రిలయన్స్ జియోకు ట్రిపుల్ ధమాకా, అవార్డుల పంట

రెండవది బెస్ట్ కాంపైన్ అవార్డు

జియో క్రికెట్ క్రికెట్ ప్లే (JCPA)లో బెస్ట్ కాంపైన్ అవార్డును సొంతం చేసుకుంది. జియో యాప్ ద్వారా క్రికెట్ ప్లేను మొబైల్ స్క్రీన్ మీద పరిచయం చేసినందుకుగానూ ఈ అవార్డు వరించింది.ఈ గేమ్ జియో యూజర్లకు నాన్ జియో యూజర్లకు అందుబాటులో ఉంది.

మూడవది జియో ఫోన్ అవార్డు

మూడవ అవార్డును ఇండియా స్మార్ట్ఫోన్ జియో ఫోన్కే దక్కింది. అద్భుతమైన డేటా ప్రయోజనాలతో జియో ఫీచర్ ఫోన్ దేశంలో లక్షలాది మంది వినియోగదారులను ఆకట్టుకుందని జియో తెలిపింది. జియో ఫోన్ ద్వారా ఫీచర్ ఫోన్ మార్కెట్లో జియో తిరుగులేని ఆధిపత్యాన్ని నమోదు చేశామని అందుకే ఈ అవార్డును సొంతం చేసుకున్నామని జియో తెలిపింది

గోల్డెన్ గ్లోబ్ టైగర్స్ అవార్డ్స్ -2019

మలేషియాలోని కౌలాలంపూర్లో నిర్వహించిన ఒక ప్రత్యేక కార్యక్రమంలో గోల్డెన్ గ్లోబ్ టైగర్స్ అవార్డ్స్ -2019 అవార్డులను విజేతలకు అందించారు. మార్కెటింగ్, బ్రాండింగ్, సోషల్ ఇన్నోవేషన్ తదితర రంగాల్లో టైగర్స్ గా నిలిచిన సంస్థలు, వ్యక్తులకు గోల్డెన్ గ్లోబ్ టైగర్స్ పురస్కారాలు అందజేస్తారు.

4జీ డేటా వేగం బాగా ఉండటం

రిలయన్స్‌ జియో 4జీ డేటా వేగం బాగా ఉండటం, అందుబాటు ధరల వల్లే, రెండున్నరేళ్లలోనే 30 కోట్లకు పైగా చందాదార్లను సాధించింది. వినియోగదారుడి నుంచి లభించే సగటు మొత్తంలోనూ జియో వాటా అధికంగా ఉంటోంది. విపణిలో తమ వాటా నిలుపుకునేందుకు భారతీ ఎయిర్‌టెల్‌, వొడాఫోన్‌ ఐడియా కూడా 4జీ నెట్‌వర్క్‌ విస్తరణ కోసం భారీ పెట్టుబడులు పెడుతున్నాయి. జియో మాత్రం ఏకంగా 5జీ వైపు తన చూపును నిలిపింది.

అత్యధికులకు చేరువైన నెట్‌వర్క్‌

దేశీయంగా 4జీ సేవలు అందుబాటులోకి తేవడంలో అత్యధికులకు చేరువైన నెట్‌వర్క్‌గా జియో నిలిచిందని లండన్‌ కేంద్రంగా పనిచేసే మొబైల్‌ అనలిటిక్స్‌ అంతర్జాతీయ సంస్థ ఓపెన్‌ సిగ్నల్‌ నివేదించింది. ఈ సంస్థ గత డిసెంబర్ నుంచి ఫిబ్రవరి నెలాఖరు వరకు అధ్యయనం నిర్వహించి, నివేదిక రూపొందించింది.

వేగంగా చేరగలుగుతున్న నెట్ వర్క్

ఏదైనా వెబ్‌సైట్‌కు వేగంగా చేరగలుగుతున్న నెట్ వర్క్ జియో మాత్రమేనని ఓపెన్ సిగ్నల్ చెబుతోంది. అయితే ఎయిర్ టెల్ నెట్ వర్క్ పరిధిలోనే మెరుగ్గా వీడియో వీక్షించొచ్చు. ఎయిర్ టెల్ లో డౌన్ లోడ్ వేగం పెరుగుతుండగా, ఐడియా నెట్ వర్క్ అప్ లోడ్ లో వేగాన్ని నమోదు చేసింది. జియో మాత్రం అన్నింటిలో అప్రతిహంగా దూసుకుపోతోంది.