అతి త‌క్కువ ధ‌ర‌లో 100 Mbps స్పీడ్‌తో బెస్ట్ Broadband ప్లాన్స్ ఇవే!

| Published: Tuesday, August 23, 2022, 13:02 [IST]

ఇటీవ‌ల కాలంలో ఇళ్ల‌లో Broadband క‌నెక్ష‌న్‌లతో ఇంట‌ర్నెట్‌ ఉపయోగించే వారి సంఖ్య భారీగా పెరిగింది. వర్క్-ఫ్రమ్-హోమ్ కార‌ణంగానో లేదా వీడియో స్ట్రీమింగ్ కోసమో వినియోగ‌దారులు వారి ఇళ్ల‌లో డివైజ్‌ల‌కు Wi-Fi యాక్సెస్ కోసం Broadband క‌నెక్ష‌న్ల‌కు వైపు చూస్తున్నారు. ఈ క్ర‌మంలో, దేశంలోని ప‌లు ఇంటర్నెట్ సర్వీస్ ప్రొవైడర్లు (ISPలు) విస్తృత శ్రేణి బ్రాడ్‌బ్యాండ్ ప్లాన్‌లను అందిస్తున్నాయి.

అతి త‌క్కువ ధ‌ర‌లో 100 Mbps స్పీడ్‌తో బెస్ట్ Broadband ప్లాన్స్ ఇవే!

అయితే, చాలా మంది కస్టమర్‌లు త‌క్కువ ధ‌ర‌లో హై ఎండ్ స్పీడ్ క‌లిగిన ఇంటర్నెట్ కనెక్షన్‌ను ఇష్టపడతారు. ఈ క్ర‌మంలో మేం దేశంలోని కొన్ని అతిపెద్ద ISPలు రూ.900 కంటే తక్కువ ధరకు అందించే 100 Mbps స్పీడ్ ఇంటర్నెట్ ప్లాన్‌ల జాబితా సిద్ధం చేశాం. మీరు త‌క్కువ ధ‌ర‌లో 100 ఎంబీపీఎస్ ప్లాన్ కోసం చూస్తున్న‌ట్ల‌యితే.. ఈ ఆర్టిక‌ల్‌పై ఓ లుక్కేయండి.

Airtel 100 Mbps బ్రాడ్‌బ్యాండ్ ప్లాన్‌:

Airtel కంపెనీ దాని అత్యాధునిక ఫైబర్‌నెట్ టెక్నాలజీని ఉపయోగించి, వివిధ రకాల హై-స్పీడ్ బ్రాడ్‌బ్యాండ్ ప్లాన్‌లను అందిస్తుంది. ఫైబర్ ఆప్టిక్ ఇంటర్నెట్ కనెక్షన్‌తో తక్కువ బఫరింగ్ మరియు వేగవంతమైన డౌన్‌లోడ్ వేగం క‌లిగిన ప్లాన్ల‌ను అందిస్తోంది. Airtel నుండి వచ్చిన "స్టాండర్డ్" ప్యాక్ 100 Mbps బ్రాడ్‌బ్యాండ్ సేవను అందిస్తుంది. పన్నులు మినహాయించి నెలకు ఈ ప్లాన్ ధర రూ.799. ఈ ప్లాన్ కోసం, 3300GB FUP డేటా క్యాప్ సెట్ చేయబడింది. వినియోగదారులు వింక్ మ్యూజిక్, ఎక్స్‌స్ట్రీమ్ ప్రీమియం, అపోలో 24/7 మరియు ఫాస్ట్‌ట్యాగ్‌లకు ఉచిత యాక్సెస్ పొంద‌వ‌చ్చు.

BSNL 100 Mbps బ్రాడ్‌బ్యాండ్ ప్లాన్‌:

భారతదేశంలోని పబ్లిక్ టెలికాం సంస్థ అయిన‌ BSNL, భారత్ ఫైబర్ బ్రాడ్‌బ్యాండ్ ద్వారా 100 Mbps ఇంటర్నెట్ స్పీడ్ తో ఆకర్షణీయమైన ప్లాన్‌లను వినియోగదారులకు అందిస్తుంది. BSNL 100ఎంబీపీఎస్ స్పీడ్ తో రెండు నెలవారీ ప్లాన్‌ల ద్వారా అందిస్తోంది. వాటిలో ఒక‌టి ఫైబర్ సూపర్‌స్టార్ ప్రీమియం కాగా.. మ‌రొక‌టి ఫైబర్ వ్యాల్యూ ప్యాక్‌. ఒక నెల టారిఫ్ ప్లాన్ ధర రూ.749 నుండి రూ.799 వరకు ఉంటుంది. ఫైబర్ సూపర్ స్టార్ ప్రీమియం ప్లాన్ కోసం FUP డేటా క్యాప్ 1000GB మరియు ఫైబర్ వాల్యూ ప్యాక్ కోసం 3300GBగా సెట్ చేయబడింది.

వినియోగదారులు సెట్ చేయబడిన డేటా పరిమితిని వినియోగించుకున్న తర్వాత ఫైబర్ సూపర్‌స్టార్ ప్రీమియం ప్లాన్‌లో అపరిమిత డేటా డౌన్‌లోడ్ వేగం 5 Mbps కి ప‌డిపోతుంది. మరియు ఫైబర్ వాల్యూ ప్యాక్‌లో 2 Mbps పొందుతారు. ఈ బండిల్స్ GSTని కలిగి ఉండవని గమనించాలి. ఈ ప్యాక్‌లను కొనుగోలు చేసేటప్పుడు వినియోగదారులకు GST విధించబడుతుంది. ఫైబర్ సూపర్‌స్టార్ ప్రీమియం ప్యాకేజీ ద్వారా సోనీ LIV, ZEE5, Voot మరియు ఇతరాలతో సహా కొన్ని OTT సేవలకు సభ్యత్వాన్ని కూడా పొంద‌వ‌చ్చు.

JioFiber 100 Mbps బ్రాడ్‌బ్యాండ్ ప్లాన్‌:

JioFiber నెలకు రూ.699 ఖ‌ర్చుతో 100 Mbps ఇంటర్నెట్ స్పీడ్ డేటా ప్లాన్‌ను అందిస్తుంది. JioFiber యొక్క 100 Mbps ప్యాకేజీతో వినియోగదారులు అనేక డివైజ్‌ల‌లో వేగవంతమైన మరియు అంత‌రాయం లేని ఇంటర్నెట్‌ను పొందవచ్చు. ఈ ప్లాన్ కు జీఎస్టీ కూడా ఉంటుంద‌ని గమనించాలి, జీఎస్టీ చెల్లించడానికి వినియోగదారులదే బాధ్యత. అయితే, వినియోగదారులు వారి అవసరాలను బట్టి క్వార్ట‌ర్లీ, హాఫ్ ఇయ‌ర్లీ, ఇయ‌ర్లీ వారీగా కూడా ఈ ప్లాన్‌లను కొనుగోలు చేయవచ్చు. ఈ ప్లాన్‌తో వినియోగదారులు ప్రతి నెలా 3.3TB హై-స్పీడ్ డేటాను పొందుతారు.

Airtel ఎంట్రీ లెవెల్ బ్రాడ్‌బ్యాండ్ ప్లాన్‌:

భార‌తీ Airtel కంపెనీ రూ.499 ధ‌ర‌లో ఎంట్రీ లెవెల్ బ్రాడ్‌బ్యాండ్ ప్లాన్ (ట్యాక్స్‌లు అద‌నం) అందిస్తోంది. ఈ ప్లాన్‌తో కంపెనీ 40ఎంబీపీఎస్ ఇంట‌ర్నెట్ వేగంతో 3.3టీబీ డేటాను అందిస్తోంది. ఇది నెల రోజుల వ్యాలిడిటీ ఉంటుంది. అంతేకాకుండా, వినియోగదారులు కంపెనీ నుండి ఉచిత ఫిక్స్‌డ్-లైన్ వాయిస్ కాలింగ్ కనెక్షన్‌ని పొందవచ్చు, అయితే వారు పరికరాల కోసం అదనపు చెల్లించాల్సి ఉంటుంది.

BSNL ఎంట్రీ లెవెల్ బ్రాడ్‌బ్యాండ్ ప్లాన్‌:
భార‌త ప్ర‌భుత్వ రంగ టెల్కో BSNL రూ.329 ధ‌ర‌లో ఎంట్రీ లెవెల్ బ్రాడ్‌బ్యాండ్ ప్లాన్ (ట్యాక్స్‌లు అద‌నం) అందిస్తోంది. ఈ ప్లాన్ ద్వారా యూజ‌ర్లు 20ఎంబీపీఎస్ ఇంట‌ర్నెట్ వేగంతో 1000జీబీ డేటాను అందిస్తోంది. ఇది నెల రోజుల వ్యాలిడిటీ ఉంటుంది. అంతేకాకుండా, ఈ ప్లాన్‌తో పాటు ఉచిత ఫిక్స్‌డ్-లైన్ వాయిస్ కాలింగ్ కనెక్షన్ కూడా ఉంది, అయితే వినియోగదారులు డివైజుల కోసం అదనంగా చెల్లించాల్సి ఉంటుంది.

రిల‌య‌న్స్ Jio ఎంట్రీ లెవెల్ బ్రాడ్‌బ్యాండ్ ప్లాన్‌:
భార‌త దేశంలోనే అతిపెద్ద టెల్కో రిల‌య‌న్స్ Jio కంపెనీ రూ.399 ధ‌ర‌లో ఎంట్రీ లెవెల్ బ్రాడ్‌బ్యాండ్ ప్లాన్ (ట్యాక్స్‌లు అద‌నం) అందిస్తోంది. ఈ ప్లాన్‌తో కంపెనీ 30ఎంబీపీఎస్ ఇంట‌ర్నెట్ వేగంతో 3.3టీబీ డేటాను అందిస్తోంది. ఇది నెల రోజుల వ్యాలిడిటీ ఉంటుంది. అంతేకాకుండా, వినియోగదారులు కంపెనీ నుండి ఉచిత ఫిక్స్‌డ్-లైన్ వాయిస్ కాలింగ్ కనెక్షన్‌ని పొందవచ్చు.

Vodafone Idea ఎంట్రీలెవెల్ బ్రాడ్‌బ్యాండ్ ప్లాన్‌:
Vodafone Idea కంపెనీ త‌మ బ్రాడ్‌బ్యాండ్ సేవ‌ల్ని యూ బ్రాడ్‌బ్యాండ్ అనే స‌బ్సిడ‌రీ ద్వారా అందిస్తోంది. ఈ కంపెనీ నుంచి రూ.400 ధ‌ర‌లో ఎంట్రీ లెవెల్ బ్రాడ్‌బ్యాండ్ ప్లాన్ (ట్యాక్స్‌లు అద‌నం) అందిస్తోంది. ఈ ప్లాన్ ద్వారా యూజ‌ర్లు 40ఎంబీపీఎస్ ఇంట‌ర్నెట్ వేగంతో 3.5టీబీ డేటాను అందిస్తోంది. ఇది నెల రోజుల వ్యాలిడిటీ ఉంటుంది. ఈ కంపెనీ సేవ‌లు ప‌లు ఎంపిక చేయ‌బ‌డిన న‌గ‌రాల్లో మాత్ర‌మే అందుబాటులో ఉన్నాయి.