BSNL, టాటాస్కై వంటి ISPలు అందించే కొన్ని ఎంపిక చేసిన హై-స్పీడ్ బ్రాడ్‌బ్యాండ్ ప్లాన్‌లు 6 నెలల చెల్లుబాటుతో అధిక ప్రయోజనాలతో లభిస్తాయి. వాటి యొక్క వివరాలను పూర్తిగా తెలుసుకోవడానికి చదవండి.

జియోఫైబర్ హాఫ్ ఇయర్లీ బ్రాడ్‌బ్యాండ్ ప్లాన్

ఆరు నెలల చెల్లుబాటుతో లభించే బ్రాడ్‌బ్యాండ్ ప్లాన్‌ల జాబితాలో మొదటిది జియో నుండి అత్యధికంగా అమ్ముడైన ప్లాన్. జియోఫైబర్ ఆరు నెలలకు రూ.5,994 ధర వద్ద 150 Mbps బ్రాడ్‌బ్యాండ్ ప్లాన్‌ను అందిస్తుంది. అయితే ఈ ప్లాన్ యొక్క వాస్తవ వ్యాలిడిటీ 180 రోజులు + అదనపు ఖర్చు లేకుండా 15 రోజులు అదనంగా ఉన్నందున వినియోగదారులు దీర్ఘకాలిక ప్లాన్ ప్రయోజనాన్ని అందుకుంటారు. జియోఫైబర్ యొక్క ఈ ప్లాన్‌తో వినియోగదారులు అప్‌లోడ్ మరియు డౌన్‌లోడ్ స్పీడ్ 150 Mbps పొందుతారు. అంతేకాకుండా జియోఫైబర్ నుండి వచ్చే ప్లాన్ 14 OTT ప్లాట్‌ఫారమ్‌లు మరియు రెండు జియో అప్లికేషన్‌ల ఉచిత సబ్‌స్క్రిప్షన్‌లతో వస్తుంది. OTT సబ్‌స్క్రిప్షన్‌లలో అమెజాన్ ప్రైమ్ వీడియో, డిస్నీ+ హాట్‌స్టార్ తో పాటుగా మరిన్ని ఉన్నాయి.

BSNL భారత్ ఫైబర్ హాఫ్ ఇయర్లీ బ్రాడ్‌బ్యాండ్ ప్లాన్

ప్రభుత్వ యాజమాన్యంలోని టెలికమ్యూనికేషన్స్ కంపెనీ BSNL యొక్క భారత్ ఫైబర్ బ్రాడ్‌బ్యాండ్ అర్ధ-వార్షిక వాలిడిటీతో ఒక ప్లాన్ ను మాత్రమే అందిస్తుంది. ఆరు నెలల చెల్లుబాటు వ్యవధిలో రూ.7,024 ధరతో లభించే 200 Mbps ఇంటర్నెట్ స్పీడ్‌ను అందించే టెల్కో నుండి 'ఫైబర్ ప్రీమియం ప్లస్ హాఫ్ ఇయర్లీ' ప్లాన్‌కు వినియోగదారులు యాక్సెస్ పొందవచ్చు. ఈ ధర GSTకి మినహాయించబడింది మరియు ప్లాన్ FUP పరిమితి 3300GB లేదా 3.3TBతో వస్తుంది. డేటా పరిమితికి మించి వినియోగదారులు 15 Mbps ఇంటర్నెట్ వేగాన్ని ఆస్వాదించవచ్చు. ఈ 'ఫైబర్ ప్రీమియం ప్లస్ హాఫ్ ఇయర్లీ' ప్లాన్ మొదటి బిల్లుపై రూ.500 వరకు 90% తగ్గింపును కూడా అందిస్తుంది.

టాటా స్కై హాఫ్ ఇయర్లీ బ్రాడ్‌బ్యాండ్ ప్లాన్

భారతదేశపు అత్యంత ప్రముఖ సర్వీస్ ప్రొవైడర్‌లలో ఒకటైన టాటా స్కై బ్రాడ్‌బ్యాండ్ దాని అన్ని బ్రాడ్‌బ్యాండ్ ప్లాన్‌లతో హాఫ్ ఇయర్లీ సబ్‌స్క్రిప్షన్ ఆఫర్‌ను అందిస్తుంది. మార్కెట్‌లోని కీలకమైన ప్లేయర్‌లలో ఇకటిన టాటా స్కై వినియోగదారు అవసరాలకు అనుగుణంగా ఎప్పటికప్పుడు ప్లాన్‌లను రూపొందిస్తూనే ఉంది. వినియోగదారులు టాటా స్కై బ్రాడ్‌బ్యాండ్ నుండి 200 Mbps ప్లాన్‌ను ఆరు నెలల వాలిడిటీ కాలానికి రూ.5,550 ధరతో పొందవచ్చు. ఈ ప్లాన్ వాస్తవానికి వినియోగదారులు నెలవారీ చెల్లించే దానితో పోల్చితే దాదాపు రూ.1,350 ఆదా చేయడంలో సహాయపడుతుంది. టాటా స్కై బ్రాడ్‌బ్యాండ్ నుండి 200 Mbps ప్లాన్ వాస్తవానికి చౌకైనది కానీ OTT ప్లాట్‌ఫారమ్‌లకు సభ్యత్వాలు వంటి అదనపు ప్రయోజనాన్ని అందించదు.

యు బ్రాడ్‌బ్యాండ్ హాఫ్ ఇయర్లీ ప్లాన్

హాఫ్ ఇయర్లీ బ్రాడ్‌బ్యాండ్ ప్లాన్ల జాబితాలో చివరిది యు బ్రాడ్‌బ్యాండ్ అందించే బ్రాడ్‌బ్యాండ్ ప్లాన్. ISP వోడాఫోన్ ఐడియా ద్వారా ఆధారితం మరియు భారతదేశంలోని ఎంపిక చేసిన 18 నగరాల్లో దాని సేవలను అందిస్తుంది. టెల్కో 200 Mbps వేగంతో బ్రాడ్‌బ్యాండ్ ప్లాన్‌ను రూ.6,372 ధరతో 190 రోజుల చెల్లుబాటు కాలానికి అందిస్తుంది. ఈ ప్యాక్ ధర GSTని కలిగి ఉంటుంది మరియు ప్లాన్‌పై విధించబడిన FUP డేటా 3.5TB లేదా 3500GB. పేర్కొన్న ప్లాన్ చెన్నై నగరం ఆధారంగా రూపొందించబడింది మరియు దేశవ్యాప్తంగా కొద్దిగా భిన్నంగా ఉండవచ్చు.